কৃষ্ণ জন্মাষ্টমীৰ ১৫ দিনৰ পাছতেই পালিত হয় ৰাধাষ্টমী৷ বিগত ১৬ আগষ্টত দেশজুৰি ধুমধামেৰে পালিত হৈছিল কৃষ্ণ জন্মাষ্টমী৷ দেওবাৰ ৩১ আগষ্টত পালিত হব ৰাধাষ্টমী অৰ্থাৎ ৰাধাৰ জন্মতিথি৷ পঞ্জিকা অনুসৰি প্ৰতিবছৰে ভাদ মাহৰ শুক্লপক্ষৰ অষ্টমী তিথিত পালিত হয় ৰাধাষ্টমী৷ কৃষ্ণ জন্মাষ্টমীৰ পাছতেই ৰাধাষ্টমীও দেশজুৰি ধুমধামেৰে পালিত হয়৷ বিশেষকৈ মথুৰা, বৃন্দাবনত ৰাধাষ্টমীক লৈ বিশেষ উন্মাদনা দেখা যায়৷ ৰাধাষ্টমী যিসকলে পালন কৰে তেওঁলোকে দিনজুৰি উপবাসে থাকি ৰাধা কৃষ্ণৰ পূজা কৰে৷
ৰাধাষ্টমী ২০২৫তাৰিখ আৰু শুভ সময়
পঞ্জিকা অনুসৰি কৃষ্ণ জন্মাষ্টমীৰ ঠিক ১৫ দিনৰ পাছত ভাদ মাহৰ শুক্লপক্ষৰ অষ্টমী তিথিত পালিত হয় ৰাধাষ্টমী৷ এই বছৰ ৰাধাষ্টমী পৰিছে শনিবাৰ ৩০ আগষ্ট ২০২৫৷ আজি নিশা ৮ বাজি ৯ মিনিটত অষ্টমী আৰম্ভ হব আৰু অষ্টমী থাকিব দেওবাৰ ৩১ আগষ্টৰ নিশা ১০ বাজি ৮ মিনিট পৰ্যন্ত৷ উদয়া তিথি অনুসৰি ৰাধাষ্টমী পালিত হব দেওবাৰে৷ বিয়লি ১২ টাৰ পাছত ৰাধাষ্টমী পূজা কৰাৰ উপযুক্ত সময় থাকিব৷
ৰাধাৰাণী আছিল শ্ৰীকৃষ্ণৰ প্ৰাণাধিক প্ৰিয়৷ ৰাধাই আছিল কৃষ্ণৰ সমস্ত শক্তিৰ উৎস৷ ৰাধা অবিহনে কৃষ্ণ অসম্পূৰ্ণ আৰু কৃষ্ণ অবিহনে ৰাধাও অসম্পূৰ্ণ৷ দ্বাপৰ যুগৰ পৰা কলিযুগ আহিলেও ৰাধাৰ নাম সকলোসময়তে কৃষ্ণৰ আগত লোৱা হয়৷ ইয়াৰ পৰাই শ্ৰীকৃষ্ণৰ জীৱনত ৰাধাৰ গুৰুত্ব অনুধাৱন কৰিব পাৰি৷ কৃষ্ণ জন্মাষ্টমীৰ পাছতেই ৰাধাষ্টমীত উপবাসে থাকি পূজা কৰিলে দাম্পত্য জীৱনত সুখ বাঢ়ে৷ কোৱা হয় আপুনি যদি জন্মাষ্টমীৰ উপবাসৰ সম্পূৰ্ণ ফল লাভ কৰিব খোজে তেন্তে ৰাধাষ্টমীতো উপবাস কৰা জৰুৰী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
