ট্ৰানজিট ৰিমাণ্ডত সোনমক মাজনিশাই অনা হ’ল মেঘালয়লৈ, শ্বিলঙৰ বিশেষ প্ৰসুতি হাস্পতালত সোনমৰ স্বাস্থ্যপৰীক্ষা, অন্তঃসত্ত্বা নেকি সোনম?

প্ৰেমিক ৰাজ কুশৱাহাৰ সৈতে পৰিকল্পনা কৰিয়েই এই হত্যাৰ ষড়যন্ত্ৰ কৰিছিল সোনমে৷ ইয়াৰ বাবে ভাড়ালৈ অনা হৈছিল হত্যাকাৰী৷ ২০ লাখ টকাত বন্দোবস্ত হৈছিল হত্যাকাৰীকেইটা৷ হত্যাৰ পাছতেই ৰাজাৰ বেগৰ পৰা ১৫ হাজাৰ টকা ওলিয়াই তিনি হত্যাকাৰীক দিছিল সোনমে৷

মেঘালয় আৰক্ষীয়ে জনাইছে যে এই হত্যাকাণ্ড সম্পৰ্কে যাৱতীয় বহু তথ্য তেওঁলোকে লাভ কৰিছে কিন্তু এতিয়াও বহু প্ৰশ্নৰ উত্তৰ লাভ কৰিব পৰা হোৱা নাই৷ কেনেকৈ মেঘালয়ৰ পৰা গাজিপুৰ পালেগৈ সোনম৷ ৰাজাক হত্যাৰ পাছত ছচিয়েল মিডিয়াত লিখিছিল সাত জনমলৈ আমি একেলগ বুলি৷ কোনে এই পোষ্ট কৰিছিল এতিয়াও জনোৱা নাই আৰক্ষীয়ে৷ সেই কাৰণেই আদালতৰ ওচৰত সোনমক নিজৰ হেফাজতত বিচাৰিছে আৰক্ষীয়ে৷ যি স্থানত ৰাজাক হত্যা কৰা হৈছিল সেই স্থানলৈ সোনমক লৈ যোৱা হব বুলিও জনাইছে মেঘালয় আৰক্ষীৰ তৰফৰ পৰা৷