এইবাৰ দেশৰ প্ৰতিঘৰ মানুহেই লাখপতি হ’ব৷ ভাৰতৰ সকলোতকৈ ডাঙৰ ঋণদাতা ৰাষ্ট্ৰীয় বেংকে তেওঁৰ জমা বৃদ্ধিৰ বাবে এটা বিশেষ কৌশল ব্যৱহাৰৰ বাবে আগবাঢ়িছে৷ এয়া এটা আকৰ্ষণীয় পণ্য যি গ্ৰাহকসকলক তেওঁলোকৰ জমা একলাখ টকাত পৰিণত কৰাত সহায় কৰিব৷ যি কেৱল ৰেকাৰিং ডিপোজিট স্কিমৰ মাধ্যমেৰেহে সম্ভৱ৷
SBIৰ চেয়াৰমেন চি এছ ছেটীয়ে কয়, ‘আৰ ডি হৈছে প্ৰকৃততে চিষ্টেমেটিক ইনভেষ্টমেণ্ট প্লেন৷ পূৰ্বে মানুহে জানিব খোজে তেওঁলোকৰ জমা কিমান সময়ৰ অন্তত দ্বিগুণ হয়৷ আমি যি পণ্যক লৈ কাম কৰিছো সেয়া হৈছে ঘৰে ঘৰে লাখপতি৷ যাৰ লক্ষ্য হ’ল আৰ ডিৰ মাধ্যমেৰে ১লাখ টকা সঞ্চয় কৰা৷ আমি লক্ষ্যভিত্তিক জমা কৰাব খুজিছো৷’
গ্ৰাহকসকলক নিৰ্দিষ্ট আমানতৰ পৰা আৰ্জিত সুদৰ এটা অংশ মিউছুৱেল ফাণ্ড আৰু অন্য এটা অংশ পেনছন কৰ্পাছ তৈয়াৰ বাবেও অপছন দিছে এই বেংকে৷ ছেটীয়ে এই সন্দৰ্ভত কয়, ‘কোনোৱে যদি আমাৰ ওচৰত এটা ফিক্সড ডিপোজিট কৰে তেন্তে কেনেকৈ আমি FD, RD, SIP আৰু নেছনেল পেঞ্চন চিষ্টেমক একত্ৰিত কৰিব পাৰো? সেই উপায়ো আমি বুজাই দিছো৷ এছ বি আইয়ে এই মাহতেই দুটাকৈ বিশেষ স্কিম আৰম্ভ কৰাৰ পৰিকল্পনা কৰিছে৷ ছেপ্টেম্বৰৰ শেষত আমাৰ ইয়াত জমাৰ পৰিমাণ আছিল ৫১ ট্ৰিলিয়ন টকা, যি এতিয়া প্ৰায় ৫২ ট্ৰিলিয়ন হৈছেগৈ৷’
বৰ্তমানৰ অৰ্থবছৰৰ প্ৰথম ৬মাহত এছ বি আইয়ে প্ৰায় ২ ট্ৰিলিয়ন টকাৰ জমা সংগ্ৰহ কৰিছে৷ কিন্তু বাৰ্ষিক প্ৰবৃদ্ধি ১০শতাংশৰ তলত আছে৷ বিগত দুই বছৰ বেংকৰ বাবে চেলেঞ্জ হৈ থিয় দিছে৷ কাৰণ সঞ্চয়কাৰীয়ে ক্ৰমশ শ্বেয়াৰ বজাৰ আৰু বিকল্প বিনিয়োগ বাচি লৈছে৷
ইয়াৰোপৰি জমা বৃদ্ধিৰ হাৰ ঋণৰ তুলনাত পিছুৱাই গৈছে৷ ফলত ৰিজাৰ্ভ বেংক অফ ইণ্ডিয়াই ঋণদাতাসকলৰ বাবে নতুন নতুন স্কিম তৈয়াৰ কৰাৰ পৰামৰ্শ দিছে৷ এপ্ৰিলৰ পৰা নৱেম্বৰ পৰ্যন্ত ইয়াৰ সৰ্বশেষ তথ্য অনুসৰি নৱেম্বৰৰ ১৫ তাৰিখৰ অৰ্ধমাহৰ জমাৰ বাৰ্ষিক বৃদ্ধিৰ হাৰ আছিল ১১.২ শতাংশ আৰু ঋণৰ বৃদ্ধিৰ হাৰ আছিল ১১.১ শতাংশ৷ এতিয়া ঘৰে প্ৰতি লাখপতি হোৱাত কোনো বাধা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
