অন্তঃসত্ত্বা অৱস্থাত শ্বুটিং কৰি আছে দীপিকা পাডুকনে৷ সম্প্ৰতি দক্ষিণ আফ্ৰিকাৰ কেপ টাউনত শ্বাহৰুখৰ সৈতে তেওঁৰ এটা দৃশ্যৰ ছবি ভাইৰেল হৈছে সামাজিক মাধ্যমত৷ শুনা গৈছে অন্তঃসত্ত্বা দীপিকাৰ বাবে শ্বুটিঙত বিশেষ যত্ন লৈছে বলীউডৰ বাদশ্বাহে৷
৮ঘণ্টাতকৈ বেছি কাম নকৰিব৷ এই চৰ্ত দি বিতৰ্কত সোমাইছিল দীপিকা পাডুকন৷ তেওঁৰ হাতৰ পৰা হেৰাইছিল কামো৷ কিন্তু শ্বাহৰুখৰ বাবে লাকী চাৰ্ম তেওঁ৷ দীপিকা থাকিলেই তেওঁৰ ছবি সফল হয়েই৷ সেয়ে আসন্ন ছবি ‘কিং’ তো লীড ৰুলত আছে অভিনেত্ৰী দীপিকা৷ তেওঁ অন্তঃসত্ত্বা বুলিয়েই বিশেষ যত্নও লোৱা হৈছে দীপিকাৰ৷ শ্বাহৰুখে নিজেও যত্ন লৈছে দীপিকাৰ৷
শ্বুটিঙৰ চেটৰ এটা মুহূৰ্তৰ ছবি ভাইৰেল সামাজিকমাধ্যমত৷ তাতেই দেখা দৈছে চিৰিৰে উঠি গৈছে দীপিকা৷ সেই সময়ত তেওঁক হাতত ধৰি সহায় কৰিছে শ্বাহৰুখে৷ দেখা গৈছে দীপিকাই পৰিধান কৰিছে ৰঙা চাৰ্টৰ সৈতে ৰংবিৰঙি পেণ্ট৷ অন্যহাতে শ্বাহৰুখে পৰিধান কৰিছে ছাই ৰঙৰ পেণ্ট আৰু কলা ৰঙৰ চাৰ্ট৷ শ্বাহৰুখ আৰু দীপিকাৰ এই ছবি দেখি আৱেগপ্ৰৱণ অনুৰাগীসকল৷
ওম শান্তি ওম ছবিত শ্বাহৰুখৰ সৈতে জুঁটি বান্ধি অভিনয় যাত্ৰা আৰম্ভ কৰিছিল দীপিকাই৷ সেই ছবি বিপুল জনপ্ৰিয় হৈছিল৷ তাৰপিছতেই চেন্নাই এক্সপ্ৰেছ, বিল্লুৰ দৰে ছবিতো কাম কৰিছে তেওঁ৷ ২০২৩ চনত প্ৰত্যাবৰ্তন হয় শ্বাহৰুখৰ৷ পাঠান ছবিত অভিনয় যুঁটি বান্ধে শ্বাহৰুখ আৰু দীপিকাই৷ বক্স অফিচত হীট হয় ছবিখন৷ সেই বছৰেই শ্বাহৰুখৰ জোৱান ছবিও আহে৷ তাতো দীপিকাই অভিনয় কৰে৷ তাৰপিছৰে পৰাই দীপিকাক লাকী চাৰ্ম বুলি ধাৰণা কৰা হয় শ্বাহৰুখে৷ এইবাৰ কিং ছবিত এটা কেমিঅ’ ৰুলত অভিনয় কৰিছে দীপিকা পাডুকনে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
