কেঞ্চাৰৰ বাবে ভৰি কাটিব লাগিব, বুলি কোৱা ব্যক্তি আজি অধিনায়ক হিচাপে দেশৰ হৈ টি-২০ বিশ্বকাপত অধিনায়ক
কেঞ্চাৰৰ বাবে ভৰি কাটিব লাগিব, সকলো দুখ কষ্ট আঁতৰ কৰি জীৱন যুদ্ধত জয়ী হৈ এতিয়া দেশৰ হৈ বিশ্বকাপত খেলি আছে এগৰাকী খেলুৱৈয়ে। কেৱল দেশৰ হৈ খেলাই নহয়, দেশৰ ক্ৰিকেট দলৰ অধিনায়কো তেওঁ।
কালি ২ জুনৰ পৰা আৰম্ভ হৈছে টি-২০ বিশ্বকাপ। এইবাৰ প্ৰতিযোগিতাখনত বহু নতুন দলে খেলিছে। ইয়াৰে এটা হৈছে ওমানৰ দল। বিশ্বকাপত ওমান দলৰ অধিনায়ক হিচাপে আছে আকিব ইলিয়াছ। আকিব ইলিয়াছৰ কাহিনী যথেষ্ট আৱেগিক। ব্যক্তিগত জীৱনত আকিবে বহু কষ্ট ভোগ কৰিছে।
বিশ্বকাপত ওমানৰ উদ্বোধনী খেলৰ পূৰ্বে আকিবে নিজৰ ব্যক্তিগত জীৱনৰ বিষয়ে দাঙি ধৰিছিল। আকিবৰ কাহিনী শুনি আবেগিক হৈ পৰে বহু লোক।
কেঞ্চাৰ ৰোগত আক্ৰান্ত হৈছিল আকিব। বাওঁ ভৰিৰ গোৰোহাৰ বিষত বহুদিন ভুগিছিল। পাছত চিকিৎসকে ইয়াৰ কাৰণ হিচাপে কৈছিল কেন্সাৰ টিউমাৰ। যি কথা শুনি একপ্ৰকাৰ ভয় খাইছিল আকিব। তাৰোপৰি চিকিৎসকে কৈছিল , সেই কেঞ্চাৰৰ বাবেই ভৰিখন সম্পূৰ্ণ কাটি পেলাব লাগিব।
একেবাৰে জীৱনেই শেষ হৈ যোৱাৰ দৰে হৈ পৰিছিল আকিবৰ। কিন্তু কোনোদিনে হাৰ মনা নাছিল। নিজেই যুঁজ দিছিল নিজৰ বাবে। যাৰ পৰিণতিত আজি সম্পূৰ্ণ ঠিক হোৱাৰ লগতে দেশৰ হৈ ক্ৰিকেট খেলি আছে। তাকো একেবাৰে অধিনায়ক হিচাপে খেলি আছে আকিবে। মাত্ৰ ১৮ মাহতে ঠিক হৈ উঠে আকিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
