অসম লাইভ ২৪ঃ প্ৰথমবাৰৰ বাবে বিশ্বজুৰি ১০ মিলিয়ন লোকে কৰিলে সূৰ্য নমস্কাৰ৷ মকৰ সংক্ৰান্তি উপলক্ষে শুকুৰবাৰে আয়ুষ মন্ত্ৰালয়ৰ উদ্যোগত সমগ্ৰ বিশ্ব উদযাপন কৰা হয় সূৰ্য নমস্কাৰ। ডিব্ৰুগড়ত আয়ুষ মন্ত্ৰী সৰ্বানন্দ সোণোৱালে সূৰ্য নমস্কাৰ কৰে। ডিব্ৰুগড়ৰ লক্ষীনগৰৰ বাসগৃহত সূৰ্য নমস্কাৰৰ আয়োজন কৰে কেন্দ্ৰীয় মন্ত্ৰীগৰাকীয়ে। আয়ুষ মন্ত্ৰালয়ৰ উদ্যোগত আয়োজিত ভাৰ্চুৱেল অনুষ্ঠানটোত পুৱা ৭ বজাত আৰম্ভ হয় যোগাসন। কাৰ্যসূচীত মোৰাৰজি দেশাই ৰাষ্ট্ৰীয় যোগ প্ৰতিষ্ঠানৰ পৰা পোনপটীয়াকৈ যোগ প্ৰদৰ্শন কৰা হয়। ইয়াত সমগ্ৰ বিশ্বৰ যোগ অনুশীলনকাৰীসকলে অংশগ্ৰহণ কৰে। উদ্বোধনী ভাষণ কেন্দ্ৰীয় মন্ত্ৰী সোণোৱালে। মকৰ সংক্ৰান্তিৰ এই শুভ ক্ষণত আৰু আজাদি কা অমৃত মহোৎসৱ উদযাপনৰ এই সময়ছোৱাত কেন্দ্ৰীয় আয়ুস মন্ত্ৰী সৰ্বানন্দ সোণোৱালে আহ্বান কৰা এই কাৰ্যসূচীত বিশ্বজুৰি ১০ মিলিয়ন লোকে অংশগ্ৰহণ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
