৫ বছৰলৈ হ’ব পৰে জেল, ৰে’ল যাত্ৰাৰ সময়ত আপুনিও কৰে নেকি এই কাম !
ভাৰতীয় ৰে’ল সেৱা বিশ্বৰ চতুৰ্থ ডাঙৰ ৰে’ল সেৱা। যাৰ সহায়ত নিতৌ দেশৰ কোটি কোটি জনতাই যাত্ৰা কৰে। ইয়াৰ সুলভ যাত্ৰাই ইয়াক অন্যতকৈ অধিক উপযোগী কৰি তোলে। এই সেৱা সুন্দৰকৈ অব্যাহত ৰাখিবৰ বাবে ১২ লাখ কৰ্মচাৰী নিয়োজিত।
এই ৰেল সেৱাই দেশৰ প্ৰতিটো কোনেই চুই গৈছে, যাৰ বাবে ইয়াক দেশৰ লাইফ লাইন বুলিও কোৱা হয়।
কিন্তু ইমানৰ পাছতো কিছু সংখ্যক ভাৰতীয়ই ইয়াৰ দুৰ্ব্যৱহাৰ কৰে লগতে ইয়াৰ ক্ষতি কৰিবলৈও কুন্ঠাবোধ নকৰে। সেয়ে ৰেল বিভাগে আনিছে বহু কঠোৰ নিয়ম।
বিশেষকৈ ৰেল যাত্ৰাৰ এচি কোচত থকা সুবিধাৰ অপব্যৱহাৰ কৰে বহু যাত্ৰীয়ে। এচি কোচত যাত্ৰাৰ সময়ত যাত্ৰীক দিয়া বিচনা চাদৰ দুখন, গাৰু কভাৰ, টাৱেল আদি বহু ক্ষেত্ৰত চুৰি কৰি লৈ যায় যাত্ৰীয়ে।
সেয়ে ৰেল বিভাগে ইয়াৰ বাবে আনিছে বিশেষ আইন। যদি কোনো যাত্ৰীয়ে এইদৰে যাত্ৰাৰ পাছত সেই বিচনা চাদৰ বা গাৰু কভাৰ বা টাৱেল উভতাই নিদি চোৰ কৰা ধৰা পৰে তেন্তে ১০০০ টকা জৰিমনা হব পাৰে। যদিহে জৰিমনা দিয়াৰ ক্ষেত্ৰত অবহেলা কৰে তেন্তে ১ বছৰ কাৰাবাস পৰ্যন্তও হব পাৰে।
উল্লেখ্য যে, এই বিচনা চাদৰ, গাৰু, গাৰু কভাৰ, টাৱেল আদি ৰেলৱে বিভাগৰ সম্পত্তি বুলি ধৰা হয়, সেয়ে এই সম্পত্তি চুৰিৰ বাবে ৰেলৱে সম্পত্তি অধিনিয়ম ১৯৯৬ ৰ অধীনত তদন্ত চলে।
প্ৰথমবাৰলৈ এনে ভুল কৰিলে যাত্ৰীক এবছৰৰ কাৰাবাস নাইবা ১০০০ টকা জৰিমনা দিয়ে। ইয়াতকৈ গভীৰ কোনো দোষ হ’লে, নাইবা এনেদৰে অধিক বাৰ চোৰ কৰা ধৰা পৰিলে ৫ বছৰলৈ কাৰাবাস লগতে জৰিমণা দুয়োটাই হব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
