অসম লাইভ ২৪ঃ আজি শংকৰদেৱৰ তিথি৷ জগতগুৰু মহাপুৰুষ শ্ৰীমন্ত শংকৰদেৱৰ ৪৫৩ সংখ্যক তিৰোভাৱ তিথি৷ জাতিৰ জনক গুৰুজনালৈ সশ্ৰদ্ধ প্ৰণিপাত জনাই আজি পুৱাৰে পৰা নাম-কীতৰ্নত ব্যস্ত অসমীয়া ৰাইজ৷ গুৰুজনাৰ বন্দনাত মুখৰিত ৰাজ্যৰ সত্ৰ-নামঘৰ৷ চাৰি প্ৰসংগৰে গুৰুজনাক সুঁৱৰিছে ভকতসকলে৷ বৰগীতৰ পৰা আৰম্ভ কৰি অংকীয়া ভাওনালৈকে এই মহান সৃষ্টিৰাজিৰে অসমীয়াক মহীয়ান কৰি থৈ গৈছে মহাপুৰুষজনাই৷ একাধাৰে কবি, গীতিকাৰ, চিত্ৰকৰ, নাট্যকাৰ, সমাজ সংগঠক শ্ৰীমন্ত শংকৰদেৱে অসমীয়া সমাজখনক এক বৈজ্ঞানিক মনস্কতাৰে বান্ধি থৈ যোৱাৰ প্ৰয়াস কৰিছিল৷ জাতি বৰ্ণ নিৰ্বিশেষে সকলোকে একেখন চালিৰ তললৈ আনিবলৈ চেষ্টা কৰা গুৰুজনাৰ মৃত্যু তিথিত তেওঁৰ সৃষ্টিৰাজিৰে মুখৰিত আজি সমগ্ৰ ৰাজ্য৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
