অসম লাইভ ২৪ঃ একেৰাহে পঞ্চমবাৰৰ বাবে এছিয়ান চেম্পিয়নশ্বিপত পদক নিশ্চিত কৰাৰ দিশে অসমৰ শিৱ থাপা। ডুবাইত চলি থকা এছিয়ান বক্সিং চেম্পিয়নশ্বিপৰ ফাইনেলত প্ৰৱেশ শিৱ থাপাৰ। চেমি ফাইনেল ৰাউণ্ডত যোৱাবাৰৰ চেম্পিয়ন তাজিকিস্তানৰ বাখ’ডুৰ উছমনক পৰাস্ত কৰি ফাইনেলত প্ৰৱেশ কৰে অসমৰ বক্সিং তাৰকাগৰাকীয়ে। ৬৪ কেজি শাখাত ৪-০ ব্যৱধানত বাখ’ডুৰ উছমনক পৰাস্ত কৰে তাৰকাগৰাকীয়ে। সোমবাৰে মংগোলিয়াৰ বাতাৰচুখ চিঞ্জৰিকৰ বিৰুদ্ধে ফাইনেলত অৱতীৰ্ণ হ’ব শিৱ থাপা। শিৱ থাপাৰ এই প্ৰদৰ্শনত উৎফুল্লিত মুখ্যমন্ত্ৰী ড০ হিমন্ত বিশ্ব শৰ্মাই ফোনযোগে অভিনন্দন জ্ঞাপন কৰাৰ লগতে পৰৱৰ্তী খেলৰ বাবে শুভেচ্ছা জনাই বক্সাৰগৰাকীক। লগতে ফাইনেল খেলত উন্নত প্ৰদৰ্শনৰ জৰিয়তে শিৱ থাপাই অসমৰ লগতে ভাৰতলৈ পুনৰ গৌৰৱ কঢ়িয়াই অনাৰ আশাত অপেক্ষাৰত দেশবাসী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
