মহাকাশচাৰী সুনীতা উইলিয়ামছে সম্প্ৰতি মেছাচুটেছৰ নীধামত অৱস্থিত সুনীতা উইলিয়ামছ এলিমেণ্টাৰী স্কুলৰ ছাত্ৰসকলৰ সৈতে এক অত্যন্ত আকৰ্ষণীয় ভাৰ্ছুৱেল মিটিং কৰিছে৷ সেই অনুষ্ঠানত তৰুণ দৰ্শকসকলৰ মাজত উৎসাহ তৈয়াৰ কৰা আৰু আন্তৰ্জাতিক মহাকাশ ষ্টেচনত মহাকাশচাৰীসকলৰ জীৱন আৰু মহাকাশত মহাকাশচাৰীসকলে সন্মুখীন হোৱা অন্যান্য চেলেঞ্জসমূহ সম্পৰ্কে দিছে এক ভাষণ৷
ইণ্টাৰএকটিভ চেছনৰ সময়ত উইলিয়ামছে দাঙি ধৰিছে নিজা অভিজ্ঞতা৷ একাধিক মহাকাশ অভিযানত অংশগ্ৰহণ কৰা উইলিয়ামছে মহাকাশত তৰল পান কৰাৰ চেলেঞ্জ প্ৰদৰ্শন কৰিছে৷ মাইক্ৰগ্ৰেভিটি পৰিবেশত তৰল পদাৰ্থই ভিন্ন আচৰণ কৰে আৰু মহাকাশচাৰীসকলে তৰল পান কৰাৰ বাবে বিশেষ পদ্ধতি মানি চলিব লগা হয়৷ উইলিয়ামছে বাখ্যা কৰিছে কেনেকৈ বিশেষ পাউছ ব্যৱহাৰ কৰা হয় যাতে শূন্য মধ্যাকৰ্ষণত তৰল পদাৰ্থ ভাহিব নোৱালে আৰু সেয়া পান কৰিব পাৰি৷
ভাৰ্ছুৱেল এই ইভেণ্টত ছাত্ৰসকলক উইলিয়ামছক প্ৰশ্ন কৰাৰ সুযোগ দিয়া হয়৷ যি এক বিৰল সুযোগ৷ বৰ্তমানো মহাকাশতেই আছে সুনীতা উইলিয়ামছ৷ ২০২৫ চনত তেওঁ এটা ডাঙৰ মাইলফলক অৰ্জনৰ বাবে প্ৰস্তুতি চলাই আছে৷ মিছনৰ পূৰ্বে তেওঁ তেওঁৰ স্পেছছুটৰ বিস্তাৰিত পঢ়াশুনাও কৰিছে৷ যাতে তেওঁৰ লাইফ চাপৰ্ট চিষ্টেসমূহ সঠিক অৱস্থাত থাকে আৰু স্পেছৱাকৰ বাবে প্ৰয়োজনীয় সৰঞ্জামসমূহে সঠিকভাৱে কাম কৰিব পাৰে৷
মহাকাশত তেওঁ বৈজ্ঞানিক গৱেষণাও চলাই গৈছে৷ স্পেছ এক্সৰ ড্ৰেগন স্পেছক্ৰাফ্টৰ জৰিয়তে পৃথিৱীলৈ আহিবলৈ বিলম্ব হ’লেও উইলিয়ামছ আৰু তেওঁৰ দলে মহাকাশ গৱেষণা চলাই যাব বুলিও জনাইছে নাছাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
