ব্ৰিগেড মঞ্চত মোদী ব্ৰিগেড! ২৩ ৰাজ্যৰ মুখ্যমন্ত্ৰীৰ উপস্থিতিত শুভেন্দু অধিকাৰীৰ শপতগ্ৰহণ, জানি থওক কিমান টকাৰ মালিক মুখ্যমন্ত্ৰী শুভেন্দু?

ব্ৰিগেড মঞ্চত হেভিৱেট নেতাৰ ভিৰ৷ মঞ্চত প্ৰধানমন্ত্ৰী নৰেন্দ্ৰ মোদী, প্ৰতিৰক্ষামন্ত্ৰী ৰাজনাথ সিং, গৃহমন্ত্ৰী অমিত শ্বাহ, হিমন্ত বিশ্ব শৰ্মা, চন্দ্ৰবাবু নাইডু, যোগী আদিত্যনাথসহ ২৩খন ৰাজ্যৰ মুখ্যমন্ত্ৰী উপস্থিত হৈছে শুভেন্দু অধিকাৰীৰ শপতগ্ৰহণ অনুষ্ঠানত৷ আজি বংগত বিজেপি চৰকাৰৰ প্ৰথমখন মন্ত্ৰীসভাত মুখ্যমন্ত্ৰী হিচাপে শপত ল’ব শুভেন্দু অধিকাৰীয়ে৷

মমতা বেনাৰ্জীক ভৱানীপুৰত হৰুৱাই ৰেকৰ্ড গঢ়িছে শুভেন্দু অধিকাৰীয়ে৷ জয়ী হৈছে নন্দীগ্ৰামৰ পৰাও৷ ছাব্বিছৰ নিৰ্বাচনত এক কথাত জায়াণ্ট কিলাৰ তেওঁ৷ আৰু সেয়ে অমিত শ্বাহে কলকাতালৈ আহি তেওঁৰ নামেই মুখ্যমন্ত্ৰী হিচাপে ঘোষণা কৰিছে৷ ব্ৰিগেড পেৰেড গ্ৰাউণ্ডত প্ৰধানমন্ত্ৰী নৰেন্দ্ৰ মোদীৰ উপস্থিতিত ক্ষন্তেক সময়ৰ পাছতেই তেওঁৰ শপতগ্ৰহণ অনুষ্ঠান৷ জানি থওক কিমান সম্পত্তিৰ মালিক পশ্চিমবংগৰ নতুন মুখ্যমন্ত্ৰী?

ছাব্বিছৰ নিৰ্বাচনত দুটাকৈ কেন্দ্ৰৰ পৰা প্ৰাৰ্থী হৈছিল শুভেন্দু অধিকাৰী৷ তেওঁৰ সম্পত্তি কিন্তু পূৰ্বতকৈ কমিহে গৈছে এইবাৰ৷ ৫ বছৰৰ পূৰ্বে বিগত বিধানসভা নিৰ্বাচনৰ মনোনয়ন জমা দিয়াৰ হিচাপ অনুসৰি শুভেন্দুৰ মুঠ সম্পত্তিৰ পৰিমাণ আছিল ৯০ লাখ ৬হাজাৰ ১৪৯ টকা ৩২ পইছা৷  আৰু এই ৫বছৰত কিমান কমিল?

আয়কৰ

২০২৪-২৫ বিত্তীয়বৰ্ষত শুভেন্দু অধিকাৰীয়ে মুঠ আয়কৰ দিছে ১৭লাখ ৩৮ হাজাৰ ৫৯০টকা৷ ২০২৩-২০২৪ বিত্তীয় বৰ্ষত দিছিল ১০ লাখ ৩৭ হাজাৰ ১৬০ টকা৷ ২০২২-২৩ বিত্তীয় বৰ্ষত দিছিল ৮লাখ ৭৮হাজাৰ ৪০০ টকা আৰু ২০২১-১১ বিত্তীয়বৰ্ষত দিছিল ৮ লাখ ৮হাজাৰ ৪৬১টকা৷

অস্থাৱৰ সম্পত্তি

এই মুহূৰ্তত শুভেন্দু অধিকাৰীৰ হাতত আছে নগদ ১২ হাজাৰ টকা৷ তেওঁৰ নিজৰ কোনো বাহন নাই৷ নাই সোণৰ অলংকাৰো৷ একাধিক বেংক একাউণ্ট আছে যদিও তেওঁৰ মুঠ জমা টকাৰ পৰিমাণ ২৪লাখ ৫৭ হাজাৰ ৬০০ টকা৷ এই তালিকাত আছে কিষাণ বিকাশ পত্ৰ, ডাকঘৰৰ সঞ্চয় প্ৰকল্পত বিনিয়োগো৷