জীৱনসংগীৰ দুৰ্ঘটনাত নিহত, শোকত থাকিব নোৱাৰি জনপ্ৰিয় অভিনেতা স্বামীয়েও ল’লে একেই পথ
এক অতিকে কৰুণ ঘটনাই অভিনয় জগতত শোকৰ ছাঁ পেলাইছে। জীৱনসংগীৰ দুৰ্ঘটনাত নিহত, শোকত থাকিব নোৱাৰি জনপ্ৰিয় অভিনেতা স্বামীয়েও ল’লে একেই পথ। নিজৰ বাসগৃহতে নিজকে শেষ কৰি দিয়ে অভিনেতাগৰাকীয়ে।
তেলেগু টিভি ইণ্ডাষ্ট্ৰীৰ অতিকে জনপ্ৰিয় অভিনেতা চন্দ্ৰকান্তৰ মৃত্যুৰ বাতৰিয়ে সকলোফালে তোলপাৰ লগাইছে। জানিব পৰা মতে অভিনেতাগৰাকীৰ হায়দৰাবাদৰ অল্কাপুৰস্থিত বাসগৃহত মৃতদেহ উদ্ধাৰ হয়।
অৱশ্যে বৰ্তমানলৈ আৰক্ষীয়ে এই ঘটনা সন্দৰ্ভত কোনো তথ্য সদৰি কৰা নাই। অভিনেতাগৰাকীৰ মৃত্যু সন্দৰ্ভতো কোনো মন্তব্য আগবঢ়োৱা নাই। পাছে চন্দ্ৰকান্তৰ সামাজিক মাধ্যমৰ এক পোষ্ট অনুসৰি এয়া আত্মহত্যা বুলি ঠাৱৰ কৰিছে অনুৰাগীয়ে।
জীৱনসংগী পবিত্ৰা জয়ৰামৰ মৃত্যু হোৱাৰ পাছতে শোকত ভাঙি পৰিছিল চন্দ্ৰকান্ত। শেহতীয়াকৈ পথ দুৰ্ঘটনাত মৃত্যুবৰণ কৰিছিল পবিত্ৰাই। সেই শোকতে চন্দ্ৰকান্তইয়ো নিজকে শেষ কৰি দিয়ে। ৩৯ বছৰ বয়সত নিজৰ ঘৰৰ ভিতৰতে চিপ লোৱা অৱস্থাত উদ্ধাৰ হয় অভিনেতাগৰাকীৰ মৃতদেহ।
পবিত্ৰাৰ মৃত্যুৰ পাছৰে পৰা ধাৰাবাহিকভাৱে শোকভৰা পোষ্ট দি আহিছিল চন্দ্ৰকান্তাই। সেই পোষ্টবোৰৰ পৰাই ধৰিব পৰা হৈছিল মানসিক ভাৱে কিমান ভাঙি পৰিছে অভিনেতাগৰাকী। শেষৰটো পোষ্ট আছিল এনেধৰণৰ- ‘অনুগ্ৰহ কৰি আৰু মাথো দুটা দিন ৰৈ দিয়া’।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
