মাথো ৬মাহ পূৰ্বে সুখ সংসাৰ আৰম্ভ হৈছিল ধনমণিৰ, পাছে কৰ্তব্যত থকাৰ সময়তে বাঘে মু/ণ্ড/হী/ন কৰি পেলালে
ৰাজ্যজুৰি শোকৰ ছাঁ। কৰ্তব্যত থকাৰ সময়তে এগৰাকী গৃহৰক্ষী জোৱানৰ মৃত্যুৱে এতিয়া উত্থাপন কৰিছে বহু প্ৰশ্নৰো। গৃহৰক্ষী জোৱান হৈ ওৰাঙৰ অৰণ্যত টহল দিব লগা হৈছিল ছিপাঝাৰৰ ধনমণি ডেকাই। সেই টহল দি থকাৰ সময়তে বাঘে ঘন অৰণ্যৰ মাজলৈ টানি নি হত্যা কৰে।
ওৰাং ৰাষ্ট্ৰীয় উদ্যানত কালি সংঘটিত হৈছিল এই ঘটনা। বাঘে টানি নিয়াৰ পাছত বহু বিচাৰ খোচাৰ কৰাৰ পাছতো উদ্ধাৰ হোৱা নাছিল ধনমণি। পুৱতি নিশাহে মুণ্ডহীন মৃতদেহ উদ্ধাৰ হৈছিল। যাৰ পাছতে ধনমণি ডেকাৰ ছিপাঝাৰৰ নগাওঁ-হাটীমাৰাৰ গৃহত কান্দোনৰ ৰোল।
এই ঘটনাৰ পাছতে এতিয়া শোকস্তব্ধ পিতৃ আৰু ৰাইজৰ এটাই প্ৰশ্ন- বাঘৰ বিচৰণথলীত অকলে কিয় ডিউটি কৰিবলৈ পঠাইছিল ধনমণিক? এগৰাকী গৃহৰক্ষী জোৱান হৈ কিয় কৰিব লগা হৈছিল বৰকৰ্মীৰ কাম ?
মাত্ৰ ছমাহ পূৰ্বে বিবাহপাহত আৱদ্ধ হৈছিল ধনমণি ডেকা । সুখৰ সংসাৰৰ সপোন দেখা আৰম্ভ কৰিছিলহে , কিন্তু নিষ্ঠুৰ নিয়তিৰ পৰিহাৰত সকলো শেষ। ওৰাং অভায়াৰন্যত টহল দি থকা অৱস্থাতে খঙাল বাঘে ডিঙিত কামুৰী হত্যা কৰে ধনমণিক।
ঘটনাস্থলীৰ পৰা তিনি কিলোমিটাৰ আঁতৰত খেৰনি কেম্পৰ ওচৰত ক্ষত বিক্ষত অৱস্থাত ধনমনি ডেকা নামৰ বনকৰ্মীজনৰ মৃতদেহ উদ্ধাৰ হোৱা পিছত সম্প্ৰতি মঙ্গলদৈ অসামৰিক চিকিৎসালয়ৰ মৰ্গত ৰখা হৈছে মৃতদেহ ৷ উদ্যানখনৰ ৫টা হাতীৰে প্ৰায় অৰ্ধ শতাধিক বনকৰ্মীয়ে নিশা উদ্যানখনৰ ঘন জংঘলত তীব্ৰ অভিযান চলাই অৱশেষত মৃতদেহটো পৰি থকা প্ৰত্যক্ষ কৰিছিল ৷ শৰীৰৰ কেইবাঠাইটো আছিল বাঘৰ কামোৰৰ চিন।
ওৰাং ৰাষ্ট্ৰীয় উদ্যান তথা ওৰাং ব্যাঘ্ৰ প্ৰকল্পত যোৱা কালি বিয়লি বাঘে আক্ৰমণ কৰি জংঘললৈ চোচোৰাই নিয়া গৃহ ৰক্ষী জোৱান ধনমণি ডেকাৰ মৃতদেহ উদ্ধাৰ হোৱাৰ পিছতে এতিয়া উক্ত বাঘটোকলৈ ভয় প্ৰকাশ বন বিষয়া তথা বনকৰ্মী সকলৰ। কিয়নো এবাৰ মানুহৰ তেজৰ সোৱাদ পোৱাৰ পিছত পুনৰ বাঘে মানুহক আক্ৰমণ কৰাৰ আশংকা কৰিছে বন বিষয়া প্ৰদীপ্ত বৰুৱাই।
উল্লেখযোগ্য যে ২০১৬ চনত ব্যাঘ্ৰ প্ৰকল্প হিচাপে ঘোষিত ওৰাঙত বৰ্তমানে আছে ২৬ টা বাঘ । বাঘৰ ঘনত্ব হিচাপে ই এছিয়া মহাদেশৰ ভিতৰতে সৰ্বাধিক বাঘ থকা উদ্যান। বাঘৰ ঘনত্ব হিচাপে এলেকা কিছু পৰিমানে কমি যোৱাৰ বাবেও বাঘ হিংস্ৰ হোৱাৰ সন্দেহ কৰা হৈছে। তাৰোপৰি উদ্যান খনত পৰ্যন্ত পৰিমাণৰ কৰ্মচাৰী নথকাও এটা কাৰণ এই ঘটনাৰ।
এই ঘটনাৰ পাছতে দৰং জিলা আৰক্ষী অধীক্ষকৰ কাৰ্যালয়ৰ পৰা ধনমণি ডেকাৰ পৰিয়ালক আৰ্থিক সকাহ। তাৎক্ষণিক ঘৰুৱা কাজ কৰ্মৰ বাবে ৩০ হাজাৰ টকা প্ৰদান আৰক্ষী অধীক্ষক প্ৰকাশ সোণোৱালৰ। মঙলদৈ অসামৰিক চিকিৎসালয়ত উপস্থিত হৈ ধনমণিৰ পিতৃৰ হাতত প্ৰদান কৰে উক্ত ধন খিনি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
