অসম লাইভ২৪ঃ ধুলিৰ বতৰ আহিছে। দুদিনৰ মূৰে মূৰে চেম্পু নকৰিলেই নহয়। চেম্পু কৰোতে সময় লাগে সেয়ে বহুতেই এতিয়া ড্ৰাই চেম্পুকেই ব্যৱহাৰ কৰে। কিন্তু ড্ৰাই চেম্পু ব্যৱহাৰ কৰোতে চুলিৰ ক্ষতি হয় নেকি? চুলিৰ ক্ষতিৰ বাহিৰেও বহু ৰোগৰ কাৰক হৈছে ড্ৰাই চেম্পু বুলি গৱেষণাৰ অন্তত পোহৰলৈ আহিছে। ড্ৰাই চেম্পুত পোৱা গৈছে কৰ্কট ৰোগ সৃষ্টিকাৰী যৌগ বেঞ্জিন। গৱেষকসকলে প্ৰায় ৩৪ টা সংস্থাৰ ড্ৰাই চেম্পু পৰীক্ষা কৰি ৭০ শতাংশ বেঞ্জিন পোৱা বুলি প্ৰকাশ কৰিছে। এই ৰাসায়নিক লিউকেমিয়াৰ কৰ্কট ৰোগৰ কাৰক বুলি দাবী কৰিছে বিজ্ঞানীমহলে।
‘নট ইয়ৰ মাদাৰছ’ নামৰ এটা জনপ্ৰিয় চেম্পু প্ৰস্তুতকাৰক সংস্থাই ড্ৰাই চেম্পুত আটাইতকৈ বেছি পৰিমানে বেনজিন পোৱা গৈছে। ইয়াৰোপৰিও বাতিস্ত, চান বাম আদি বহুকেইটা সংস্থাৰ ড্ৰাই চেম্পুত এইধৰণৰ ৰাসায়নিক পদাৰ্থ পোৱাৰ কথা উল্লেখ কৰিছে বিজ্ঞানীৰ দলটোৱে। ইতিমধ্যে বহুকেইটা সংস্থাৰ চেম্পু বিক্ৰি বন্ধ কৰিছে পৰীক্ষাকাৰী দলটোৱে। ইপিনে কিছুদিন পূৰ্বে ডাভ, ট্ৰেছমি আদি বহুকেইবিধ চেম্পুতো পোৱা গৈছিল বেঞ্জিন।
উল্লেখ্য যে এফডিএ-ৰ পৰা জনোৱা অনুসৰি ড্ৰাই চেম্পুত বেঞ্জিনৰ ওপৰিও প্ৰপেইন আৰু বিউটেন ব্যৱহাৰ কৰা হয়। এই উপাদানকেইটা পেট্ৰলিয়ামৰ পৰা পোৱা যায়। পেট্ৰলিয়ামৰ বিভিন্ন উপজাত পদাৰ্থৰ মাজত অশুদ্ধি হিচাপে থাকে বেঞ্জিন। এই বেঞ্জিনে মানৱ শৰীৰত বিভিন্ন ৰোগৰ কাৰক বুলিও বিজ্ঞানীয়ে দাবী কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
