সম্পূৰ্ণ ১৩৯ দিন বক্ৰীদশাত থকাৰ পাছত আগন্তুক ১৫ নৱেম্বৰত মাৰ্গী হ’ব শনি৷ কালীপুজা আৰু দীপাৱলীৰ পাছতেই কুম্ভ ৰাশিত শনি চিধা পথেৰে চলিবলৈ আৰম্ভ কৰিব৷ বিভিন্ন গ্ৰহৰ বক্ৰীদশাৰ অৰ্থ, চিধা পথ এৰি ওলোটাফালে ঘূৰিবলৈ আৰম্ভ কৰা৷ আকৌ এই গ্ৰহই নিজৰ চিধাপথলৈ ওভতি আহোতে বৈদিক জ্যোতিষ অনুসৰি গ্ৰহটো মাৰ্গী হয় বা মাৰ্গীদশাত আহে৷
শনিয়ে বৰ্তমান কুম্ভ ৰাশিত বক্ৰী চলনত আছে৷ শনি মাৰ্গী হ’লে কেইবাটাও ৰাশিৰ জাতকৰ অত্যন্ত লাভবান হয়৷ জানি থওক শনিয়ে মাৰ্গীদশালৈ আহি কোন কোন ৰাশিৰ জাতকৰ জীৱনলৈ অৰ্থ, খ্যাতি আৰু প্ৰতিপত্তি কঢ়িয়াই আনিব?
মেষ ৰাশি
শনিৰ মাৰ্গী চলনত অহাটোৱে অত্যন্ত লাভৰ খবৰ আনিব মেষ ৰাশিৰ জাতকলৈ৷ সেই সময়ত আপুনি ব্যৱসায়ত বৃহৎ লাভ কৰাৰ সুযোগ পাব৷ কেৰিয়াৰত কাংখিত সাফল্য পাব মেষ ৰাশিৰ জাতকে৷ ছিনিয়ৰসকলৰ সহযোগিতা লাভ কৰিব৷ নতুন আইডিয়াই আপোনাৰ কেৰিয়াৰত উন্নতিত সহায় কৰিব৷ শনিৰ শুভ প্ৰভাৱ পাবলৈ ওপাল ধাৰণ আপোনাৰ বাবে শুভ৷
কৰ্কট ৰাশি
শনি মাৰ্গী হ’লে আৰ্থিক দিশৰ পৰা বৃহৎ উন্নতি কৰিব কৰ্কট ৰাশিৰ জাতকে৷ বিশেষকৈ যিসকলে লোহা বা সৰিয়হ তেলৰ ব্যৱসায় কৰে তেওঁলোকৰ বাবে এই সময় বিশেষ লাভজনক৷ ব্যৱসায়ত নতুন কাম কৰাৰ সুযোগ পাব৷ ভায়েক ভনীয়েকৰ সহায় পাব৷ শনি মাৰ্গী হ’লে কেৰিয়াৰত বৃহৎ উন্নতি কৰিব পাৰিব৷ স্বাস্থ্যও পূৰ্বতকৈ ভাল হ’ব৷
কন্যা ৰাশি
শনিয়ে চিধা পথেৰে যাত্ৰা কৰাত সমস্যাৰ পৰা মুক্তি পাব কন্যা ৰাশিৰ জাতকে৷ পুৰণি কোনো অসুখ থাকিলে এই সময়ত দূৰ হ’ব৷ আইনী জটিলতাৰ পৰা মুক্তি পাব কন্যা ৰাশিৰ জাতকে৷ আমদানি ৰফতানিৰ কামত যুক্তসকলে এই সময়ত লাভ অৰ্জন কৰিব৷ আৰ্থিকভাৱে কালীপুজাৰ পৰা বৃহৎ লাভ কৰিব আপুনি৷ দাম্পত্য জীৱনত সমস্যাৰ পৰা মুক্তি পাব৷
মকৰ ৰাশি
শনিৰ চাৰে সাতিৰ শেষ পৰ্যায়ৰ মাজেৰে গৈছে মকৰ ৰাশিৰ জাতক৷ এই পৰিস্থিতিত শনিৰ মাৰ্গী চলন আপোনাৰ বাবে লাভজনক হ’ব৷ আৰ্থিকভাৱে মোটা টকা লাভ কৰাৰ সুযোগ পাব৷ পূৰ্বে কৰা বিনিয়োগৰ পৰা আপুনি লাভৱান হ’ব পাৰে৷ চাকৰি বিচাৰি থকাসকলে নতুন চাকৰি পাব পাৰে৷ সন্তানৰ দিশত অলপমান যত্নশীল হওক৷
কুম্ভ ৰাশি
শনিৰ মাৰ্গী চলনত সকলোতকৈ বেছি লাভৱান কুম্ভ ৰাশিৰ জাতক৷ কাৰণ কুম্ভ ৰাশিতেই বক্ৰী চলনত মাৰ্গী হ’ব শনি৷ এই সময়ত আপুনি শ শ ৰাজযোগৰ উপকাৰী ফল পাব৷ আপোনাৰ ব্যক্তিত্বই বহুতৰ মন জয় কৰিব৷ আত্মবিশ্বাস বৃদ্ধি পাব কুম্ভ ৰাশিৰ জাতকৰ৷ আৰ্থিকভাৱেও উন্নতিৰ সুযোগ পাব আপুনি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
