অসম লাইভ২৪ঃ কালীপূজাৰ দুদিন পূৰ্বে পালিত হয় ধনতেৰছ বা ধন ত্ৰয়োদশী। এই দিনটোত বহুতেই সোন ক্ৰয় কৰাৰ ওপৰিও ব্ৰঞ্জ, তাম, ছিলভাৰ আদিও ক্ৰয় কৰে। এই বছৰ ধনতেৰছৰ দিনা কন্যা ৰাশিত যুঁটি গঠন কৰিব শুক্ৰ আৰু চন্দ্ৰই। শুক্ৰ শশী যোগৰ শুভ প্ৰভাৱত এই দিনটো কোনো কোনো ৰাশিৰ বাবে অত্যন্ত লাভজনক হ’ব। শনিয়ে ৩০ বছৰ পাছত ধনতেৰছতেই কুম্ভ ৰাশিত অৱস্থান কৰি গঠন কৰিব মূল ত্ৰিকোণ যোগ। ইয়াৰোপৰি ধনতেৰছৰ দিনা থাকিব হস্তনক্ষত্ৰ। ইয়াৰ ফলত এই বছৰৰ ধনতেৰছত শুভ যোগ গঠিত হ’ব। তাৰ প্ৰভাৱত মা লক্ষ্মীৰ আশীৰ্বাদ লাভ কৰিব পাঁচ ৰাশিৰ জাতকে। চাই লওক এই ধনতেৰছত লক্ষ্মীৰ কৃপা কোন কোন ৰাশিৰ জাতকৰ ওপৰত পৰিব।
বৃষ ৰাশি
ধনতেৰছত মা লক্ষ্মীৰ আশীৰ্বাদ বৃষ ৰাশিৰ জাতকৰ ওপৰত পৰিব। কেৰিয়াৰত উন্নতিৰ সুযোগ লাভ কৰিব আপুনি। এই সময়ত বহু গুণে সম্পত্তি বাঢ়িব পাৰে বৃষ ৰাশিৰ জাতকৰ। অফিচত আপোনাৰ মাজত এনাৰ্জিয়ে কাম কৰিব। পাবলগীয়া ধন লাভ কৰিব। পৰিয়ালৰ সৈতে দীপাৱলীৰ আনন্দ উপভোগ কৰিব পাৰিব বৃষ ৰাশিৰ জাতকে।
কৰ্কট ৰাশি
লক্ষ্মীৰ কৃপাত এইবাৰ ধনতেৰছত হঠাৎ হাতলৈ ধন আহিব কৰ্কট ৰাশিৰ জাতকৰ। ৰৈ যোৱা ধন, কোনো প্ৰকল্পৰ ওপৰত নতুনকৈ কাম কৰিবলৈ আৰম্ভ কৰিব পাৰে। এই সকলো কামতেই সাফল্য লাভ কৰিব আপুনি। কেৰিয়াৰত উল্লেখযোগ্য অগ্ৰগতি হ’ব কৰ্কট ৰাশিৰ জাতকৰ। হস্তনক্ষত্ৰৰ প্ৰভাৱত কৰ্কট ৰাশিৰ ব্যৱসায়ীসকলৰ হাতলৈ ধন আহিব। ধনতেৰছত ধন বৃদ্ধিৰো যোগ আছে।
কন্যা ৰাশি
এই বছৰ ধনতেৰছত কন্য ৰাশিৰ জাতকসকল লাভাম্বিত হ’ব। এই সময়ত আপোনাৰ জীৱনলৈ সুখ আৰু সমৃদ্ধি আহিব। মা লক্ষ্মীৰ আশীৰ্বাদত সাংসৰিক সুখৰ বাবে পেছাগত জীৱনত উন্নতি হ’ব কন্যা ৰাশিৰ জাতকৰ। ব্যৱসায়ত লাভ বৃদ্ধি পাব। বিদেশ যাত্ৰাও কৰিব পাৰে। এই সময়ত আপুনি যি কামেই হাতত দিয়ক সফলতা পাবই।
তুলা ৰাশি
এই বছৰ ধনতেৰছত তুলা ৰাশিৰ জাতকৰ ঘৰত লক্ষ্মীৰ আগমন ঘটিব। দেৱীৰ কৃপাত আপুনি প্ৰচুৰ পৰিমানে অৰ্থ লাভ কৰিব। ৰৈ থকা ধন এই সময়ত ওভতাই পাব। আপোনাৰ মনত সুখ আৰু শান্তিয়ে বিৰাজ কৰিব। এই সময়ত আপোনাৰ হাতলৈ কোনো চাকৰিৰ প্ৰস্তাৱ আহিব। এই সময়ত বিনিয়োগ কৰিলে ভৱিষ্যতে ইয়াৰ পৰা লাভ হ’ব।
মকৰ ৰাশি
ধনতেৰছত সম্পদ আৰু সমৃদ্ধি উপচি পৰিব মকৰ ৰাশিৰ জাতকৰ জীৱনত। এই সময়ত বুজন পৰিমানৰ অৰ্থ আপোনাৰ হাতলৈ আহিব। সমাজত মান সন্মান আৰু প্ৰতিপত্তি বৃদ্ধি পাব। অফিচৰ পৰা মোটা অংকৰ বোনাছ বা ইনছেনটিভ পাব পাৰে। প্ৰমোশ্ব্যন পোৱাৰো সম্ভাৱনা আছে। এই সময়ত অৰ্থ সঞ্চয় কৰি বেংক বেলেন্স বঢ়াব পাৰে। পৰিয়ালতো সুখ শান্তি বৰ্তি থাকিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
