অসম লাইভ২৪ঃ মুকেশ আম্বানীৰ ব্যক্তিগত জীৱনক জনাৰ বাবে বহুজনেই আগ্ৰহী। এণ্টিলিয়াৰ ভিতৰত থকা সম্পত্তিৰ পৰিমান জানিবলৈ বহুজনেই আগ্ৰহী। আম্বানী পৰিয়ালক হৈ কৌতুহলৰ অন্তও নাই। আম্বানীৰ খাদ্যৰ তালিকা জানিবলৈকো আগ্ৰহী বহুজন। শেহতীয়াকৈ আম্বানীৰ খাদ্যসম্ভাৰক লৈ পোহৰলৈ আহিছে বিশেষ তথ্য। ধনকুবেৰ আম্বানী খাদ্যৰসিকো। বয়সে অৰ্ধ চেঞ্চুৰী পাৰ কৰিলেও খাদ্যক লৈ বেছ ৰুচি থকা মানুহ মুকেশ আম্বানী। আম্বানীৰ বৰ্তমান বয়স ৬০ বছৰ। বিভিন্ন সাক্ষাৎকাৰক খাদ্যৰ প্ৰতি থকা ৰুচিৰ কথা নিজেই জনাই আহিছে আম্বানীয়ে।
তেওঁ খাদ্যৰ ৰুচি সন্দৰ্ভত কয়, ‘মই খাদ্যৰসিক মানুহ। কিন্তু সকলোবোৰেই নিয়ম মানি খাওঁ। পৰিমান কমকৈ লওঁ।’ আম্বানীয়ে ইচ্ছা কৰিলে দেশ বিদেশৰ দামী দামী খাদ্যৰ স্বাদ প্ৰতিদিনেই ল’ব পাৰে। বিশ্বৰ ডাঙৰ ডাঙৰ ৰেষ্টুৰেণ্টলৈ যাব পাৰে। কিন্তু মুকেশ আম্বানীয়ে তেনে নকৰি এণ্টিলিয়াৰ কাষৰে এখন ৰেষ্টুৰেণ্টত দৈনিক খাদ্যৰ অৰ্ডাৰ দিয়ে। সেই ৰেষ্টুৰেণ্টত দীৰ্ঘদিন ধৰি খাদ্য গ্ৰহণ কৰি আহিছে আম্বানীয়ে। আম্বানীয়ে খাদ্য গ্ৰহণ কৰাৰ পূৰ্বেও এই ৰেষ্টুৰেণ্ট মুম্বাইৰ এখন জনপ্ৰিয় ৰেষ্টুৰেণ্ট। ‘স্বাতী স্নেকছ’ নাম ল’লেই মুম্বাইৰ দেশী বিদেশী পৰ্যটকৰ মুখ্য আকৰ্ষণ। সেই বিশেষ দোকানখনৰ পৰাই আম্বানীয়ে সপ্তাহত সংগ্ৰহ কৰে ভেলপুৰি।
উল্লেখ্য যে, ‘স্বাতী স্নেকছ’ৰ ভেলপুৰি আৰু দহি বড়া আম্বানীৰ সকলোতকৈ বেছি পছন্দৰ। বহুতেই দাবী কৰে যে বিদেশলৈ গ’লেও আম্বানীয়ে ‘স্বাতী স্নেকছ’ৰ এই দুবিধ খাদ্যৰ নাম লয়। কেৱল মুকেশ আম্বানীয়েই নহয় তেওঁৰ পৰিয়ালৰ আন সদস্যসকলেও এই ৰেষ্টুৰেণ্টত খাদ্যগ্ৰহণ কৰে। আম্বানীৰ পৰিয়ালক বাদ দি ভাৰতীয় দলৰ বহুকেইগৰাকী ক্ৰিকেটাৰেই তাত খাদ্য গ্ৰহণ কৰে। তবলাবাদক জাকিৰ হুছেইনেও তাত খাদ্য গ্ৰহণৰ বাবে আহে। আনকি এপলৰ চিইঅ’ টম কুক মুম্বাইলৈ আহোতে এই ‘স্বাতী স্নেকছ’তেই খাদ্য গ্ৰহণ কৰাৰ ফটো ভাইৰেল হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
