পোহৰ আৰু সমৃদ্ধিৰ উৎসৱ দীপাৱলি৷ হিন্দু ধৰ্মত বিশ্বাস কৰা হয় যে এই দিনটোতেই দেৱী লক্ষ্মীয়ে পৃথিৱীলৈ আহে আৰু ভক্তৰ ঘৰত আশীৰ্বাদ বৰ্ষণ কৰে৷ সেয়ে দীপাৱলিৰ নিশা ধনসম্পদ আহৰণৰ বিশেষ শুভক্ষণ বুলিও কোৱা হয়৷ বিশেষজ্ঞৰ মতে এই নিশা ঘৰত কিছু নিৰ্দিষ্ট আধ্যাত্মিক উপায় বা উপচাৰ পালন কৰিলে জীৱনৰ আৰ্থিক বাধা, ঋণৰ বোজা আৰু ব্যৱসায়ৰ মন্দাভাৱ দূৰ হ’ব পাৰে৷ জ্যোতিষীৰ মতে এই উপাচাৰসমূহ কেৱল নিয়মেই নহয়, ই বিশ্বাস আৰু মানসিক ইতিবাচকতাৰো প্ৰতীক৷ যিয়ে সঁচা মনেৰে দেৱী লক্ষ্মীৰ আৰাধনা কৰে তেওঁৰ জীৱনলৈ সমৃদ্ধি আহেই৷ এই উপাচাৰসমূহ দীপাৱলীৰ নিশা পালন কৰিলে অৰ্থনৈতিক উন্নতি আৰু শান্তি আহে বুলি বিশ্বাস কৰা হয়৷
১. শুভ সময়ত আৰম্ভ কৰক উপচাৰঃ দীপাৱলিৰ নিশা ১১ বাজি ৩০ মিনিটৰ পৰা ১২ বাজি ৩০ মিনিটৰ ভিতৰত এই উপায় গ্ৰহণ কৰা সকলোতকৈ শুভ৷ এই সময়ক মহালক্ষ্মীৰ প্ৰিয় মুহূৰ্ত বুলি কোৱা হয়৷
২. ঘিঁৰ তিনিটা প্ৰদীপ জ্বলাওকঃ ঘিঁৰে তৈয়াৰ কৰা তিনিটা প্ৰদীপ প্ৰস্তুত কৰক৷ প্ৰতিটো প্ৰদীপতেই পদ্মবীজ দিয়ক৷ বিশ্বাস কৰা হয় যে পদুম ফুল লক্ষ্মী দেৱীৰ প্ৰিয় ফুল, সেয়ে ইয়াৰ গুটি দিলেও দ্ৰুত আশীৰ্বাদ পোৱা যায়৷
৩. চাকি পবিত্ৰ কোনো গছৰ গুৰিত ৰাখকঃ পৃথক পৃথক তিনিজোপা গছৰ তলত প্ৰদীপ জ্বলাওক৷ আঁহত গছ, আমলখি গছ, বেল গছৰ গুৰিত আপুনি চাকি জ্বলাব পাৰে৷ এই তিনিবিধ গছক হিন্দু শাস্ত্ৰত পবিত্ৰ বুলি ধৰা হয়৷ এইসমূহৰ তলত প্ৰদীপ জ্বলালে নেতিবাচক শক্তি দূৰ হয়৷ ইতিবাচক শক্তিৰ প্ৰবাহ আৰম্ভ হয়৷
৪. একোটাকৈ চাকি একোজন দেৱতাৰ নামত উৎসৰ্গা কৰকঃ প্ৰথম চাকি ভগৱান গণেশৰ নামত অৰ্পণ কৰক৷ দ্বিতীয় চাকি লক্ষ্মী দেৱীৰ উদ্দেশ্যে দিয়ক যিয়ে অৰ্থ আৰু সৌভাগ্যৰ অধিষ্ঠাত্ৰী৷ তৃতীয় প্ৰদীপ দিয় সৰস্বতী দেৱীৰ নামেৰে যিয়ে জ্ঞান আৰু প্ৰজ্ঞাৰ দেৱী৷ এটা প্ৰদীপত গোল শলিতা দিয়ক আৰু বাকী দুটাত দীঘল শলিতা দিয়ক৷ ইয়াত শুভশক্তিৰ ভাৰসাম্য বৰ্তি থাকিব৷
৫. পূজাৰ সময়ত বিশেষ আহ্বানঃ চাকি জ্বলোৱাৰ সময়ত মনোযোগ দিয়ক৷ দেৱী লক্ষ্মী, ভগৱান কুবেৰ আৰু পূৰ্বপুৰুষক স্মৰণ৷ প্ৰাৰ্থনা কৰক যেন ঘৰলৈ সমৃদ্ধি আৰু ধনৰ প্ৰবাহ অব্যাহত থাকে৷ বিশ্বাস কৰা হয় যে এই আহ্বানে জীৱনত স্থায়ী আৰ্থিক শান্তি আনে৷
৬. ঘৰত লক্ষ্মী পূজা কৰকঃ গছৰ তলত প্ৰদীপ ৰখাৰ পাছত ঘৰত লক্ষ্মীপূজা কৰক৷ পূজাৰ সময়ত এটা ৰূপৰ মুদ্ৰা দেৱীৰ সন্মুখত ৰাখক আৰু সেয়া ঘৰৰ লকাৰত ৰাখি থ’ব৷ ই অৰ্থৰ সঞ্চয় বঢ়োৱাত সহায় কৰে৷
বিশেষজ্ঞৰ মতে, এই উপচাৰৰ ফলত পুৰণি ঋণৰ পৰা মুক্তি পোৱা যায়৷ ব্যৱসায়ত লাভ বৃদ্ধি হয়৷ আৰ্থিক স্থিতিশীলতা বাঢ়ে, ঘৰত অৰ্থৰ প্ৰবাৱ বাঢ়ে৷ জীৱনলৈ ইতিবাচক শক্তিৰ আগমন হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
