উত্তৰাখণ্ডৰ পাছতেই অসমতো UCC বিল আনিছে মুখ্যমন্ত্ৰী হিমন্ত বিশ্ব শৰ্মাই৷ মুখ্যমন্ত্ৰী হিচাপে শপত লোৱাৰ পাছতেই সংবাদমেল অনুষ্ঠিত কৰি UCC লাঘু কৰাৰ সিদ্ধান্ত লৈছে মুখ্যমন্ত্ৰী হিমন্ত বিশ্ব শৰ্মাই৷ ভাৰতত ইউনিফৰ্ম চিভিল কোড অনা প্রথমখন ৰাজ্য হৈছে উত্তৰাখণ্ড আৰু অচিৰেই এই তালিকাত দ্বিতীয় ৰাজ্য হোৱাৰ দিশে অসম। ২৬ মে তাৰিখে সদনত উপস্থাপন কৰা হ’ব ইউনিফৰ্ম ছিভিল কোড৷ এই বিলত একাধিক বিষয়ৰ কথা উল্লেখ কৰা হৈছে। বিবাহ, সম্পত্তিৰ উত্তৰাধিকাৰ, তুলি লোৱা সন্তান আদি সকলোবোৰকেই এই বিলত সামৰি লোৱা হৈছে। এই বিলৰ অধীনত কি কি উল্লেখ আছে?
লৰা-ছোৱালী সকলোৱে পাব সম্পত্তিৰ সমান অধিকাৰ
অভিন্ন দেৱানী বিধি বিল অনুসৰি, লৰা, ছোৱালী সকলোৱে সম্পত্তিৰ সমান ভাগ পাব। প্ৰত্যেক অৰ্থনৈতিক আৰু সামাজিক বৰ্গত এই নিয়ম লাঘু হ’ব।
বিবাহ বহিৰ্ভূত সন্তানেও পাব যথাযথ মৰ্যাদা
বিবাহিতা স্ত্ৰীৰ সন্তান অথৱা বিবাহ বহিৰ্ভূত সন্তান, দুজনৰেই পিতৃৰ সম্পত্তিৰ ওপৰত সমান অধিকাৰ থাকিব। বিবাহ বহিৰ্ভূত সন্তান থাকিলে তেঁওলোকৰো উত্তৰাধিকাৰৰ মৰ্যাদা থাকিব। প্ৰত্যেক সন্তানকেই বায়লজিকেল হিচাপে পৰিচয় দিব লাগিব পিতৃয়ে। সম্পৰ্ক থাকক নাথাকক, বিবাহ বহিৰ্ভূত সন্তানকো পৰিচয় আৰু মৰ্যাদা দিব লাগিব এই বিলৰ আওতাত।
তুলি লোৱা সন্তানেও পাব সমান অধিকাৰ
ইউনিফৰ্ম চিভিল কোড অনুসৰি তুলি লোৱা সন্তান, চেৰোগেছি কিম্বা IVF পদ্ধতিৰে জন্ম হোৱা সন্তানৰ মাজতো কোনো পাৰ্থক্য ৰাখিব নোৱাৰিব। বায়লজিকেল পদ্ধতিৰে জন্ম লোৱা সকলো সন্তানেই সমান।
মৃত্যুৰ পাছত সম্পত্তিৰ অধিকাৰ
কোনো ব্যক্তিৰ মৃত্যু হ’লে তেওঁৰ পত্নী আৰু সন্তানক সম্পত্তিৰ সমান অধিকাৰৰ পৰা কোনোৱে বঞ্চিত কৰিব নোৱাৰিব। ইয়াৰোপৰি মৃত ব্যক্তিৰ পিতৃ-মাতৃয়েও তেওঁৰ সম্পত্তিত সমান অধিকাৰ পাব। এই নিয়ম পূৰ্বতকৈ সম্পূৰ্ণ পৃথক। পূৰ্বে মৃতকৰ সম্পত্তিৰ ওপৰত কেৱল মাতৃৰ হে অধিকাৰ আছিল।
লীভ ইন ৰিলেশ্ব্যনচিপ বন্ধ হ’ব
লীভ ইন ৰিলেশ্ব্যনচিপ নৈতিকতাৰ বিৰুদ্ধ কাম। যদি এজন সংগী বিবাহিত হৈয়ো অন্যৰ সৈতে সম্পৰ্ক ৰাখে, এজন সংগী যদি নাৱালক হয়, বলপূৰ্বক কোনোবাই যদি কাৰোবাক সংগী কৰে, কাৰোবাক যদি ভুৱা পৰিচয়েৰে প্ৰতাৰণা কৰে তেন্তে কাৰাগাৰলৈ যোৱাৰ বাট নিশ্চিত।
UCC-অনাৰ প্ৰধান উদ্দেশ্য কি?
এই অভিন্ন দেৱানী বিধিৰ উদ্দেশ্য হৈছে সমগ্ৰ দেশত এক নিৰ্দিষ্ট আইনী পৰিকাঠামো গঠন কৰা। যি পৰিকাঠামোৱে দেশৰ সমস্ত ৰাজ্যৰ নাগৰিকৰ বিবাহ, বিচ্ছেদ, সম্পত্তিৰ অধিকাৰৰ দৰে বিষয়সমূহত সমান আইনী অধিকাৰ প্ৰদান কৰে। ধৰ্ম, বৰ্ণ আৰু আৰ্থিক বৰ্গ নিৰ্বিশেষে এই নিয়ম সকলোৰে বাবে লাঘু হ’ব। ৰিপৰ্ট অনুসৰি এই বিলত বহুবিবাহ নিষিদ্ধ কৰাৰ কথাও উল্লেখ আছে। বাল্যবিবাহ সমস্ত ধৰ্মৰ বাবেই বন্ধ কৰাৰ কথাও উল্লেখ আছে এই বিলত। প্ৰত্যেক ধৰ্মৰ বিবাহযোগ্য তৰুমীৰ বাবেই বিবাহৰ এক নিৰ্দিষ্ট বয়স ধ্যৰ্য কৰি দিয়া হ’ব।
উল্লেখ কৰা প্ৰয়োজন যে জনজাতীয় লোকসকলক অভিন্ন দেৱানী বিধিৰ পৰা আঁতৰত ৰখা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
