যন্তৰ মন্তৰত বৰ্তমানেও অনশন কৰি আছে সোণম ৱাংচুক। তেওঁৰ স্বাস্থ্যক লৈও চিন্তিত হৈ পৰিছে দিল্লী উচ্চ ন্যায়ালয়। ইফালে দিল্লী উচ্চ ন্যায়ালয়ে সোণম ৱাংচুকৰ স্বাস্থ্য সন্দৰ্ভত নিৰ্দেশ জাৰি কৰিছে। কেন্দ্ৰীয় চৰকাৰে সোণম ৱাংচুকক নিয়মীয়াকৈ পৰীক্ষা কৰিবলৈ উচ্চ ন্যায়ালয়ৰ নিৰ্দেশ দিছে। পিআইএলৰ শুনানিৰ লগে লগে উচ্চ ন্যায়ালয়ে চৰকাৰী চিকিৎসকসকলক সোণম ৱাংচুকৰ নিয়মীয়া পৰীক্ষা কৰি প্ৰয়োজন হ’লে তাৎক্ষণিক চিকিৎসা প্ৰদান কৰিবলৈ নিৰ্দেশ দিয়ে।
যোৱা মাহৰ ২৮ জুনৰ পৰা অনশন কৰি আছে সোণম ৱাংচুকে। চলি থকা অনশনৰ বাবে তেওঁৰ স্বাস্থ্যৰ অৱনতি ঘটিছে। বৃহস্পতিবাৰে উচ্চ ন্যায়ালয়ৰ মুখ্য ন্যায়াধীশ ডি কে উপাধ্যায়ৰ নেতৃত্বত বিচাৰপীঠে শুনানি গ্ৰহণ কৰে। তেওঁ স্পষ্টভাৱে উল্লেখ কৰিছিল যে “প্ৰতিজন নাগৰিকৰ জীৱন বহুমূলীয়া।” চৰকাৰে তেওঁলোকক সুৰক্ষা দিয়াৰ বাবে যৎপৰোনাস্তি চেষ্টা কৰা উচিত।
কেন্দ্ৰীয় চৰকাৰৰ হৈ হাজিৰ হয় অধিবক্তা তুষাৰ মেহতা। তেওঁ আদালতক আশ্বাস দিয়ে যে সোণম ৱাংচুকৰ দৈনিক চিকিৎসা পৰীক্ষা চলি আছে আৰু তেওঁৰ স্বাস্থ্যৰ ওপৰত নিৰন্তৰ নজৰ ৰখা হৈছে। লগতে অধিবক্তাগৰাকীয়ে স্পষ্ট কৰি দিয়ে যে চিকিৎসকৰ পৰামৰ্শ অনুসৰি প্ৰয়োজন সাপেক্ষে সোণম ৱাংচুকে তৎকালীনভাৱে পৰীক্ষা কৰাব।
অধিবক্তাৰ এই আশ্বাসত সন্তুষ্ট হ’ল উচ্চ ন্যায়ালয়। য’ত ৰায় দিয়া হৈছে যে সোণম ৱাংচুকৰ স্বাস্থ্য পৰীক্ষা একে ধৰণে চলি থাকিব লাগে। ইয়াৰ পিছতে আদালতে গোচৰটো বন্ধ কৰি দিয়ে।
আদালতৰ এই সিদ্ধান্তই নিশ্চিত কৰিছে যে চৰকাৰে সোণম ৱাংচুকৰ স্বাস্থ্যৰ ওপৰত অহৰহ নিৰীক্ষণ কৰি আছে। প্ৰয়োজন হ’লে তেওঁ তৎকালীনভাৱে চিকিৎসাৰ ব্যৱস্থা গ্ৰহণ কৰিব। এই সিদ্ধান্তই প্ৰমাণ কৰে যে নিজৰ মতামত প্ৰকাশ কৰাৰ অধিকাৰ আছে যদিও জীৱন ৰক্ষা কৰাটোও সমানেই গুৰুত্বপূৰ্ণ।
বৰ্তমানেও তেওঁ অনশন ভাঙিবলৈ অস্বীকাৰ কৰিছে। তেওঁ স্পষ্টকৈ কৈছে, “মই বাহিৰৰ পৰা দুৰ্বল হ’লেও ভিতৰৰ পৰা শক্তিশালী। যুঁজখনক ইয়াৰ যৌক্তিক পৰিণতিলৈ লৈ যাব লাগিব”।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
