শনিয়ে সকলোতকৈ ধীৰ গতিত নিজৰ স্থান পৰিবৰ্তন কৰে৷ এটা এটা ৰাশিত শনিয়ে আঢ়ৈ বছৰ ধৰি অৱস্থান কৰে৷ বৰ্তমান শনি আছে কুম্ভ ৰাশিত৷ আগন্তুক ২৯মাৰ্চ ২০২৫ পৰ্যন্ত কুম্ভ ৰাশিতেই থাকিব শনি৷ ইয়াৰপাছতেই কুম্ভ এৰি মীন ৰাশিত প্ৰৱেশ কৰিব৷ শনি কুম্ভ ৰাশিৰ অধিপতি গ্ৰহ৷ নিজৰ ৰাশিৰ পৰা শনিয়ে গঠন কৰিছে শ শ ৰাজযোগ৷ শনিয়ে মীন ৰাশিত গোচৰ কৰাৰ পৰ্যন্ত এই যোগ বৰ্তি থাকিব৷ জ্যোতিষ গণনা অনুসৰি এই ৰাজযোগৰ প্ৰভাৱত দুৰ্দান্ত লাভ কৰিব কেইটামান ৰাশিৰ জাতকে৷ জানি থওক শ শ ৰাজযোগৰ প্ৰভাৱত ২৯ মাৰ্চ ২০২৫ পৰ্যন্ত সুখ সৌভাগ্যৰ শীৰ্ষত আৰোহন কৰিব কেইটামান ৰাশিৰ জাতকে৷
বৃষ ৰাশি
বৃষ ৰাশিৰ দশম ঘৰত অৱস্থান কৰিছে শনিয়ে৷ শ শ ৰাজযোগৰ প্ৰভাৱত বৰ্তমান আৰ্থিকভাৱে লাভবান হোৱাৰ সম্ভাৱনা আছে আপোনাৰ সন্মুখত৷ মাৰ্চ মাহৰ মাজত হঠাৎ কিছু অৰ্থলাভ কৰিব পাৰে আপুনি৷ নতুন বাহন ক্ৰয়ৰ যোগ আছে৷ এই সময়ত আপুনি কেৰিয়াৰ সংক্ৰান্তিয় যি সিদ্ধান্ত ল’ব সেই সিদ্ধান্তই আপোনাৰ বাবে লাভজনক হ’ব৷ কোনো সাহসী সিদ্ধান্ত ল’ব পাৰে৷ আয় বঢ়াৰ কাৰণে বেংক বেলেন্স বাঢ়িব বৃষ ৰাশিৰ জাতকৰ৷
তুলা ৰাশি
তুলা ৰাশিৰ পঞ্চম ঘৰত অৱস্থান কৰিছে শনিয়ে৷ শনিৰ কৃপাত ৰূপৰ দৰে চমকিব তুলা ৰাশিৰ জাতকৰ ভাগ্য৷ সমাজত আপোনাৰ সন্মান আৰু প্ৰতিপত্তি বৃদ্ধি পাব৷ কাৰ্যালয়ত প্ৰমোছন লাভৰ সম্ভাৱনা আছে৷ চাকৰি পৰিবৰ্তন কৰাৰ কথা ভাৱিলে সেই কামতো আপুনি সাফল্য লাভ কৰিব৷ পূৰ্বতকৈ আপোনাৰ উপাৰ্জন বাঢ়িব৷ তুলা ৰাশিৰ ছাত্ৰ-ছাত্ৰীসকলৰ বাবেও এই সময় শুভ৷ কোনো ডাঙৰ সাফল্য লাভ কৰিব পাৰে৷
ধনু ৰাশি
ধনু ৰাশিৰ তৃতীয় ঘৰত অৱস্থান কৰিছে শনিয়ে৷ মনত ৰাখিব শনিৰ প্ৰভাৱত এই সময়ত আপোনাৰ ষ্ট্ৰাগল বাঢ়িব৷ চেষ্টা কৰিলে সাফল্য নিশ্চিত৷ আপোনাক সাফল্যৰ শীৰ্ষলৈ লৈ যাব শনিয়ে৷ কেৰিয়াৰ সংক্ৰান্তিয় সকলো সমস্যা দূৰ হ’ব৷ সন্তানৰ বিষয়ে কোনো সুখবৰ পাব পাৰে৷
মকৰ ৰাশি
মকৰ ৰাশিৰ দ্বিতীয় ঘৰত অৱস্থান কৰিছে শনিয়ে৷ শনিৰ প্ৰভাৱত আগন্তুক ছমাহ সোনৰ দৰে উজলিব আপোনাৰ ভাগ্য৷ পৰিশ্ৰম কৰিলে তাৰ সুফল অৱশ্যই পাব আপুনি৷ চেষ্টা কৰিলে যি সাফল্য আপুনি পাব সেয়া জীৱনজুৰি থাকিব৷ নানান শুভ কামত যোগ দিয়াৰ সুযোগ পাব৷ ৰৈ থকা কাম সম্পূৰ্ণ কৰিব পাৰিব৷ বিবাহত বাধা আহিলে এই সময়ত দূৰ হ’ব৷
কুম্ভ ৰাশি
কুম্ভ ৰাশিতেই অৱস্থান কৰি বৰ্তমান শ শ ৰাজযোগ গঠন কৰিছে শনিয়ে৷ যদিও শনিৰ চাৰে সাতি দশা চলিছে কুম্ভ ৰাশিৰ জাতকৰ ওপৰত তথাপিও শনিৰ প্ৰভাৱত এই সময়ত নানান দিশৰ পৰা লাভৱান হ’ব আপুনি৷ বিশেষকৈ শনিয়ে যি সময়ত কুম্ভ ৰাশি এৰি মীন ৰাশিত গোচৰ কৰিব সেই সময়ত আৰ্থিকভাৱে প্ৰচুৰ লাভ কৰাৰ সুযোগ পাব৷ হঠাৎ কিছু অতিৰিক্ত অৰ্থ আপোনাৰ হাতলৈ আহিব পাৰে৷ সমাজত আপোনাৰ খ্যাতি বাঢ়িব৷ কেৰিয়াৰত উন্নতি কৰাৰ সুযোগ পাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
