অসম লাইভ২৪ঃ উন্নত হৈছে সমাজ৷ আগবাঢ়িছে প্ৰযুক্তি৷ যুগৰ হাতত ধৰিয়েই বিশ্বত আৰম্ভ হৈছিল এক আজৱ আন্দোলন। এই আন্দোলনৰ নাম ‘ফ্ৰী দ্য নিপলচ্’। অৰ্থাৎ স্তন প্ৰদৰ্শনৰ আন্দোলন। এই আচহুৱা আন্দোলনক উদগনি যোগাইছিল ফেচবুক, ইনষ্টাগ্ৰাম ইউজাৰেও। অৱশেষত এই আন্দোলন সফল হ’ল৷ এতিয়াৰে পৰা উন্মুক্ত স্তনৰ ছবি পোষ্ট কৰিব পাৰিব ফেচবুক আৰু ইনষ্টাগ্ৰামত। ফেচবুক-ইনষ্টাগ্ৰামে ঘোষণা কৰিছে এই বৃহৎ সিদ্ধান্তৰ কথা।
এই দুটা ছ’চিয়েল মিডিয়া প্লেটফৰ্মে মহিলাৰ ছবি পোষ্ট কৰাৰ কঠোৰ নিয়ম সলনি কৰিবলৈ এটা ডাঙৰ সিদ্ধান্ত লৈছে। এতিয়ালৈকে ফেচবুক আৰু ইনষ্টাগ্ৰামত এনে ছবিৰ ওপৰত কেইবাটাও বাধা আছিল। যদি কোনো মহিলাই ‘উন্মুক্ত নিপল’ৰ ছবি পোষ্ট কৰে তেন্তে লগে লগে তেওঁৰ একাউন্ট বন্ধ হৈ পৰিলহেঁতেন। নতুন নিয়ম অনুসৰি সেই ব্যৱস্থা আঁতৰি গৈছে এই দুটা ছ’চিয়েল মিডিয়া প্লেটফৰ্মৰ পৰা।
উল্লেখযোগ্য যে এটা দশকৰো অধিক সময় ধৰি পশ্চিমীয়া বিশ্বৰ মহিলাৰ এটা অংশই ‘নিপল মুক্ত আন্দোলন’ চলাই আহিছে। ইয়াৰ ভিতৰত বিখ্যাত গায়িকা, অভিনেত্ৰী আৰু সমাজ কৰ্মীসকলো আছে। বিশেষজ্ঞসকলৰ মতে ফেচবুক-ইনষ্টাগ্ৰামৰ এই সিদ্ধান্তৰ বাবেই তেওঁলোকৰ আন্দোলন সফল হৈছে।
মাইলী চাইৰাছ নামৰ মহিলা গৰাকী আছিল পশ্চিমীয়া বিশ্বৰ ‘ফ্ৰী দ্য নিপল’ আন্দোলনৰ অন্যতম মুখ্য এগৰাকী নেত্রী। বিখ্যাত পপ গায়িকা মাইলীয়ে ২০১৯ চনত উন্মুক্ত নিপলৰ ছবি পোষ্ট কৰিছিল। সেই ছবিখন ছ’চিয়েল মিডিয়াত ভাইৰেল হৈ পৰিছিল। পিছত মডেল বেলা হাদিদ আৰু কেণ্ডেল জেনাৰে একেধৰণৰ ফটো পোষ্ট কৰে। মূলতঃ তেওঁলোকৰ এই পদক্ষেপৰ বাবেই ক্ৰমান্বয়ে পৃথিৱীৰ বিভিন্ন দেশত স্তন প্ৰদৰ্শনৰ আন্দোলন বিয়পিবলৈ ধৰে। কিম কাৰ্দাছিয়ান, ৰিহানা, কাৰা ডেলিভিং, লৰ্ডেছ আৰু জো ক্ৰাভিটজৰ দৰে চেলিব্ৰিটিয়ে এই আন্দোলনত যোগদান কৰা পৰিলক্ষিত হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
