অন্ত পৰা নাই ধ্বংসলীলাৰ, ২৮ বছৰৰ মূৰকত বানৰ ভয়ংকৰ তাণ্ডৱ, ১৫০ লৈ বৃদ্ধি নিহতৰ সংখ্যা
এতিয়াও অন্ত পৰা নাই স্পেইনৰ ধ্বংলীলাৰ। ২৮ বছৰৰ মূৰকত প্ৰদেশখনত এনে ধ্বংসলীলা। ধাৰাসাৰ বৰষুণৰ ফলত হঠাতে অহা কৃত্ৰিম বানে চলাইছে এনে ধ্বংসলীলা। যাৰ ফলত বৰ্তমানলৈ ১৫০ লোকে প্ৰাণ হেৰুৱাৰ লগতে বৰ্তমানেও সন্ধানহীন হৈ আছে অন্য বহু লোক।
আশ্ৰয়হীন হৈ পৰিছে বহু লোক। যান-বাহন উটুৱাই নিছে এই বানে। প্ৰকাশিত তথ্য অনুসৰি এতিয়াও বহু লোক বানৰ মাজত আৱদ্ধ হৈ আছে। ঘৰবোৰৰ তলত, বাহনত এতিয়া সন্ধানহীন লোকৰ মৃতদেহ আৱদ্ধ হৈ থকাৰ আশংকা ব্যক্ত কৰিছে প্ৰশাসনৰ ফলাৰ পৰা।
স্পেইনৰ ভয়াৱহ পৰিস্থিতিৰ প্ৰতি লক্ষ্য ৰাখি প্ৰধানমন্ত্ৰী পেড্ৰ’ ছানচেজে তেওঁৰ চৰকাৰে বানপীড়িত লোকক সহায়ৰ বাবে সকলো কৰিব বুলি প্ৰতিশ্ৰুতি দি জনসাধাৰণক সজাগ হৈ থাকিবলৈ আহ্বান জনায়। ছ’চিয়েল মিডিয়াত পোষ্ট কৰি তেওঁ কয় যে ডানা অব্যাহত আছে। জৰুৰীকালীন সেৱাৰ পৰামৰ্শৰ প্ৰতি মনোযোগ দিয়ক। এই মুহূৰ্তত সকলোৰে জীৱন ৰক্ষা কৰাটোৱেই আটাইতকৈ গুৰুত্বপূৰ্ণ।
তেওঁ আৰু কয় যে স্পেইন চৰকাৰ ভুক্তভোগী আৰু তেওঁলোকৰ পৰিয়ালৰ সৈতে আছে। প্রয়োজনত এই পৰিস্থিতি অব্যাহত থাকিব৷ পুনৰ্গঠন আৰু স্বাভাৱিক অৱস্থালৈ ঘূৰি অহাৰ বাবে সকলো সম্ভাৱ্য সম্পদ আৰু উপায়েৰে। যিমান সোনকালে সিমানেই ভাল।
প্ৰতিবেদন অনুসৰি স্পেইনত হোৱা প্ৰচণ্ড বৰষুণ আৰু ধুমুহাৰ ফলত মৃত্যু হোৱা লোকৰ অধিকাংশই ভূমধ্যসাগৰীয় উপকূলত অৱস্থিত ভেলেন্সিয়াত সংঘটিত হৈছে আৰু ইয়াত পাঁচ নিযুততকৈ অধিক লোক বাস কৰে। ভয়াৱহ প্ৰভাৱৰ প্ৰতি লক্ষ্য ৰাখি মাদ্ৰিদ আৰু ভেলেন্সিয়াৰ মাজত ৰেল সেৱা বন্ধ কৰা হৈছে।
লগতে বৃহস্পতিবাৰে ভেলেন্সিয়াৰ বিদ্যালয়, সংগ্ৰহালয় আৰু ৰাজহুৱা পুথিভঁৰালসমূহৰ লগতে ক্ষতিগ্ৰস্ত অঞ্চলসমূহৰ অন্যান্য ৰাজহুৱা সেৱাসমূহ বন্ধ কৰি দিয়া হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
