কেইবাদিন ধৰি টাৰ্গেট কৰি থকা হৈছিল৷ সম্পূৰ্ণ সুস্থ মগজুৰে পৰিকল্পনা কৰি হত্যা কৰা হৈছে শুভেন্দু অধিকাৰীৰ PA চন্দ্ৰনাথ ৰথক৷ বুধবাৰে নিশা কেন্দ্ৰীয় মন্ত্ৰী সুকান্ত মজুমদাৰক কাষত লৈ মধ্যমগ্ৰামৰ হাস্পতালৰ পৰা এই দাবী কৰিছে শুভেন্দু অধিকাৰীয়ে৷ তেওঁ জনাই যে মৃতকৰ পৰিয়াল আৰু আহতসকলৰ চিকিৎসাৰ যাৱতীয় দায়িত্ব দলে ল’ব৷
শুভেন্দুৱে জনোৱা অনুসৰি এই হত্যাকাণ্ডৰ সৈতে ৰাজনীতিৰ যোগ থাকিব পাৰে৷ অৱশ্যে এতিয়াও এই কথা তেওঁ দাঠি ক’ব নোৱাৰে বুলিও জনায়৷ ৰাজ্যখনৰ আৰক্ষীৰ ডিজি সিদ্ধনাথ গুপ্তৰ সৈতে তেওঁ বাৰ্তালাপত মিলিত হৈছে৷ আৰক্ষীৰ তৰফৰ পৰা দিয়া তথ্য অনুসৰি চিচিটিভি ফুটেজ চাই কিছু তথ্য আৰক্ষীয়ে লাভ কৰিছে৷ শুভেন্দুৰ দাবী, সঠিক তদন্তৰ স্বাৰ্থত ফুটেজৰ বিষয়ে কোনো তথ্য দিয়া নাই আৰক্ষীয়ে৷ তেওঁ লগতে জনাইছে যে তদন্তৰ বাবে আৰক্ষীৰ ওপৰতেই ভৰষা ৰখা হৈছে৷ দোষী দ্ৰুতভাৱে ধৰা পৰিব বুলিও আশ্বাস দিয়া হৈছে আৰক্ষীৰ তৰফৰ পৰা৷
এই পৰিস্থিতিত আইন হাতত তুলি নল’বলৈ দলৰ কৰ্মী আৰু সমৰ্থকসকলৰ প্ৰতি আবেদন জনাইছে শুভেন্দু অধিকাৰীয়ে৷ শান্তি বজায় ৰখাৰ কথা তেওঁ বাৰে বাৰে কৈছে৷ বুধবাৰে হাস্পতাল চত্বৰৰ পৰা শুভেন্দুৰ দাবী, ‘১৫বছৰ ধৰি ৰাজ্যত প্ৰতিহিংসাৰ ৰাজনীতি চলিছে৷ বুধবাৰৰ দিনটোতেই খড়দহত বোমা, বৰাহনগৰত ছুৰি আৰু বছিৰহাটত গুলিচালনাত আহত হৈছে বিজেপি কৰ্মী৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
