SBI Apprentice Recruitment 2026: ভাৰতীয় ষ্টেট বেংকে এপ্ৰেণ্টিছ নিযুক্তি ২০২৬ৰ বাবে আবেদনৰ সময়সীমা বৃদ্ধি কৰি দেশৰ সৰ্ববৃহৎ বেংকত কাম কৰিবলৈ আগ্ৰহী প্ৰাৰ্থীসকলক আবেদন দাখিল কৰিবলৈ অতিৰিক্ত সময় প্ৰদান কৰিছে। যোগ্য প্ৰাৰ্থীয়ে এছ বি আইৰ অফিচিয়েল ৱেবছাইট www.sbi.co.in/careers বা https://sbi.bank.in/web/careers/current-openings ৰ জৰিয়তে ১৫ জুন, ২০২৬ লৈকে আবেদন কৰিব পাৰিব। কিন্তু অনলাইন আবেদন কৰাৰ পূৰ্বে প্ৰাৰ্থীয়ে NAPS পৰ্টেল https://apprenticeshipindia.gov.in ত পঞ্জীয়ন কৰিব লাগিব।
এই নিযুক্তিৰ বাবে আবেদন আৰম্ভ হৈছিল ১৯ মে’ৰ পৰা, আৰু সময়সীমা আছিল ৮ জুন, কিন্তু এতিয়া ইয়াক ১৫ জুনলৈ বৃদ্ধি কৰা হৈছে। এই নিযুক্তি অভিযানৰ লক্ষ্য হৈছে বিভিন্ন ৰাজ্য আৰু কেন্দ্ৰীয় শাসিত অঞ্চলৰ মুঠ ৭,১৫০টা এপ্ৰেণ্টিছ পদ পূৰণ কৰা।
যোগ্যতাৰ মাপকাঠী কি কি?
শিক্ষাগত অৰ্হতা: স্বীকৃতিপ্ৰাপ্ত বিশ্ববিদ্যালয়ৰ পৰা যিকোনো শাখাত স্নাতক ডিগ্ৰীধাৰী বা সমতুল্য অৰ্হতা থকা প্ৰাৰ্থীসকলে এই নিযুক্তিৰ বাবে আবেদন কৰিব পাৰে।
বয়সৰ সীমা: এই পদসমূহৰ বাবে আবেদন কৰা প্ৰাৰ্থীৰ বয়স ২০২৬ চনৰ ১ এপ্ৰিলৰ ভিতৰত ২০ৰ পৰা ২৮ বছৰৰ ভিতৰত হ’ব লাগিব।প্ৰাৰ্থীৰ জন্ম ২০০৬ চনৰ ১ এপ্ৰিলৰ ভিতৰত হ’ব লাগিব, আৰু ১৯৯৮ চনৰ ২ এপ্ৰিলৰ ভিতৰত হ’ব লাগিব (ই ডব্লিউ এছ)। অৱশ্যে অনুসূচিত জাতি (SC), অনুসূচিত জনজাতি (ST), অন্যান্য পিছপৰা শ্ৰেণী (OBC), আৰু নিৰ্দিষ্ট অক্ষমতা থকা ব্যক্তি (PwBD) শ্ৰেণীৰ প্ৰাৰ্থীসকলে বয়সৰ শিথিলতাৰ বাবে যোগ্য হ’ব।
বাছনি প্ৰক্ৰিয়া কি?
এই নিযুক্তিৰ বাবে বাছনি প্ৰক্ৰিয়াত অনলাইন লিখিত পৰীক্ষা আৰু তাৰ পিছত স্থানীয় ভাষা দক্ষতা পৰীক্ষা অন্তৰ্ভুক্ত কৰা হয়। অনলাইন পৰীক্ষাত সাধাৰণ আৰু আৰ্থিক সজাগতা, সাধাৰণ ইংৰাজী, পৰিমাণগত যোগ্যতা, যুক্তিৰ ক্ষমতা, কম্পিউটাৰৰ যোগ্যতা আদি বিষয়ৰ প্ৰতি পৰীক্ষাৰ্থীৰ বুজাবুজিৰ মূল্যায়ন কৰা হ’ব। অনলাইন পৰীক্ষাত উত্তীৰ্ণ হোৱা প্ৰাৰ্থীসকলে নিজ নিজ ৰাজ্য বা কেন্দ্ৰীয় শাসিত অঞ্চলৰ স্থানীয় ভাষা দক্ষতা পৰীক্ষাত অৱতীৰ্ণ হ’ব লাগিব আৰু উত্তীৰ্ণ হ’ব লাগিব। কিন্তু দশম বা দ্বাদশ শ্ৰেণীত প্ৰয়োজনীয় স্থানীয় ভাষা অধ্যয়ন কৰা পৰীক্ষাৰ্থীয়ে স্থানীয় ভাষা দক্ষতা পৰীক্ষা দিব নালাগে।
এবছৰৰ বাবে চলিব এছ বি আইৰ এপ্ৰেণ্টিছশ্বিপ। এই সময়ছোৱাত নিৰ্বাচিত প্ৰাৰ্থীসকলে মাহিলী ১৫ হাজাৰ টকা ষ্টাইপেণ্ড লাভ কৰিব। কিন্তু এছ বি আইৰ স্থায়ী কৰ্মচাৰীয়ে লাভ কৰা সুবিধাসমূহ তেওঁলোকে লাভ নকৰে, য’ত আছে ডিয়াৰনেছ এলাৱেন্স (ডি এ), হাউচ ৰেণ্ট এলাৱেন্স (এইচ আৰ এ), প্ৰভিডেণ্ট ফাণ্ড, পেঞ্চন, মেডিকেল বেনিফিট, আৰু অন্যান্য সেৱাসমূহ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
