যক্ষ্মাৰ নাম শুনিলে এসময়ত আতংকিত হৈছিল৷ যক্ষ্মা হলে ৰোগী মৃত্যুৰ দিশত আগুৱাই যায়, সেই ধাৰণাৰেই কঁপি উঠে বহুজন৷ কিন্তু এতিয়া যক্ষ্মাৰ চিকিৎসাও আছে ঔষধো আছে৷ যক্ষ্মা বা টিউবাৰকিউলোছিচৰ লক্ষণ বহু সময়তেই বুজিব নোৱাৰি৷ শুকান কাঁহ হ’লে ঠাণ্ডা লগাৰ কাৰণেই হোৱা বুলি বহুতে ভাৱে৷ সাধাৰণ কাঁহ আৰু যক্ষ্মাৰ কাঁহৰ মাজত পাৰ্থক্য আছে৷ সেয়ে লক্ষণ চিনি থোৱা জৰুৰী৷
যক্ষ্মাৰ কি কি লক্ষণ চিনিব?
দুসপ্তাহতকৈ বেছি কাঁহ থাকিব৷ কাঁহৰ সৈতে তেজ ওলাব পাৰে৷ চৰ্দি জ্বৰ নেৰিব৷ নিশা শুওঁতেই ঘাম ওলাব, ওজন হঠাৎ কমি যাব পাৰে৷ মূৰ ঘূৰোৱা, বমি ভাৱো আহিব৷ যক্ষ্মা হলে হাওঁফাওঁ হলে কাঁহ, জ্বৰ, শ্বাসকষ্টৰ লক্ষণে দেখা দিহ৷ মাজে মাজে বুকুৰ বিষো হব পাৰে৷ হাওঁফাওঁৰ বাহিৰে অন্য কোনো অংগত হলে পেটৰ সমস্যা, হাঁড়ৰ বিষ হব৷ শৰীৰৰ গ্ৰন্থিসমূহ ফুলিব উঠিব৷
কি কি পৰীক্ষা কৰা জৰুৰী?
যক্ষ্মা চিনাক্ত কৰিবলৈ হলে স্পুটাম টেষ্ট কৰি লোৱা ভাল৷ ৰোগীৰ কাঁহৰ পৰা বাহিৰ হোৱা কফ আৰু থু পৰীক্ষা কৰিব পাৰে৷ মাইক্ৰোস্কোপৰ তলত থৈ থু বা কফৰ নমুনাৰ মাইকবেক্টেৰিয়াম টিউবাৰকিউলচিছৰ জীৱাণু আছেনে পৰীক্ষা কৰা হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
