অসম লাইভ২৪ঃ যৌনতা তথা যৌন জীৱনক লৈ অধ্যয়ন আৰু গৱেষণাৰ অন্ত নাই৷ মানুহৰ যৌনতাৰ উপভোগ তথা সন্তুষ্টি সম্পৰ্কীয় অধ্যয়ন আৰু গৱেষণা প্ৰত্যেক দিনেই চলি আছে৷ বহুতেই বহুধৰণে মতামতো দাঙি ধৰিছে৷ অৱশ্যে এই গৱেষণাসমূহৰ প্ৰায়সংখ্যকেই সত্যও প্ৰমাণিত হৈছে৷ মানুহৰ বয়স অনুসাৰে যৌন সম্পৰ্কৰ সন্তুষ্টিৰ তাৰতম্য ঘটে নেকি? এই বিষয়টোক লৈ একাংশ চিকিৎসকে চলোৱা গৱেষণাত পাইছে কেইবাটাও তথ্য৷
গৱেষণাত যৌন সম্পৰ্ক স্থাপনৰ ক্ষেত্ৰত বয়স অনুসাৰে সন্তুষ্টিৰ তাৰতম্য ঘটে৷ অৰ্থাৎ বয়সভেদে যৌন সন্তুষ্টিৰ তাৰতম্য ঘটাতো এক স্বাভাৱিক প্ৰক্ৰিয়া৷ চিকিৎসকে প্ৰকাশ কৰামতে, ডেকা বসয়তেই যৌন সম্পৰ্ক অধিক উপভোগ্য হৈ উঠে সেয়া কিন্তু সম্পূৰ্ণ সঁচা নহয়৷ কিন্তু বয়সৰ সৈতে কিছু পাৰ্থক্য নথকা নহয়৷ কাৰণ বয়সৰ লগে লগে মেজাজ, টেনচন, স্বাস্থ্যৰ অৱস্থা সকলো সলনি হৈ যায়। কিমান বছৰৰ পৰা কিমান বছৰলৈ স্বাস্থ্যত পৰিবৰ্তন আহে?
২০ বছৰ
এই বয়স জীৱনৰ অন্যতম শ্ৰেষ্ঠ সময়। এই পৰ্যায়ত একোজন ব্যক্তিৰ বেছি মানসিক চাপ নাথাকে। অধিক উত্তেজনাও থাকে। নতুন নতুন বিষয় জানিবলৈ আগ্ৰহ কৰাৰ লগতে এক তীব্ৰ যৌন আকাংক্ষাও এই বয়সত থাকে। ফলস্বৰূপে এই বয়সত যৌনতাত অধিক জীপাল হোৱাৰ লগতে সজীৱতা থাকে।
৩০ বছৰ
এই বয়সত বহুতে নিজকে জীৱনৰ লগত খাপ খুৱাবলৈ আৰম্ভ কৰে। প্ৰেম, বিশ্বাস ইত্যাদিকলৈ চিৰিয়াছ হ’বলৈ আৰম্ভ কৰে৷ তেনে বয়সৰ ব্যক্তিয়ে বিশ্বাস আৰু প্ৰেমৰ ওপৰত ভিত্তি কৰি শাৰীৰিক সম্পৰ্ক স্থাপন কৰে৷
৪০ বছৰ
গৱেষণাৰ পৰা দেখা গৈছে যে ৩০ বছৰ বয়সৰ পিছত যৌন আনন্দ সৰ্বোত্তমভাৱে অনুভৱ কৰিব পাৰি। কাৰণ দুয়োজনেই বহুদিনৰ পৰা ইজনে সিজনৰ ছাঁত থাকে। ইজনে সিজনক বহুত ভালদৰে চিনি পায়। সম্পৰ্ক গভীৰ হ’লেও ইমান দিন একেলগে থকাৰ অৰ্থ হ’ল অলপ হ’লেও তেওঁলোকে নিজকে বুজিবলৈ সক্ষম হৈছে। গতিকে জীৱনৰ এই পৰ্যায়ত শাৰীৰিক সম্পৰ্ক বহুত বেছি উপভোগ্য হয়।
৫০ বছৰ
৫০ বছৰ অতিক্ৰম কৰা সকলো মানুহৰে শাৰীৰিক আৰু মানসিক অৱস্থা একে নহয়। জীৱন সম্পৰ্কীয় স্বাভাৱিক চিন্তা কিছু কমি যায়। কিন্তু সম্পৰ্কৰ শাৰীৰিক প্ৰয়োজনীয়তা পূৰণৰ উপৰিও ভাল সুস্বাস্থ্য আৰু মানসিক স্বাস্থ্যৰ বাবেই এই সময়ছোৱাতো শাৰীৰিক সম্পৰ্ক বজাই ৰখাটো প্ৰয়োজনীয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ