১৭ বছৰৰ পাছত পুনৰ ‘তুলসী’ৰ ৰূপত স্মৃতি ইৰাণী, আহি আছে ‘কিউকি শাস ভি কভী বহু থি-২’
১৭ বছৰৰ পিছত তুলসী ৰূপে পুনৰ দৰ্শকৰ মাজলৈ ঘূৰি আহিছে স্মৃতি ইৰাণী। বহু প্ৰত্যাশিত ধাৰাবাহিক ‘কিউকি শাস ভি কভী বহু থি ২’ৰ প্ৰথম লুক প্ৰকাশ পোৱাৰ পাছতে সামাজিক মাধ্যমত ভাইৰেল হৈ পৰিছে। ২০০০ চনত প্ৰচাৰিত আৰু ২০০৮ চনলৈকে সফলতাৰে চলি থকা এই আইকনিক টেলিভিছন শ্ব’ৱে এতিয়া দ্বিতীয় ছিজনেৰে দৰ্শকৰ মাজলৈ আহিবলৈ সাজু হৈছে।
যাক লৈ অনুৰাগীসকল অতি সুখী। প্ৰিয় ধাৰাবাহিক তথা প্ৰিয় অভিনেত্ৰীক চাবলৈ অধীৰ আগ্ৰহেৰে বাট চাইছে অনুৰাগী সকল। ইফালে, শ্ব’টোৰ পৰা তুলসী বিৰাণীৰ চৰিত্ৰত স্মৃতি ইৰাণীৰ ফাৰ্ষ্ট লুকেও দৃষ্টি কাঢ়িছে অনুৰাগীৰ।
চেলিব্ৰিটি পাপাৰাজী ইনষ্টাগ্ৰাম একাউণ্ট ‘ইষ্টেণ্ট বলীউড’ই সোমবাৰে এটা পোষ্ট শ্বেয়াৰ কৰি স্মৃতি ইৰাণীৰ ফাৰ্ষ্ট লুক শ্বেয়াৰ কৰে। এই পোষ্টটোত শ্ব’টোত তুলসী বিৰাণীৰ চৰিত্ৰত অভিনয় কৰা স্মৃতি ইৰাণীক পৰম্পৰাগত গহনাৰে তুলসীৰ চিগনেচাৰ ষ্টাইলত দেখা গৈছে।
পূৰ্বৰ আইকনিক শ্ব’টোৰ মূল তাৰকা অভিনেতাসকলৰ ভিতৰত আছে তুলসী বিৰাণীৰ চৰিত্ৰত স্মৃতি ইৰাণী, মিহিৰ মনসুখ বিৰাণীৰ চৰিত্ৰত অমৰ উপাধ্যায়, গোবৰ্ধন বিৰাণীৰ চৰিত্ৰত দীনেশ ঠাকুৰ, আম্বা বিৰাণীৰ চৰিত্ৰত সুধা শিৱপুৰী ইত্যাদি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
