১৮ বছৰীয়া এগৰাকী তৰুণীক গৰ্ভপাত কৰোৱাৰ অনুমতি দিলে ছুপ্ৰিম কৰ্টে৷ তেওঁ ৩০ সপ্তাহৰ অন্তঃসত্ত্বা আছিল৷ শুকুৰবাৰে ছুপ্ৰিম কৰ্টৰ পৰ্যবেক্ষণ যে ইচ্ছাৰ বিৰুদ্ধে কোনো মহিলাক সন্তানধাৰণ কৰিবলৈ বাধ্য কৰাব নোৱাৰিব৷ এই গোচৰত বৰ্মে হাইকৰ্টৰ ৰায় খাৰিজ কৰিছে ন্যায়াধীশ বিভি নাগৰত্নৰ বেঞ্চে৷ হাইকৰ্টে তৰুণীক সন্তানধাৰণৰ নিৰ্দেশ দিছিল৷ জনাইছিল সন্তান জন্ম দিয়াৰ পাছত তেওঁক অন্য ব্যৱস্থা কৰি দিয়া হ’ব৷ ছুপ্ৰিম কৰ্টে শুকুৰবাৰে সেই ৰায় খাৰিজ কৰি কয়, ‘কোনো মহিলাই নিবিচাৰিলে তেওঁক সন্তান জন্ম দিবলৈ বাধ্য কৰাব নোৱাৰিব কৰ্টে৷
ছুপ্ৰিম কৰ্টে শুকুৰবাৰে সেই ৰায় খাৰিজ কৰি কয়, ‘কোনো মহিলাই নিবিচাৰিলে তেওঁৰ সন্তানৰ জন্ম দিবলৈ বাধ্য কৰাব নোৱাৰিব কৰ্টে৷ ১৭ বছৰ বয়সত গৰ্ভধাৰণ কৰিছিল তৰুণীয়ে৷ তেওঁৰ এতিয়া বয়স ১৮ বছৰ চাৰি মাহ৷ এগৰাকী বন্ধুৰ সৈতে সম্পৰ্ক থকাৰ সময়ত অন্তঃসত্ত্বা হৈ পৰিছিল তেওঁ৷ শীৰ্ষ আদালতৰ পৰ্যবেক্ষণ সেই তৰুণীক সন্তানৰ জন্ম দিবলৈ বাধ্য কৰোৱা হলে তেওঁৰ মন আৰু শৰীৰত চাপ পৰিব পাৰে৷ তেওঁলোকে মেডিকেল ৰিপৰ্ট চাই জনাই যে তৰুণীৰ গৰ্ভপাত কৰালে তেওঁৰ জীৱনলৈ সংশয় আহিব৷ হাইকৰ্টে এই বিষয়ত ভিন্নমত পোষণ কৰিছিল৷
তৰুণীৰ অধিবক্তা ছুপ্ৰিম কৰ্টক প্ৰশ্ন কৰি জনায় যে তেওঁৰ ক্লাইণ্টক সন্তান জন্ম দিবলৈ বাধ্য কৰালে তেওঁৰ মনত আঘাত লাগিব পাৰে৷ বিষয়টো তেওঁৰ বাবে সামাজিক লজ্জাৰ কাৰণ হৈ উঠিব পাৰে৷ ছুপ্ৰিম কৰ্টে জনাইছে যে তেওঁলোকে অবৈধ সন্তানধাৰণত তৰুণীৰ অনিচ্ছাকেই গুৰুত্ব দিছে৷ বেঞ্চৰ পৰ্যবেক্ষণ, সন্তানধাৰমৰ সময়ত তৰুণী নাবালিকা আছিল৷ অতীতত যি সম্পৰ্কত আছিল তাৰ পৰিণামতেই এই দুৰ্ভাগ্যজনক পৰিস্থিতি তৈয়াৰ হৈছে৷ সেয়ে এই সন্তানক এতিয়া আৰু তেওঁ ধাৰণ কৰিব খোজা নাই৷
শীৰ্ষ আদালতে জনাইছে যে তৰুণীৰ সেই সম্পৰ্ক দুজনৰ সন্মতিতেই গঢ়ি উঠিছিলনে নাই সেয়া জনাৰ প্ৰয়োজন নাই৷ বেঞ্চৰ পৰ্যবেক্ষণ, প্ৰকৃত কথা হৈছে শিশুটি অবৈধ৷ আৰু মাতৃয়ে সেই সন্তানক ধাৰণ কৰিব খোজা নাই৷ মাতৃৰ সন্তান জন্ম দিয়াৰ স্বাধীনতা আছে৷ সেই বিষয়ক গুৰুত্ব দিয়া উচিত৷ মহিলা নহ’লে তেওঁক আদালতে বাধ্য কৰাব নোৱাৰিব৷’ তাৰপাছতেই ছুপ্ৰিম কৰ্টে চিকিৎসকৰ সহায়তাত সেই তৰুণীৰ গৰ্ভপাত কৰোৱাৰো অনুমতি দিয়ে৷
ন্যায়াধীশ নাগৰত্নই প্ৰশ্ন কৰে, ‘কাৰ স্বাৰ্থ আমি চাম? যি সন্তান জন্মই হোৱা নাই৷ নে আমি তেওঁক চাম যিয়ে সন্তান জন্ম দিবলৈ আগবাঢ়িছে?’ শীৰ্ষ আদালতৰ পৰ্যবেক্ষণ, এম টি পি আইনৰ বাহিৰলৈ গৈ বহু মাতৃয়ে গৰ্ভপাত কৰাব খোজে৷ ভাৰত মেডিকেল টাৰ্মিনেছন অফ প্ৰেগনেন্সি আইন অনুসৰি, ২০ সপ্তাহ পৰ্যন্ত অন্তঃসত্ত্বাসকলে গৰ্ভপাত কৰাব পাৰে৷ ২৪ সপ্তাহ পৰ্যন্ত অন্তঃসত্ত্বাই গৰ্ভপাত কৰাব খুজিলে তেওঁ মেডিকেল বৰ্ডৰ পৰামৰ্শ ল’ব লাগে৷ গৰ্ভপাত কৰালে মাতৃৰ জীৱনত সমস্যা হ’ব নেকি সেয়া চিকিৎসকেহে জনাব পাৰে৷ ২৪ সপ্তাহৰ পাছত গৰ্ভপাত কৰালে আদালতৰ অনুমতিৰ প্ৰয়োজন৷
ইয়াৰ পূৰ্বে বম্বে হাইকৰ্টে জনাইছে যে গৰ্ভস্থ ভ্ৰুণ সুস্থই আছে৷ সেয়ে গৰ্ভপাত কৰোৱাৰ অনুমতি দিলে সেয়া ভ্ৰুণহত্যাত চামিল হব৷ বিচাৰপতি ৰবীন্দ্ৰ ঘূগে আৰু বিচাৰপতি অভয় জে মন্ত্ৰীৰ বেঞ্চে জনাইছিল যে প্ৰসৱৰ সময় পৰ্যন্ত তৰুণীৰ শাৰীৰিক আৰু মানসিক চিকিৎসাৰ ব্যৱস্থা কৰাব লাগিব৷ শিশুটি জন্ম হোৱাৰ পাছত শিশুটিক নথিভুক্ত কোনো অনাথ আশ্ৰমলৈ পঠিওৱাৰ ব্যৱস্থা কৰা হব৷ সেই ৰায়ৰ বিৰুদ্ধেই ছুপ্ৰিম কৰ্টৰ দ্বাৰস্থ হৈছিল তৰুণী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
