সপোনৰ এখন ঘৰ নিৰ্মাণৰ সপোন কাৰনো নাথাকে? কিন্তু ইয়াৰ বাবে প্ৰচুৰ ধনৰ প্ৰয়োজন৷ বহুতে একেলগে এই ধন যোগাৰ কৰিব নোৱাৰে বাবেই ঘৰ নিৰ্মাণৰ সপোনক সাকাৰ ৰূপো দিব নোৱাৰে৷ কিন্তু হাতত একমুঠ ধন নোহোৱাকৈয়ো আপুনি নিৰ্মাণ কৰিব পাৰে সপোনৰ ঘৰখন৷ তাৰবাবে আপুনি সহায় ল’ব পাৰো হোম লোণৰ৷
মাহেকীয়া EMIৰ মাধ্যমেৰে এই ঋণ আপুনি পৰিশোধ কৰিব পাৰে৷ ধৰা হ’ল কোনোৱে যদি ষ্টেট বেংক অফ ইণ্ডিয়াৰ পৰা ৩০ বছৰৰ ম্যাদত ৩০ লাখ টকা গৃহ ঋণ লৈছে তেন্তে মাহিলী EMI কিমান আহিব? ইএম আইৰ পৰিমাণ নিৰ্ভৰ কৰে সুদৰ ওপৰত৷ আকৌ সুদৰ হাৰ ছিবিল স্কোৰৰ ওপৰত ভিত্তি কৰে৷
ছিবিল স্কোৰ বা ক্ৰেডিট স্কোৰ বেছি হ’লে কম সুদৰ হাৰত ঋণ পোৱা যায়৷ সাধাৰণতে ছিবিল স্কোৰ ৩০০ৰ পৰা ৯০০ পয়েণ্টৰ মাজতেই গণনা কৰা হয়৷ বিশেষজ্ঞসকলৰ মতে গ্ৰাহকৰ ছিবিল স্কোৰ যদি কমপক্ষেও ৭৫০ৰ ওপৰত হয় তেন্তে তেওঁ সহজেই ঋণ লাভ কৰিব পাৰে৷ এই বেংকসমূহে প্ৰাথমিক সুদৰ হাৰৰ ওপৰত ঋণ অফাৰ কৰে৷ ছিবিল স্কোৰ উন্নত কৰিবলৈ গ্ৰাহকৰ আৰ্থিক লেনদেন শৃংখলাবদ্ধ হ’ব লাগিব৷ ছিবিল স্কোৰ বেয়া হ’লেই ঋণ পোৱাৰ সম্ভাৱনা কমি যায়৷ ঋণ পালেও সুদৰ হাৰ বেছি হয়৷ দেশৰ সকলোতকৈ ডাঙৰ বেংক ষ্টেট বেংক অফ ইণ্ডিয়াই গৃহ ঋণৰ ক্ষেত্ৰত ৮.৫০%ৰ পৰা ৯.৬৫% সুদৰ অফাৰ কৰে৷ ষ্টেট বেংক অফ ইণ্জিয়াৰ পৰা ৩০বছৰৰ বাবে ৩০লাখ টকাৰ হোম লোন ল’লে প্ৰতি মাহত কিমান টকা ইএমআই দিব লাগিঊ সেয়াও চোৱা হয়৷ ষ্টেট বেংক অফ ইণ্ডিয়াই প্ৰতি বছৰে ৮.৫০% সুদৰ হাৰত ৩০বছৰৰ বাবে ৩০লাখ টকাৰ হোম লোন দিলে প্ৰতি মাহত ২৩,০৬৭ টকা ইএম আই দিব লাগিব৷
কোনোৱে যদি পূৰ্বে লোন নলয় তেন্তে তেওঁলোকে এই হোম লোন লোৱাৰ বাবে মাহিলী বেতন কমেও ৪৬,১৩৪ টকা পাব লাগিব৷ ছিবিল স্কোৰ ভাল নহলে এই সুদৰ হাৰ আৰু বাঢ়ি যাব পাৰে৷ ইয়াৰ ফলত আৰু বেছি পৰিমাণৰ ধন পৰিশোধ কৰিব লাগিব৷ মাহিলী ইএমআই বহু বাঢ়ি যাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
