অসমত ৭ খন কেঞ্চাৰ হাস্পতাল স্থাপন কৰাৰ পিছতে ৰতন টাটাৰ প্ৰতিষ্ঠান TATA টেকন’লজীয়ে অসমত বহুসংখ্যক পলিটেকনিক আৰু ITI শিক্ষানুষ্ঠান স্থাপন কৰিব৷
অসম চৰকাৰৰ সৈতে যুটীয়াভাৱে TATA টেকন’লজীয়ে অসমত মুঠ ২,৩৯০ কোটি টকা ব্যয়েৰে অসমত ৩৪ খন পলিটেকনিক আৰু ৪৩ খন ITIৰ স্থাপন কৰিব৷ ইয়াৰে ৮৭% ধন TATA টেকন’লজীয়ে খৰচ কৰিব৷ ইয়াৰ ফলত প্ৰতি বছৰে প্ৰায় ২০ হাজাৰ দক্ষতাসম্পন্ন শিক্ষাৰ্থী লাভান্বিত হ’ব বুলি আশা কৰা হৈছে৷
মংগলবাৰে অনুষ্ঠিত হোৱা অসম চৰকাৰৰ কেবিনেট বৈঠকৰ পিছতে এই কথা সদৰী কৰে মন্ত্ৰী কেশৱ মহন্তই৷
লগতে পঢ়ক পঢ়ক কণমানি ছাত্ৰ কালুৱাৰ ছুটিৰ আবেদন; পঢ়ি আপোনাৰো নৰ’ব হাঁহি!
ইফালে আজি অনুষ্ঠিত হোৱা কেবিনেট বৈঠকত কে’বাটাও গুৰুত্বপূৰ্ণ সিদ্ধান্ত গ্ৰহণ কৰিছে অসম চৰকাৰে৷ ডঃ হিমন্ত বিশ্ব শৰ্মা চৰকাৰৰ প্ৰথম বৰ্ষপূৰ্তি উপলক্ষ্যে অহা ৯ আৰু ১০ মে’ত বিভিন্ন কাৰ্যসূচী গ্ৰহণ কৰাৰ কথাও সদৰী কৰিছে৷ উক্ত অনুষ্ঠানত কেন্দ্ৰীয় গৃহমন্ত্ৰী অমিত শ্বাহে অংশগ্ৰহণ কৰিব৷
অসম কেবিনেটে জাগীৰোডস্থি নগাঁও কাগজ আৰু কাছাৰ কলৰ কৰ্মচাৰীৰ বাবে ৩০৮.৭৫ কোটি টকা মুকলি কৰি দিয়াৰ লগতে অহা ১০০ দিনৰ ভিতৰত ১০০ গৰাকী কৰ্মচাৰীক চাকৰি দিয়াৰ সিদ্ধান্ত গ্ৰহণ কৰিছে৷
লগতে পঢ়ক ‘প্ৰধানমন্ত্ৰী মোদীৰ দৰে নৱাব শ্বৰীফৰ অনুষ্ঠানত কেক কটা নাই ৰাহুলে’ বিজেপিক আক্ৰমণ
বঙাইগাঁও, ধেমাজি, মৰিগাঁও ৱআৰু গোলাঘটাত নতুনকৈ চাৰিখন চিকিৎসা মহাবিদ্যালয় স্থাপন কৰাৰো সিদ্ধান্ত লোৱা হৈছে৷ এই চাৰিখন চিকিৎসা মহাবিদ্যালয়ৰ বাবে অসম চৰকাৰে মুঠ ২০০০ কোটি টকাৰ প্ৰশাসনিক অনুমোদনো কৰিছে৷
ইয়াৰ লগতে শুৱালকুছি আৰু পলাশবাৰীৰ মাজত চাৰিলেনযুক্ত দলঙ নিৰ্মাণৰ বাবে ৩১,১৯৭ কোটি টকাৰ অনুমোদন দিয়া হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
