দৈনিক প্লাষ্টিকেই খাইছে! এই ৭ সামগ্ৰীৰ পৰা দৈনিক শৰীৰত সোমাইছে লাখ লাখ মাইক্ৰপ্লাষ্টিক?

নিমখ আৰু চেনীৰ পৰা

সমুদ্ৰতো প্লাষ্টিকৰ আৱৰ্জনা মিহলি হৈ পৰে৷ সমুদ্ৰৰ পানীৰ পৰা যি নিমখ তৈয়াৰ হৈছে তাতো অণুপ্লাষ্টিক পোৱা গৈছে৷ কেৱল খোলা বজাৰতেই নহয়, অনলাইনতো যি নিমখ আৰু চেনী বিক্ৰী হয় সেইসমূহত প্লাষ্টিকৰ অস্তিত্ব পোৱা গৈছে৷ সমীক্ষাই জনাইছে চেনীতকৈ বেছি নিমখত এই ক্ষুদ্ৰ প্লাষ্টিক কণাৰ উপস্থিতিৰ পৰিমাণ বেছি৷  

প্লাষ্টিকৰ পাত্ৰ

ব্যৱহাৰৰ সুবিধাৰ বাবে বাটি, কাঁহীও আজিকালি বহুতে প্লাষ্টিকেই ব্যৱহাৰ কৰে৷ বিশেষকৈ মাইক্ৰৱেভ অভেনতো প্লাষ্টিকৰ বাটিত বা পাত্ৰত খাদ্য গৰম কৰাৰ প্ৰৱণতা ভীষণ ক্ষতিকৰ৷ ইয়াৰোপৰি ক’লা প্লাষ্টিকৰ বাটি বা কাঁহীত গৰম খাদ্য দিয়া হয় বহু ৰেষ্টুৰেণ্টত৷ তাৰপৰাও শৰীৰত প্লাষ্টিকৰ কণা সোমাই পৰে৷

প্ৰক্ৰিয়াজাত খাদ্য

প্ৰক্ৰিয়াজাত খাদ্য বিগত কেইবাবছৰ ধৰি খুবেই চলিছে৷ নানান ৰাসায়নিক, ৰং আদি দিয়া বুলি নানান সময়ত অভিযোগো আছে৷ প্লাষ্টিকেৰে মেৰিয়াই থোৱা এই সমস্ত খাদ্য একেবাৰেই স্বাস্থ্যকৰ নহয়৷ ইয়াত পুষ্টিগুণৰ যেনেকৈ অভাৱ থাকে তেনেকৈ ইয়াত মিহলি হৈ যায় অতি ক্ষুদ্ৰ প্লাষ্টিককণা৷

নন-ষ্টিকৰ বাচন

হাৰ্ভাৰ্ড বিশ্ববিদ্যালয়ৰ বিজ্ঞানীসকলে তেওঁলোকৰ সাম্প্ৰতিক গৱেষণাত দাবী কৰিছে যে ৰন্ধনৰ সময়ত ননষ্টিক বাচন ব্যৱহাৰ কৰাটো বেয়া৷ ইয়াৰ পৰা অনৰ্গল বাহিৰ হৈ থাকে হাজাৰ হাজাৰ প্লাষ্টিক কণা৷ ননষ্টিক পেনত ৰন্ধনৰ সময়ত ষ্টিলৰ হেতা ব্যৱহাৰ কৰিলে বা ধৰাল কিছু সামগ্ৰীয়ে যদি লৰোৱা হয় তেতিয়া তাৰ পৰা বাহিৰ হয় ৯০০০ মাইক্ৰপ্লাষ্টিক৷ আৰু যদি কোনোধৰণে বাচনবিধ পুৰি যায় তেতিয়া তাৰ ওপৰৰ আৱৰণ উঠি যায়৷ তেতিয়া প্ৰতিবাৰে অন্তত কমেও ২০-৩০ লাখ বিষাক্ত প্লাষ্টিকৰ কণা বাহিৰলৈ ওলাই খাদ্যত মিহলি হৈ পৰে৷

প্লাষ্টিকৰ পেকেজিং

প্লাষ্টিকৰ পেকেটত অনা খাদ্যতো সোমাই থাকে মাইক্ৰপ্লাষ্টিক৷ নানান মছালাৰ পেকেটৰ ভিতৰতো প্লাষ্টিকৰ কণা পোৱা গৈছে৷ প্লাষ্টিকৰ পেকেটত অনা গাখীৰ বা চিজতো পোৱা গৈছে মাইক্ৰপ্লাষ্টিক৷ প্লাষ্টিকৰ পেকেট পলিইথিলি আৰু পলিপ্ৰপেলিন বেছি পৰিমাণে পোৱা যায়৷ এইসমূহ থাৰ্মোপ্লাষ্টিক পলিমাৰ যি ফুড পেকেজিঙৰ সময়ত কামত লাগে৷ এইসমূহৰ পৰা সূক্ষ্ম প্লাষ্টিকৰ কণা বাহিৰ হৈ খাদ্যত মিহলি হৈ পৰে৷