সৌৰজগতৰ প্ৰতিটো গ্ৰহই এক নিৰ্দিষ্ট সময়ৰ মূৰে মূৰে তাৰ ৰাশিচক্ৰ বা নক্ষত্ৰ পৰিবৰ্তন কৰে৷ যাৰ মাজত জ্যোতিষশাস্ত্ৰত কেইবাটাও গ্ৰহ নক্ষত্ৰৰ পৰিবৰ্তনৰ বিশেষ গুৰুত্ব আছে৷ যেনেকৈ আগন্তুক ১২ ফেব্ৰুৱাৰীত গ্ৰহৰ ৰজা সূৰ্যই মকৰৰ পৰা কুম্ভ ৰাশিলৈ আহিব৷ শনি ইতিমধ্যেই এই ৰাশিত আছে৷ ফলত কুম্ভ ৰাশিত মুখামুখি হ’ব সূৰ্য আৰু শনি৷ যাৰ শুভ প্ৰভাৱ পৰিব তিনিটা ৰাশিৰ ওপৰত৷
জ্যোতিষশাস্ত্ৰ অনুসৰি শনিদেৱ আৰু সূৰ্যদেৱৰ মাজত আছে পিতা আৰু পুত্ৰৰ সম্পৰ্ক৷ পিতা পুত্ৰই এইবাৰ একেলগে যুঁটি তৈয়াৰ কৰিব৷ দুৰ্লভ এই যুঁটিৰ ফলত দ্বিদ্বাদশ যোগ তৈয়াৰ হ’ব৷ যাৰ প্ৰভাৱ কেইবাটাও ৰাশিৰ ওপৰত পৰিব৷ ইয়াৰ ফলত কোন কোন ৰাশিৰ ভাগ্যৰ চকৰি ঘূৰিব? জানি থওক বিশেষ ৩ৰাশি কি কি?
মেষ ৰাশি
সূৰ্য আৰু শনিৰ প্ৰভাৱ মেষ ৰাশিৰ বাবে লাভজনক হ’ব৷ কেৰিয়াৰত উন্নতি হ’ব৷ কৰ্মক্ষেত্ৰত কঠোৰ পৰিশ্ৰমৰ ফল পাব৷ দাম্পত্যত সমস্যা দূৰ হ’ব৷ সংসাৰত আৰ্থিক সংকট দূৰ হ’ব৷ মাটি সংক্ৰান্তিয় গোচৰত লাভ পাব পাৰে৷ ব্যৱসায়ত লাভৰ মুখ দেখা পাব৷
সিংহ ৰাশি
সূৰ্য আৰু শনিৰ মিলন সিংহ ৰাশিৰ বাবে শুভ হ’ব৷ চাকৰিত পদোন্নতি হ’ব পাৰে৷ ব্যৱসায়ত বৃহৎ লাভৰ সম্ভাৱনা আছে৷ নতুন কোনো ব্যৱসায় আৰম্ভ কৰিব পাৰে৷ দীৰ্ঘদিনৰ মানসিক চাপৰ পৰা মুক্তি পাব৷ সংগীৰ সৈতে ভুল বুজাবুজি দূৰ হ’ব৷
কুম্ভ ৰাশি
সূৰ্য আৰু শনিৰ মিলনত সকলোতকৈ বেছি প্ৰভাৱ পৰিব কুম্ভ ৰাশিৰ ওপৰত৷ কৰ্মক্ষেত্ৰত কামৰ প্ৰশংসা পাব৷ সহকৰ্মীয়ে কামত সহায় কৰিব৷ আৰ্থিক পৰিস্থিতিৰ উন্নতি হ’ব৷ সন্তানৰ পৰা কোনো সুখবৰ পাব পাৰে৷ পৰিয়ালৰ সৈতে ফুৰিবলৈ যোৱাৰ পৰিকল্পনা কৰিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
