প্ৰেমত ঘূৰে ভূমণ্ডল, প্ৰেমত ফুলে শতদল। প্ৰেম হেনো কৰা নাযায়, প্ৰেম হৈ যায় নিজে নিজে। প্ৰেম বোলে দুৰন্ত, ইয়াৰ নিজস্ব গতিক বাধা দিয়াৰ ক্ষমতা কাৰো হাতত নাথাকে। প্ৰেমে জাতি-কূল নামানে, নামানে ভাষা আৰু ভৌগোলিক দূৰত্বৰ দুৰ্ভেদ্য দেৱাল নামানে। প্ৰেমে নামানে বয়সৰ প্ৰাচীৰ, প্ৰেমে নামানে গুৰু আৰু শিক্ষাৰ্থীৰ পৱিত্ৰ সম্পৰ্ক!
হয়, পুনৰ শিক্ষক আৰু ছাত্ৰীৰ প্ৰেমে এইবাৰ চাঞ্চল্যৰ সৃষ্টি কৰিছে বিলাসীপাৰাত৷ এইবাৰ মধ্য বয়সীয়া শিক্ষকে নিজৰ বিদ্যালয়ৰে সপ্তম শ্ৰেণীৰ ছাত্ৰী তথা ১৩ বছৰীয়া কিশোৰী প্ৰেমিকাক পলুৱাই লৈ গ’ল৷
ইতিমধ্যে ঘটনাটোৱে সমগ্ৰ বিলাসীপাৰাত চাঞ্চল্যৰ সৃষ্টি কৰিছে৷ অভিযোগ অনুসৰি বিলাসীপাৰাৰ বন্দিহানা আৰক্ষী চকীৰ অন্তৰ্গত বাহিৰ শালমাৰা এম ভি স্কুলৰ সহকাৰী শিক্ষক জাকিৰ হুছেইনে বিদ্যালয়খনৰ ১৩ বছৰীয়া ছাত্ৰীগৰাকীক পলুৱাই নি বিলাসীপাৰাৰ আনন্দ নগৰৰ আত্মীয় ময়জুদ্দিনৰ ঘৰত ৰাখে৷
লগতে পঢ়ক সাৱধান হওক স্বামীসকল! পত্নীক অত্যাচাৰ কৰিলে এৰিব লাগিব নিজৰে ঘৰ!
ইফালে কিশোৰীগৰাকীৰ পৰিয়ালৰ লোকে দাবী কৰা মতে শিক্ষক জাকিৰ হুছেইনে ছাত্ৰীগৰাকীক স্বাধীনতা দিৱসৰ দিনাই অপহৰণ কৰি নিয়ে৷ ছাত্ৰীগৰাকীৰ পৰিয়ালৰ দাবী যে শিক্ষক জাকিৰ হুছেইনে অসৎ উদ্দেশ্য চাৰিতাৰ্থ কৰিবলৈ ছাত্ৰীগৰাকীক অপহৰণ কৰি আত্মীয় ঘৰত বন্দী কৰি ৰাখিছিল৷
ছাত্ৰীগৰাকীৰ পৰিয়ালে শিক্ষক জাকিৰ হুছেইনৰ বিৰুদ্ধে আৰক্ষী থানাত অপহৰণৰ অভিযোগ দাখিল কৰে আৰু উক্ত অভিযোগৰ ভিত্তিতে অভিযান চলাই মংগলবাৰে নিশা বন্দিহানা আৰক্ষীয়ে ছাত্ৰীগৰাকী উদ্ধাৰ কৰিবলৈ সক্ষম হয়৷অৱশ্যে অভিযুক্ত শিক্ষক জাকিৰ হুছেইনে সম্প্ৰতি পলাতক৷
আনহাতে ছাত্ৰীগৰাকীৰ পৰিয়ালে ঘটনাটোক অপহৰণ বুলি দাবী কৰিলেও স্থানীয় ৰাইজৰ মতে এয়া প্ৰেমজনিত ঘটনাহে৷ অৰ্থাৎ কিশোৰী ছাত্ৰীগৰাকীৰে মধ্য বয়সীয়া সহকাৰী শিক্ষক জাকিৰ হুছেইনৰ প্ৰেমৰ সম্পৰ্কহে আছিল৷ স্থানীয় ৰাইজে ছাত্ৰীগৰাকীৰে সম্পৰ্ক থকাৰ অভিযোগত শিক্ষকগৰাকীৰ বিৰুদ্ধে প্ৰতিবাদো সাব্যস্ত কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
