যিকোনো গ্ৰহৰ ৰাশি পৰিবৰ্তন জ্যোতিষশাস্ত্ৰত গোচৰ নামেৰে অভিহিত৷ কাৰোবাৰ বাবে শুভ আৰু কাৰোবাৰ বাবে অশুভ ফল দিয়ে ৰাশি পৰিবৰ্তনে৷ এইবাৰ অক্ষয় তৃতীয়াৰ পূৰ্বেই চাৰি ৰাশিৰ বাবে যেন বিপদৰ ঘণ্টা বাজিব৷ শনিয়ে তাৰ ৰাশি পৰিবৰ্তন কৰিব৷ যি ৰাশিতেই যাব তাতেই শক্তি বৃদ্ধি পায়৷ ইয়াৰ সৈতে কিছু ৰাশিৰ ওপৰত কোপদৃষ্টিৰ প্ৰভাৱো বৃদ্ধি পাব৷
জ্যোতিষশাস্ত্ৰ অনুসৰি কলিযুগত শনিৰ প্ৰভাৱ সকলোতকৈ শক্তিশালী বুলি ধাৰণা কৰা হয়৷ শনি হৈছে সকলোতকৈ ধীৰ গতিৰ গ্ৰহ৷ শনিয়ে প্ৰতি আঢ়ৈ বছৰৰ অন্তৰে অন্তৰে ৰাশিচক্ৰ পৰিবৰ্তন কৰে৷ ইয়াৰ প্ৰভাৱ ১২ ৰাশিৰ ওপৰতো পৰে৷ শনিক ন্যায়ৰ দেৱতা বুলি কোৱা হয়৷ ইয়াৰ সৈতে শনিক দুঃখ, ৰোগ, সংগ্ৰাম, মৃত্যু, তপস্যা আৰু চাকৰিৰ কাৰক ৰূপেও বিবেচনা কৰা হয়৷ শনিৰ কৃপাত মানুহ নিশাৰ ভিতৰতে ধৰি হ’ব পাৰে৷ দৰিদ্ৰও ৰজা হ’ব পাৰে৷ কিন্তু যদি শনিৰ কু দৃষ্টি কাৰোবাৰ ওপৰত পৰে তেতিয়া তেনেলোকৰ জীৱন ধ্বংস হ’বলৈ বেছি সময় নালাগে৷ জীৱনত নানান ধৰণৰ সমস্যাই দেখা দিব পাৰে৷
জ্যোতিষীৰ ভাষ্য অনুসৰি অক্ষয় তৃতীয়াৰ পূৰ্বে অৰ্থাৎ ২৮ এপ্ৰিল ২০২৫ তাৰিখে পূৰ্বভাদ্ৰপদ নক্ষত্ৰৰ পৰা শনিয়ে উত্তৰভাদ্ৰপদ নক্ষত্ৰত প্ৰৱেশ কৰিব৷ শনিয়ে তাৰ নক্ষত্ৰ পৰিবৰ্তন কৰাৰ লগে লগে চাৰি ৰাশিৰ মানুহৰ বাবে বেয়া সময় আৰম্ভ হব৷ কাৰণ উত্তৰভাদ্ৰপদ নক্ষত্ৰ হৈছে শনিৰ নিজৰ ৰাশি৷ শনিয়ে ইয়াত প্ৰৱেশ কৰাৰ লগে লগেই তাৰ শক্তি বৃদ্ধি পাব আৰু বহুতেই সৰ্বনাশ কঢ়িয়াই আনিব৷
মেষ ৰাশি
মেষ ৰাশিৰ জাতক জাতিকা শনিৰ অশুভ দৃষ্টিৰ অধীনত থাকিব৷ কৰ্মক্ষেত্ৰত ঊৰ্ধ্বতন কৰ্মকৰ্তাসকলৰ সৈতে সম্পৰ্কৰ অৱনতি হ’ব পাৰে৷ কোনো গুৰুত্বপূৰ্ণ কাম সম্পন্ন নহ’ব৷ ব্যৱসায়ত আৰ্থিক ক্ষতি হ’ব পাৰে৷ কিছু সময়ৰ বাবে টকাৰ অভাৱো হ’ব পাৰে৷ কেৰিয়াৰত উত্থান পতন থাকিব৷ পৰিয়ালত কোনো বিষয়ক লৈ উত্তেজনা থাকিব পাৰে৷
সিংহ ৰাশি
সিংহ ৰাশিৰ জাতক জাতিকা নেতিবাচকভাৱে প্ৰভাৱিত হ’ব পাৰে৷ যিসকলে বাহন চলাই তেওঁলোকে সাৱধানে গাড়ী চলোৱা উচিত৷ অন্যথা দুৰ্ঘটনা ঘটিব পাৰে৷ আপুনি হাস্পতাললৈ যাব লগাও হব পাৰে৷ ব্যৱসায়ীসকলৰ যিকোনো ডাঙৰ অৰ্ডাৰ বাতিল হ’ব পাৰে৷ মন অস্থিৰ থাকিব৷ অপ্ৰয়োজনীয় তৰ্ক বিতৰ্ক হ’ব পাৰে৷
মকৰ ৰাশি
এই ৰাশিৰ জাতক জাতিকাও নেতিবাচকভাৱে প্ৰভাৱিত হব৷ যিসকলে চাকৰি কৰি আছে তেওঁলোকে কিছু সাৱধানে থকা উচিত৷ অন্যথা চাকৰি হেৰুৱাব পাৰে৷ পৈতৃক সম্পত্তিক লৈ ভায়েক আৰু পিতৃৰ সৈতে বিৰোধ হ’ব পাৰে৷ ধনৰ লেনদেনৰ সময়ত মুঠেও খৰধৰ নকৰিব৷ অন্যথা ধন হেৰুৱাব পাৰে৷
কুম্ভ ৰাশি
শনিৰ নেতিবাচক প্ৰভাৱৰ পৰা ৰক্ষা নাপায় কুম্ভ ৰাশিৰ জাতকেও৷ কামৰ সূত্ৰে আপুনি ভ্ৰমণ কৰিব পাৰে৷ সেই যাত্ৰা ব্যস্ততাপূৰ্ণ আৰু ক্লান্তিকৰ হ’ব৷ ব্যৱসায়ত বিনিয়োগৰ পূৰ্বে সাবধাৱ হওক৷ অন্যথা আপোনাৰ আৰ্থিক ক্ষতি হ’ব পাৰে৷ আয় কম হ’ব আৰু ব্যয় বেছি হ’ব৷ স্বামী-স্ত্ৰীৰ মতবিৰোধ হ’ব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
