আফগানিস্তানৰ ভাৰতীয় দূতবাসত তালিবানৰ তালাচী, ভাৰতীয় দূতবাসৰ পৰা গোপন নথি জব্দ তালিবানৰ

অসম লাইভ ২৪ঃ আফগানিস্তানৰ ভাৰতীয় দূতবাসত তালিবানৰ তালাচী অভিযান৷ দূতবাসৰ পৰা বহু গোপন নথি-পত্ৰ জব্দ কৰা বুলিও প্ৰকাশ কৰিছে কেন্দ্ৰীয় চৰকাৰৰ এক সূত্ৰই ৷ সম্প্ৰতি ভাৰতীয় গুপ্তচৰৰৰ সন্ধান কৰিছে তালিবানে৷ আফগানিস্তানত ভাৰতৰ ৪টা দূতবাস আছে৷ কাবুল দখলৰ পাছত প্ৰতিটো ঘৰতেই তালাচী চলায় তালিবানে৷ তালিবানে আফগানিস্তান দখল কৰাৰ পূৰ্বে বৰ্তমানৰ অশান্তজৰ্জৰ পৰিস্থিতিৰ উমান পাই দূতবাসসমূহ বন্ধ ৰাখিছিল ভাৰতীয় কাৰ্যকৰ্তাই৷ বৰ্তমান ভাৰতৰ ৰাষ্ট্ৰদূত, দূতবাসৰ কৰ্মী তথা ভাৰতীয় লোকসকলক উদ্ধাৰ কৰা হৈছে আফগানিস্তানৰ বিভিন্ন প্ৰান্তৰ পৰা৷ ভাৰতৰ ৰাষ্ট্ৰদূত ৰুদেন্দ্ৰ টেণ্ডনে জনোৱা অনুসৰি বৰ্তমানলৈকে ২০০গৰাকী ভাৰতীয়ক উদ্ধাৰ কৰিছে ৷ উদ্ধাৰ কৰিছে ভাৰতীয় সাংবাদিককো৷ ইতিমধ্যে ভাৰতলৈ উভতাই অনাৰ ব্যৱস্থা কৰা হৈছে ভাৰতীয় লোকসকলক৷ এই সন্দৰ্ভত ভাৰতৰ প্ৰধানমন্ত্ৰী নৰেন্দ্ৰ মোদীয়ে ইতিমধ্যে চৰকাৰৰ শীৰ্ষ বিষয়াৰ সৈতে বৈঠকত মিলিত হৈ উপযুক্ত ব্যৱস্থা গ্ৰহণৰ নিৰ্দেশ প্ৰদান কৰিছে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ