অসম লাইভ ২৪ঃ ভাৰতত প্ৰতিদিনে ক’ৰোনাত আক্ৰান্ত হৈছে লাখ লাখ লোক। জ্বৰ,কাহ, খাদ্যৰ স্বাদ আৰু গোন্ধ নোপোৱা আদি ক’ৰোনা ভাইৰাছত আক্ৰান্ত হোৱাৰ সাধাৰণ লক্ষণ। কিন্তু ক’ৰোনাৰ নতুন লহৰৰ সৈতে কিছু নতুন লক্ষণ ধৰা পৰিছে আক্ৰান্তৰ শৰীৰত। পূৰ্বৰ লহৰৰ তুলনাত নতুন ভাইৰাছ বিধৰ লক্ষণসমূহ কিছু পৃথক। নতুন লক্ষণসমূহ হ’ল —
চকু ৰঙা পৰাঃ ক’ৰোনাৰ নতুন লহৰৰ সৈতে কিছু নতুন লক্ষণৰ উপস্থিতি পোৱা গৈছে চীনৰ এক গৱেষণাত। নতুন ভাইৰাছবিধত আক্ৰান্ত হ’লে ব্যক্তিৰ চকু ভিতৰভাগ পাতল ৰঙা অথবা গুলপীয়া বৰণৰ হ’ব পাৰে। চকু ৰঙা পৰাৰ উপৰিও চকু ফুলি উঠা বা চকুৰ পৰা পানী ওলোৱাৰ দৰে সমস্যাই দেখা দিব পাৰে ব্যক্তিৰ শৰীৰত।
কাণৰ সমস্যাঃ ‘ইণ্টাৰনেচনেল জাৰ্ণেল অৱ অডিঅ’ল’জি’ত প্ৰকাশিত এক তথ্য অনুসৰি, কোনো ধৰণৰ কানৰ সমস্যাই দেখা দিয়াটো কোভিড-১৯ৰ নতুন লহৰত আক্ৰান্ত হোৱাৰ এক লক্ষণ। গৱেষণাত প্ৰায় ৫৬ শতাংশ লোকৰ শৰীৰত এই লক্ষণে দেখা দিছে।
পেটৰ সমস্যাঃ ক’ৰোনাৰ দ্বিতীয় লহৰত আক্ৰান্ত লোকক গেষ্ট্ৰ’ইনটেষ্টিনেল সমস্যাত ভোগা দেখা পোৱা গৈছে। পূৰ্বে কোভিড আক্ৰান্ত লোক শ্বাস-প্ৰশ্বাস জনিত সমস্যাত ভুগিছিল। কিন্তু বৰ্তমান পেটৰ সমস্যাও কোভিডত আক্ৰান্তৰ এক লক্ষণ।
মনৰ বিভ্ৰান্তিঃ ক’ৰোনাৰ দ্বিতীয় লহৰত আক্ৰান্ত হোৱা লোকসকলক মানসিক বিভ্ৰান্তিৰ দৰে সমস্যাত ভোগা দেখা পোৱা গৈছে। দীৰ্ঘ সময় ধৰি ক’ৰোনাত আক্ৰান্ত হোৱা ৰোগীৰ ক্ষেত্ৰত এনে সমস্যাই দেখা দিয়ে।
হৃদস্পন্দনৰ অস্বাভাৱিক গতিঃ হৃদস্পন্দনৰ অস্বাভাৱিক গতি ক’ৰোনাৰ নতুন লহৰত আক্ৰান্ত হোৱাৰ এক অন্যতম লক্ষণ। মেয়’ ক্লিনিকৰ এক গৱেষণাত প্ৰকাশ পাইছে এই তথ্য।
মূৰৰ বিষঃ স্বাস্থ্য বিশেষজ্ঞৰ ভাষ্য অনুসৰি, কোভিডৰ নতুন লহৰে ব্যক্তিৰ শৰীৰত বিভিন্ন ধৰণেৰে আক্ৰমণ কৰিব পাৰে। পূৰ্বতকৈ অধিক সংক্ৰামক এইবিধ ভাইৰাছ। নিউমোনিয়াত আক্ৰান্ত লোকসকলৰ বাবে অধিক বিপজ্জনক এই ভাইৰাছ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
