নিঃশব্দে কিডনিত ৰোগে বাঁহ বন্ধাৰ বিপদ সংকেত দিয়ে চকুৱে! কি কি লক্ষণ অৱহেলা কৰিলে বাঢ়িব মৃত্যুৰ শংকা?

কিডনি আমাৰ শৰীৰৰ অন্যতম গুৰুত্বপূৰ্ণ অংগ৷ সূত্ৰৰ পৰা আৰম্ভ কৰি শৰীৰৰ হৰমনৰ ভাৰসাম্য, ব্লাড প্ৰেছাৰ নিয়ন্ত্ৰণসহ একাধিক জৰুৰী কাম এই অংগই কৰে৷ সেয়ে সুস্থ থাকিবলৈ হ’লে বৃক্কৰ স্বাস্থ্য ঠিকে ৰখা জৰুৰী৷ মানুহৰ শৰীৰত দুটা কিডনি থাকে তাৰে এটা বিকল হলেও আনটোৱে কাম চলাব পাৰে৷ ফলত অন্যান্য অংগৰ দৰে প্ৰথমে কিডনিৰ ক্ষতি ধৰিব নোৱাৰি৷ ফলত বেছিভাগ কিডনিৰ সমস্যাৰেই চিকিৎসাত দেৰী হৈ যায়৷ কিডনিয়ে যদি ধীৰে ধীৰে কাম কৰা বন্ধ কৰি দিয়ে তেতিয়া নানান সংকেত দিবলৈ আৰম্ভ কৰে৷ বিশেষজ্ঞই কৈছে যে কিডনিৰ সমস্যাৰ প্ৰাথমিক লক্ষণসমূহ চকুত দেখা দিব পাৰে৷ য’ত উপেক্ষা নকৰি সময়মতে সতৰ্ক হোৱা সকলোতকৈ জৰুৰি৷

কিয় চকুত দেখা দিয়ে কিডনিৰ সমস্যাই?

চিকিৎসকে জনাইছে যে কিডনিয়ে সঠিকভাৱে কাম নকৰিলে দেহত টক্সিন জমা হৈ যায় তেতিয়া পানী আৰু খনিজৰ ভাৰসাম্য নষ্ট হয়৷ চকু যিহেতু অত্যন্ত সংবেদনশীল অংগ, সেয়ে শৰীৰৰ ভিতৰৰ পৰিবৰ্তন বহু সময়ত সেয়ে প্ৰথমে চকুতেই ধৰা পৰে৷ চকুৰ সংকেতক উপেক্ষা নকৰি সতৰ্ক থাকি কিডনি ফেইলাৰৰ আশংকা কমাব পাৰে৷ চকুত যি লক্ষণসমূহে কিডনি সমস্যাৰ ইংগিত দিব পাৰে সেইসমূহ হৈছে-

১. চকুৰ তলত ফোলাভাৱ- পুৱাই টোপনিৰ পৰা ওঠাৰ পাছত চকুৰ তলত যদি ফোলাভাৱ থাকে তেন্তে সেয়া টোপনিৰ অভাৱ বা ক্লান্তিৰ কাৰণ নহবও পাৰে৷ কিডনিৰ অসুস্থতাই শৰীৰৰ পৰা প্ৰটিন বাহিৰলৈ যাব দিব পাৰে আৰু পানী জমা হৈ হৈ এই ধৰণৰ ফোলাভাৱে দেখা দিয়ে৷

২. দৃষ্টিশক্তি কমি যোৱা- হঠাৎ যদি জিলমিল দেখে বা একেবিধ সামগ্ৰীকেই দুবাৰ দেখে তেন্তে সেয়া উচ্চ ৰক্তচাপ আৰু ডায়াবেটিছৰ লক্ষণ হব পাৰে৷ যি আকৌ কিডনিৰ সমস্যাৰ সৈতেও জড়িত৷

৩. চকুত শুকান ভাৱ আৰু জ্বলাপোৰাঃ চকু বাৰে বাৰে শুকাই যোৱা, জ্বলাপোৰা ভাৱে দেখা দিলে শৰীৰত টক্সিন বাঢ়ি গৈছে বা খনিজৰ ভাৰসাম্য নষ্ট হৈছে বুলিও ধৰি লোৱা হয়৷