জ্যোতিষ শাস্ত্ৰৰ মতে প্ৰতিটো গ্ৰহই নিৰ্দিষ্ট সময়ৰ ব্যৱধানত নিজৰ ৰাশি সলনি কৰে। ১ জুনত মেষ ৰাশিত প্ৰৱেশ কৰিছে মংগলে। ২০২৪ চনৰ ১২ জুলাইলৈকে মেষতেই থাকিব মংগল৷ এই স্থানতেই কুম্ভৰ অধিপতি শনিৰ তৃতীয় দৃষ্টি পৰিছে৷ জ্যোতিষ শাস্ত্ৰমতে শনিৰ তৃতীয় দৃষ্টি পৰাটো অতি অশুভ বুলি গণ্য কৰা হয়। মংগল গ্ৰহত শনিৰ তৃতীয় দৃষ্টি পৰাত কোন কোন ৰাশিৰ জাতক প্ৰভাৱিত হ’ব?
কৰ্কট ৰাশি
কৰ্কট ৰাশিৰ লোক শনি আৰু মংগল গ্ৰহৰ অশুভ প্ৰভাৱৰ সন্মুখীন হ’ব লাগিব। এই দশাৰ বাবে আপোনাৰ জীৱনত বহুতো উত্থান-পতন হ’ব পাৰে। এই সময়ছোৱাত আপুনি ব্যৱসায়ত বৃহৎ পৰিমাণৰ ধনৰ লোকচানৰ সন্মুখীন হ’ব পাৰে। এই সময়ত আপুনি কৰা সকলো প্ৰচেষ্টাই সফল নহ’ব। নেতিবাচক চিন্তা মনলৈ আহিব। আপোনাৰ কেৰিয়াৰত বহুতো সমস্যা আহিব পাৰে৷ আৰ্থিক জীৱনত আপুনি বৃহৎ লোকচানৰ সন্মুখীন হ’ব। সম্পৰ্কতো উত্থান-পতন থাকিব৷ আপোনাৰ সংগীৰ সৈতে বিবাদ বৃদ্ধি পোৱাৰ সম্ভাৱনা আছে। সৰু সৰু কাজিয়াবোৰ ডাঙৰ হ’ব পাৰে।
কন্যা ৰাশি
কন্যা ৰাশিৰ লোকসকল মংগল আৰু শনিৰ অশুভ প্ৰভাৱৰ বাবে অসুবিধাৰ সন্মুখীন হ’ব৷ জীৱনৰ বহু ক্ষেত্ৰত অসুবিধাৰ সন্মুখীন হ’বলগীয়া হ’ব পাৰে। এই সময়ত আপুনি কোনো ধৰণৰ ডাঙৰ সিদ্ধান্ত লোৱাৰ পৰা বিৰত থাকক৷ এই ৰাশিৰ লোকসকলে হয়তো কৰ্মক্ষেত্ৰত বহু কষ্ট কৰিব লগীয়া হ’ব পাৰে। আৰ্থিক লোকচানৰ সম্ভাৱনা আছে৷ আপোনাৰ খৰচ অপ্ৰয়োজনীয়ভাৱে বৃদ্ধি পাব পাৰে। ঋণ ল’বলগীয়া হ’ব পাৰে। যদি আপোনাৰ নিজা ব্যৱসায় আছে তেন্তে তাতো লোকচানৰ সন্মুখীন হ’বলগীয়া হ’ব পাৰে। প্ৰেম জীৱনত ইগৰ সৈতে জড়িত সমস্যাৰ সন্মুখীন হ’বলগীয়া হ’ব পাৰে। সম্পৰ্কত উত্তেজনা বাঢ়িব।
মকৰ ৰাশি
মকৰ ৰাশিৰ লোকসকলে মংগল আৰু শনিৰ অশুভ প্ৰভাৱৰ সন্মুখীন হ’বলগীয়া হ’ব পাৰে। প্ৰতিটো বিষয়তে প্ৰয়োজনতকৈ অধিক সমস্যাৰ সন্মুখীন হ’বলগীয়া হ’ব পাৰে। চাকৰি বিচাৰি থাকিলেও হতাশ হ’ব পাৰে। কাৰ্যালয়ত জ্যেষ্ঠসকলৰ সৈতে আপোনাৰ বিবাদ বাঢ়িব পাৰে। আপোনাৰ ওপৰত কৰ্মৰ চাপ অতি বেছি হ’ব পাৰে যাৰ বাবে আপুনি মানসিকভাৱে অতি বিকাৰগ্ৰস্ত হৈ থাকিব। ব্যৱসায়ত লাভ উপাৰ্জনৰ ক্ষেত্ৰত সমস্যাৰ সন্মুখীন হ’বলগীয়া হ’ব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
