শ্ৰদ্ধা কাপুৰৰ গোপন প্ৰেমিক কোন! মোবাইলৰ ৱালপেপাৰত ধৰা পৰিল ফটো
বলীউডৰ মোহময়ীৰ সলনি মৰমলগা অভিনেত্ৰী হিচাপে নাম থকা শ্ৰদ্ধা কাপুৰৰ নতুন প্ৰেমৰ কথাৰ গুণগুণনি চলিছে বলীউড মেহফীলত। অনুৰাগীসকলেও অভিনেত্ৰীগৰাকীৰ প্ৰেম জীৱনৰ বিষয়ে অধিক জানিবলৈ উৎসাহিত হৈ আছে।
কিছুদিনৰ পৰা উৰাবাতৰি চলি আহিছে যে অভিনেত্ৰীগৰাকীয়ে চিত্ৰনাট্যকাৰ ৰাহুল মোডীক ডেটিং কৰি আছে। বহু সময়ত দুয়োকে একেলগে দেখা পোৱাও গৈছে, যাৰ ফলত অনুৰাগীসকল আৰু অধিক উৎসুকপ্ৰৱণ হৈ পৰিছে এই নতুন প্ৰেমিকৰ বিষয়ে সত্যতা জানিবলৈ।
সেই সত্যতাই আজি পোৱা যায় পাপাৰাজ্জিৰ কেমেৰাত। আজি ১৩ জানুৱাৰীৰ পুৱা পাপাৰাজ্জীয়েয়ে শ্ৰদ্ধাক দেখা কোনো এক স্থানত দেখা পাই ফটো ভিডিঅ’ লবলৈ আৰম্ভ কৰে।
https://x.com/rayatweetss/status/1878410809685995591
সকলোৱে ফটো তোলে, কিন্তু নেটিজেনৰ দৃষ্টি আকৰ্ষণ কৰে অভিনেত্ৰীগৰাকীৰ মোৱাইলৰ ৱালপেপাৰে। গাড়ীৰ ফালে আগবাঢ়ি যোৱাৰ লগে লগে শ্ৰদ্ধাৰ মোবাইলৰ ৱালপেপাৰত থকা ফটো পাপাৰাজ্জিৰ কেমেৰাৰ ফ’কাচত আহে।
সেই ৱাল পেপাৰেই অভিনেত্ৰীগৰাকীৰ প্ৰেমৰ প্ৰমাণ হিচাপে পোহৰলৈ আহিছে। সেই ৱালপেপাৰতেই আছিল শ্ৰদ্ধা আৰু এজন লোকৰ ফটো। বিশেষ মুহুৰ্তৰ সেই ফটোৱে এতিয়া সকলোকে বিশ্বাস কৰিবলৈ বাধ্য কৰাইছে সেই ফটোত থকা জনেই ৰাহুল মোদী।
অনুৰাগী সকলে এতিয়া দুয়োৰে মাজৰ সম্পৰ্কক লৈ নিশ্চিত হোৱাৰ পাছতে বহু কথাৰে ব্যতিব্যস্ত কৰি তুলিছে অভিনেত্ৰীগৰাকীৰ সামাজিক মাধ্যমৰ একাউণ্ট। সকলোৱে কয়- সোনকালে বিয়াখন পতাৰ কথা। ৰাহুল মোদীৰ সৈতে সুন্দৰ যোৰা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
