থাইলেণ্ডৰ ছাউথ বেংকক ক্ৰিমিনেল কোৰ্টে ইউছুফু মিয়েৰাইলী আৰু বিল্লাল মহম্মদ নামৰ দুজন লোকৰ বিৰুদ্ধে চৰম শাস্তিৰ ৰায় প্ৰদান কৰিছে। ২০১৫ চনত বেংককৰ এটা অন্যতম পৰ্যটনস্থলীত সংঘটিত হোৱা ভয়ংকৰ বো*মা বিস্ফো*ৰণৰ ঘটনাৰ সৈতে জড়িত থকাৰ অভিযোগত চীনৰ জিনজিয়াং অঞ্চলৰ এই দুই উইঘুৰ মুছলমান জাতিগোষ্ঠীৰ যুৱকক মৃত্যু*দণ্ডৰে দণ্ডিত কৰে।
কিমান ভয়াৱহ আছিল বিস্ফো*ৰণ? কিমান লোক হতাহত হৈছিল?
২০১৫ চনৰ ১৭ আগষ্টত বেংককৰ ব্যস্ত আৰু অন্যতম জনপ্ৰিয় পৰ্যটনস্থলী হিচাপে বিবেচিত এৰাৱান শ্ৰাইন বা ব্ৰহ্মা মন্দিৰত সংঘটিত হৈছিল এই বো*মা বি*স্ফোৰণ। বিদেশী পৰ্যটকৰ মাজত জনপ্ৰিয় উক্ত পৰ্যটনস্থলীত হোৱা বিস্ফো*ৰণত মুঠ ২০ জন লোকে থিতাতে প্ৰাণ হেৰুৱাইছিল হৈছিল আৰু প্ৰায় ১২০ জন লোক আহত হৈছিল। আহতসকলৰ ভিতৰত বহুজনেই চিৰকালৰ বাবে ঘূণীয়া হৈছিল। নিহ*তসকলৰ ভিতৰত আছিল ৫গৰাকী চীনা নাগৰিক আৰু দুজন হংকঙৰ নাগৰিক। পৰিকল্পিত হ*ত্যাকাণ্ডৰ অভিযোগকে ধৰি বিভিন্ন অভিযোগত দুয়োজনকে দোষী সাব্যস্ত কৰি ছাউথ বেংকক ক্ৰিমিনেল কৰ্টে এই ৰায় প্ৰদান কৰে। উল্লেখ্য যে উক্ত বি*স্ফোৰণ থাইলেণ্ডৰ ইতিহাসত সবাটোকৈ ভয়াৱহ ঘটনা হিচাপে ইতিহাসৰ ক’লা অধ্যায়ত সন্নিৱিষ্ট হৈ আছে। দুয়োজন অভিযুক্তই এই ৰায়ৰ বিৰুদ্ধে উচ্চ সদনত আবেদন দাখিল কৰিব বুলি সদৰী কৰিছে।
ইউছুফু আৰু বিল্লালে কিয় সংঘটিত কৰিছিল এই ভয়াৱহ বিস্ফো*ৰণ?
উক্ত বিস্ফোৰণৰ দায়িত্ব কোনো সংগঠনে আনুষ্ঠানিকভাৱে স্বীকাৰ কৰা নাছিল। ঘটনা সংঘটিত হোৱাৰ এমাহ আগত থাইলেণ্ড চৰকাৰে প্ৰায় শতাধিক উইঘুৰ মুছলমান লোকক বলপূৰ্বকভাৱে চীনলৈ ঘূৰাই পঠিয়াবলৈ সিদ্ধান্ত লৈছিল যাৰ প্ৰতিশোধমূলক পদক্ষেপ হিচাপে এই বিস্ফোৰণ সংঘটিত কৰিছিল ইউছুফু আৰু বিল্লালে। মুছলমান ধৰ্মাৱলম্বী উইঘুৰসকলে দীৰ্ঘ দিনৰ পৰা দাবী কৰি আহিছে যে, চীনৰ জিনজিয়াং অঞ্চলত তেওঁলোক নিৰ্যাতনৰ সন্মুখীন হৈ আহিছে আৰু এই নিৰ্যাতনৰ পৰা পৰিত্ৰাণ পোৱাৰ উদ্দেশ্যে সেই অঞ্চল এৰি থাইলেণ্ডৰ বিভিন্ন স্থানলৈ প্ৰব্ৰজন কৰিছিল। অৱশ্যে বেইজিঙে উইঘুৰ মুছলমানসকলৰ এই অভিযোগ সম্পূৰ্ণৰূপে অস্বীকাৰ কৰি আহিছে। অৱশ্যে, জিনজিয়াঙত ধৰ্মীয় আৰু সাংস্কৃতিক স্বাধীনতাৰ ওপৰত কঠোৰ নিয়ন্ত্ৰণ আৰোপ কৰাৰ অভিযোগত চীন বহু বছৰ ধৰি আন্তঃৰাষ্ট্ৰীয় সমালোচনাৰ সন্মুখীন হৈ আহিছে।
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
