আত্মবিশ্বাসী আছিল৷ নিজক লৈয়ো, দলটোক লৈয়ো৷ কিন্তু ফলাফলত দেখা গ’ল সম্পূৰ্ণ ওলোটা ছবি৷ তেওঁৰ দল হাৰিল৷ হাৰিল নিজেও৷ ৰাজ্য হেৰুৱালে মমতা বেনাৰ্জিৰ দলে৷ ভৱানীপুৰত হাৰিল মমতা বেনাৰ্জি নিজেও৷ এই পৰাজয় শুভেন্দু অধিকাৰীৰ হাতত৷ ১৫,১১৪টা ভোটত শুভেন্দুৰ হাতত পৰাস্ত মমতা বেনাৰ্জী৷ এই প্ৰসংগত উল্লেখ কৰা প্ৰয়োজন যে এইবাৰৰ নিৰ্বাচনৰ প্ৰধান ইছ্যু আছিল SIR, যেনেকৈ এই বিষয়টোক লৈ ৰাজ্যখনত চৰ্চা হৈছিল, তেতিয়াই বহুতে ভাৱিছিল যে এইবাৰ বেকফুটত যাব বিজেপি শিবিৰ৷
কিন্তু সোমবাৰে ৰাজ্যৰ ভাগ্যত আছিল আন কিবাহে৷ যিমানেই পুৱাৰ পৰা দিন হ’ল, দিনৰ পৰা আবেলি হ’ল সিমানেই সূৰ্য অস্ত গ’ল মমতাৰ৷ ৰাজ্যবাসীয়ে বিজেপিৰ হাতত তুলি দিলে পৰবৰ্তী ৫ বছৰৰ দায়িত্ব৷ এটাৰ পাছত আনটো ভোটগণনা কেন্দ্ৰৰ পৰা বিজেপিৰ উত্থানৰ খবৰেই আহি থাকিল৷ আৰু ধীৰে ধীৰে পিছুৱাই গৈ থাকিল তৃণমূল কংগ্ৰেছ৷ শেষত মুখ্যমন্ত্ৰী পদৰ প্ৰাৰ্থী তথা প্ৰাক্তন মুখ্যমন্ত্ৰী মমতাই নিজেও হেৰুৱালে বিধায়ক হোৱাৰো যোগ্যতা৷ এই পৰাজয়ে মমতাৰ তৃণমূল শিবিৰৰ বাবেও এক মোক্ষম আঘাত৷
পশ্চিমবংগত এইয়াই প্ৰথম নিজৰ নাম খোদিত কৰিলে বিজেপি শিবিৰে৷ নিৰ্বাচনৰ ফল ঘোষণাৰ পাছতেই এতিয়া পশ্চিমবংগত বিজেপিৰ জোৱাৰ৷ ২০১১ চনৰ পৰা এক দিঘলীয়া কাৰ্যক্ৰমণিকাৰ সামৰণি পেলালে মমতাই৷ মমতাৰ দল ওফৰি পদুম ফুলিল পশ্চিমবংগত৷ ২০১১ চনত বাম শিৱিৰক আঁতৰাই মমতা বেনাৰ্জীৰ তৃণমূলে দখল কৰিছিল পশ্চিমবংগ ঠিক একেদৰে এইবাৰ জনতাই সেই ক্ষমতাৰ দায়িত্ব তুলি দিলে বিজেপিৰ হাতত৷ তিনিবাৰ জয়ৰ হেটট্ৰিক কৰি বিদায় ললে এইবাৰ তৃণমূল চুপ্ৰিম মমতা বেনাৰ্জিয়ে নিজেও৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
