অসমত UCC গৃহীত হ’ল৷ ইউনিফৰ্ম ছিভিল কোড অহাৰে পৰাই স্বামী, স্ত্ৰীৰ সম্পৰ্কত বিশ্বাসঘাতকতা, বিবাহবিচ্ছেদ আৰু ভৰণপোষণ আইনক লৈ আলোচনা আৰু তীব্ৰ হৈ উঠিছে। এই প্ৰতিবেদনত ভাৰতীয় আইনত স্বামীয়ে-স্ত্ৰীক সম্পৰ্কত বিশ্বাসঘাতকতা কৰিলে ভৰণপোষণক লৈ কি উল্লেখ আছে সেই বিষয়ে উল্লেখ কৰা হৈছে?
ভাৰতত বিশ্বাসঘাতকতা আৰু ভৰণপোষণ সংক্ৰান্তীয় আইন কি?
ভাৰতত অন্তৰ্বতীকালীন বা স্থায়ী ভৰণপোষণ প্ৰদানৰ ভিত্তি মূলত হিন্দু বিবাহ আইন ১৯৫৫ৰ ২৪ আৰু ২৫ ধাৰাৰ ওপৰত ভিত্তি কৰি তৈয়াৰ কৰা হৈছে। ইয়াৰোপৰি বিশেষ বিবাহ আইন, পাৰ্চি বিবাহ আৰু বিবাহবিচ্ছেদ আইন আৰু বি এন এছ এছ ২০২৩ৰ ১৪৪ ধাৰাত একেই বিধান আছে। যদিও ছুপ্ৰিম কৰ্ট ২০১৮ চনত জোছেফ ছাইন বনাম ভাৰত ইউনিয়ন গোচৰত ব্যভিচাৰক ফৌজদাৰী বিভাগৰ পৰা বাদ দিয়া হয়। নাগৰিক আইনত ই এতিয়াও বিবাহবিচ্ছেদৰ বাবে এক আইনী ভিত্তি।
ভৰণপোষণৰ পৰিমাণ নিৰ্ধাৰণৰ সময়ত আদালতে ইয়াক গুৰুত্বসহকাৰে লয়। বিশ্বাসঘাতকতা বা সম্পৰ্কত ব্যভিচাৰিতাৰ ক্ষেত্ৰত এয়া প্ৰযোজ্য নহয়।
সম্পৰ্কত বিশ্বাসঘাতকতাৰ ক্ষেত্ৰত ভৰণপোষণৰ পৰিমাণ কেনেকৈ নিৰ্ধাৰিত হয়
ছুপ্ৰিম কৰ্টৰ এগৰাকী অধিবক্তা তুষাৰ কুমাৰৰ মতে, দেৱানী গোচৰৰ অবিশ্বাস এতিয়াও এটা সিদ্ধান্তমূলক কাৰণ হব পাৰে। যদি স্বামীৰ প্ৰতি অবিশ্বাসৰ উপৰত ভিত্তি কৰি বিবাহবিচ্ছেদ হয় তেতিয়া আদালতে সাধাৰণ ভৰণপোষণ নিৰ্ধাৰণৰ সময়ত স্ত্ৰীৰ পক্ষে নমনীয়তা দেখাই।
আইনত এয়া কিমান শতাংশ হব সেয়া নিৰ্দিষ্ট কৰা হোৱা নাই। ভাৰতীয় আদালতে সাধাৰণতে স্বামীৰ নিট মাহিলী আয়ৰ ২৫ শতাংশৰ পৰা ৩৩শতাংশৰ মাজত ভৰণপোষণ নিৰ্ধাৰণ কৰে। যদি বিবাহ দীৰ্ঘস্থায়ী হয় সন্তান থাকে বা স্বামীৰ মনোভাৱ খুবেই আপত্তিকৰ হয় তেতিয়া এই পৰিমাণো বাঢ়িব পাৰে।
সম্পত্তি বিভাজনৰ ক্ষেত্ৰত কি নৈতিকতা গুৰুত্বপূৰ্ণ
এই বিষয়ত পশ্চিমা দেশসমূহ ঠিক বিপৰীত অৱস্থানত। এই দেশসমূহত এক সাম্প্ৰদায়িত সম্পত্তি মডেল আছে যাৰ অৰ্থ বিবাহবিচ্ছেদৰ পাছত সম্পত্তি ৫০ঃ৫০ ভাগত ভাগ কৰা হয়। ভাৰতত সম্পত্তি মালিকানা আৰু আৰ্থিক অবদানৰ ভিত্তিত এয়া ভাগ কৰা হয়। স্বামী স্ত্ৰীৰ সম্পৰ্কত অবিশ্বাসৰ দৰে নৈতিক বিষয়সমূহৰ ওপৰিও সম্পত্তিত কিমান অবদান আছে সেয়া পৰ্যবেক্ষণ কৰে আদালতে। যদি কোনো সম্পত্তি যৌথভাৱে কিনা হয় বা স্ত্ৰীৰ অবদান থাকে তাত তেওঁৱো অংশ পাব।
বিবাহবিচ্ছেদ আৰু বিশ্বাসঘাতকতা সম্পৰ্কীয় চৰ্তাৱলী
পৰবৰ্তী প্ৰশ্ন উঠিছে যে স্বামী বা স্ত্ৰীৰ প্ৰতি অবিশ্বাসে বিবাহবিচ্ছেদৰ সৈতে সম্পৰ্কিত চৰ্তসমূহক প্ৰভাৱিত কৰিব পাৰে। উত্তৰটো স্পষ্ট ভাষাত হয় বুলি কব পাৰি। মানি কন্ট্ৰোলৰ এক সাম্প্ৰতিক প্ৰতিবেদনত উল্লেখ থকা অনুসৰি মালিকানাৰ ভিত্তিত সম্পত্তি ভাগ কৰা হয়, আচৰণৰ প্ৰভাৱ, ভৰণপোষণৰ ওপৰত সেয়া স্পষ্টভাৱে দৃশ্যমান। যদি স্বামী দোষী তেন্তে আদালতে স্ত্ৰীৰ পক্ষে আৰু নমনীয় হব পাৰে। অন্যহাতে যদি স্ত্ৰীয়ে ব্যাভিচাৰিতাৰ বা বিশ্বাসভংগৰ বাবে দায়ী প্ৰমাণিত হয় তেতিয়া তেওঁ স্থায়ী ভৰণপোষণ নাপাব পাৰে।
এগৰাকী অবিশ্বস্ত পত্নী ভৰণপোষণৰ অধিকাৰী হয়নে?
ইয়াৰ সম্ভাৱনা আছে অৱশ্যে ইয়াৰ বাবে প্ৰমাণ আৰু সাক্ষী উপস্থাপন কৰিব লাগিব। হিন্দু বিবাহ আইনৰ ধাৰা ২৫(৩) অনুসৰি, যদি স্ত্ৰী বিবাহ বহিৰ্ভূত সম্পৰ্কত জড়িত থাকে তেন্তে আদালতে স্থায়ী ভৰণপোষণ প্ৰদান কৰিবলৈ অস্বীকাৰ কৰিব পাৰে। আনকি পূৰ্ব প্ৰদত্ত অৰ্থ উভতাই লোৱাৰ নিৰ্দেশ দিব পাৰে।
এই ধৰণৰ সিদ্ধান্ত তেতিয়াই লোৱা যাব পাৰে যেতিয়া স্বামীয়ে আদালতৰ সন্মুখত দৃঢ় প্ৰমাণ আৰু সাক্ষী উপস্থাপন কৰে। অন্যহাতে যদি স্ত্ৰী আৰ্থিকভাৱে দুৰ্বল হয় তেতিয়া ধাৰা ২৪ অনুসৰি অন্তৰ্বৰ্তীকালীন ভৰণপোষণ পাব পাৰে যদিও বিবাহ বহিৰ্ভূত সম্পৰ্ক প্ৰমাণিত হলে স্থায়ী ভৰণপোষণ বাতিলো হব পাৰে।
এই প্ৰসংগত প্ৰায়েই উত্থাপিত প্ৰশ্নাৱলী
১.প্ৰশ্নঃ এজন অবিশ্বস্ত স্ত্ৰীয়ে ভৰণপোষণ পাবনে, আইনে কি কয়?
উত্তৰঃ এয়া সম্ভৱ যদি স্বামীয়ে আদালতত দৃঢ় প্ৰমাণসহ প্ৰমাণ কৰে যে স্ত্ৰীৰ বিবাহবহিৰ্ভূত সম্পৰ্কে জড়িত থাকে তেন্তে আদালতে স্থায়ী ভৰণপোষণ দিবলৈ অস্বীকাৰ কৰিব পাৰে।
২. প্ৰশ্নঃ বিবাহবৰ্হিভূত সম্পৰ্ক বিবাহবিচ্ছেদৰ বাবে এক বৈধ কাৰণ হব পাৰেনে!
উত্তৰঃ হয়, ভাৰতত অবিশ্বাসক বা সম্পৰ্কত বিশ্বাসঘাতকতাক এক দেৱানী অপৰাধ হিচাপে বিবেচনা কৰা হয় আৰু বিবাহবিচ্ছেদৰ বাবে এক আইনী ভিত্তি হব পাৰে যদিও ইয়াৰ আৰু এটা ফৌজদাৰি অপৰাধ হিচাপে বিবেচিত নহয়।
৩. প্ৰশ্নঃ ভাৰতীয় আইনৰ অধীনত কিমান ভৰণপোষণ দিব লাগে
উত্তৰঃ এয়া নিৰ্দিষ্ট নহয়, আদালতত সাধাৰণতে স্বামীৰ নিট আয়ৰ ২৫শতাংশৰ পৰা ৩৩ শতাংশ পৰ্যন্ত ভৰণপোষণ নিৰ্ধাৰণ কৰা থাকে। ই বিবাহৰ সময়কালত সন্তানৰ বৰ্তমান পৰিস্থিতি আৰু স্বামীৰ আচৰণৰ ওপৰত নিৰ্ভৰ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
