‘গডজিলা বনাম কং’ আৰু ‘গডজিলা x কং: দ্য নিউ এম্পায়াৰ’ ছবিত জিয়া চৰিত্ৰত অভিনয় কৰি ব্যাপক প্ৰশংসা লাভ কৰা জনপ্ৰিয় অভিনেত্ৰী কেলি হট্লে অকালমৃ*ত্যুক সৱাটিবলগীয়া হৈছে। মাত্ৰ ১৮ বছৰ বয়সতে এক ভয়ংকৰ পথ দুৰ্ঘটনাত অভিনেত্ৰীগৰাকীৰ মৃ*ত্যু ঘটে। কেলিৰ পিতৃয়ে এই দুখজনক খবৰটোৰ নিশ্চিত কৰিছে। কেলিৰ মৃত্যুত অনুৰাগীসকলৰ লগতে সমগ্ৰ চলচ্চিত্ৰ জগতত শোকৰ ছাঁ পৰিছে। কঙৰ ঘনিষ্ঠ সংগী হিচাপে তেওঁৰ অভিনয়ে দৰ্শকৰ মনত গভীৰ ছাপ পেলাইছিল।
কেলিৰ পিতৃ জশুৱাহ হট্লে ফেচবুক লাইভষ্ট্ৰিমত চাইন লেংগুৱেজৰ জৰিয়তে এই দুখজনক খবৰ নিশ্চিত কৰি কয় যে এক পথ দুৰ্ঘটনাত কেলিৰ মৃ*ত্যু হয়। তেওঁ জনায় যে ঘটনাটো মেৰিলেণ্ডত সংঘটিত হৈছিল আৰু সেই সময়ত তেওঁ টেক্সাছত আছিল। তেওঁক প্ৰথমে আৰক্ষীয়ে ফোন কৰি দুৰ্ঘটনাৰ বিষয়ে জনায়। তাৰ পিছত পুনৰ ফোন কৰি কোৱা হয় যে চিকিৎসালয়লৈ নিয়াৰ পথতে কেলিৰ মৃ*ত্যু ঘটে।
জন্মৰ পৰাই বধিৰ আছিল কেলি
কেলি হট্ল আটলাণ্টা, জৰ্জিয়াৰ বাসিন্দা আছিল আৰু তেওঁ এগৰাকী বধিৰ অভিনেত্ৰী আছিল। বধিৰ পৰিয়ালত ডাঙৰ-দীঘল হোৱা কেলিয়ে নিজৰ মুখ্য ভাষা হিচাপে আমেৰিকান চাইন লেংগুৱেজ (ASL) ব্যৱহাৰ কৰিছিল। তেওঁ Texas School for the Deafত অধ্যয়ন কৰিছিল। সৰুৰে পৰা ASL-কেন্দ্ৰিক পৰিৱেশত ডাঙৰ হোৱা বাবে তেওঁৰ মাজত আত্মবিশ্বাস আৰু অভিনয়ৰ প্ৰতি গভীৰ আগ্ৰহ গঢ়ি উঠিছিল। অতি কম বয়সতে তেওঁ চলচ্চিত্ৰ জগতৰ অন্যতম প্ৰতিভাশালী যুৱ বধিৰ শিল্পী হিচাপে পৰিচিতি লাভ কৰে।
অভিনয় আৰু সন্মান
‘গডজিলা বনাম কং’ ছবিত কেলিয়ে জিয়া নামৰ এগৰাকী অনাথ বধিৰ কন্যাৰ চৰিত্ৰত অভিনয় কৰিছিল, যাৰ কঙৰ সৈতে এক বিশেষ সম্পৰ্ক গঢ়ি উঠে। পিছত ২০২৪ চনত মুক্তি পোৱা ‘Godzilla x Kong: The New Empire’ ছবিতো তেওঁ পুনৰ জিয়াৰ চৰিত্ৰত অভিনয় কৰে। এই ছবিখনত তেওঁৰ উৎকৃষ্ট অভিনয়ৰ বাবে তেওঁ Saturn Awards-ত Best Performance by a Younger Actor শাখাত মনোনয়ন লাভ কৰিছিল। কেলিৰ এই আকস্মিক মৃ*ত্যুত চলচ্চিত্ৰ উদ্য়োগত গভীৰ শোকৰ ছাঁ পৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
