কিডনি হৈছে শৰীৰৰ অন্যতম জৰুৰী অংগ৷ এই অংগই শৰীৰৰ পৰা ক্ষতিকৰ উপাদান বাহিৰ কৰি দিয়ে৷ ইয়াৰোপৰি তৈয়াৰ কৰে প্ৰস্ৰাৱ৷ ইয়াৰ সৈতে ব্লাড প্ৰেছাৰ নিয়ন্ত্ৰণ, কিছু হৰমন তৈয়াৰসহ নানান কাম কৰে৷ সেয়ে সুস্থ থাকিব খুজিলে কিডনিৰ স্বাস্থ্যৰ দিশত যত্ন লোৱাটো জৰুৰী৷
অৱশ্যে এটা কথা মূৰত ৰাখিব লাগে যাতে আমাৰ নিজৰ ভুলত কিডনিৰ ক্ষতি নহয়৷ এই অংগক লৈ একাধিক জটিল অসুখ হ’ব পাৰে৷ সেয়ে সতৰ্ক হোৱাটো জৰুৰী৷ জানি থওক কি কি কাৰণত কিডনিৰ ক্ষতি হয়৷
পানী কমকৈ খোৱা
কম পৰিমাণে পানী খালে কিডনিত জমা হ’ব পাৰে বিভিন্ন উপাদান৷ যাৰ ফলত কিডনিত ষ্টোন হ’ব পাৰে৷ কেৱল সেয়াই নহয়, কম পৰিমাণে পানী খোৱাৰ কাৰণে কিডনিৰ কাৰ্যকাৰিতা কমি যাব পাৰে৷ বৰং চিকিৎসকৰ পৰামৰ্শ মানি পানী খাওক৷
অতিৰিক্ত নিমখ এৰাই চলক
আমাৰ শৰীৰত বেছি পৰিমাণে নিমখ বা ছডিয়াম সোমালে কিডনিৰ ক্ষতি হয়৷ প্ৰকৃততে কিডনিৰ ওপৰত অতিৰিক্ত চাপ দিয়ে ছডিয়ামে৷ যাৰ ফলত বৃক্কৰ অৱস্থা বেয়া হ’বলৈ ধৰে বুলি জনাইছে বিশেষজ্ঞই৷ সেয়ে সুস্থ থাকিব খুজিলে কেতিয়াও অতিৰিক্ত নিমখ নাখাব৷ বিশেষকৈ কেঁচা নিমখ এৰাই চলাটো ভাল৷
মদ্যপান আৰু ধূমপানো ক্ষতিকৰ
বহুতেই নিয়মিত মদ্যপান আৰু ধূমপান কৰে৷ আৰু সেই অভ্যাসেই ডাঙৰ ক্ষতি কৰে শৰীৰৰ৷ বিশেষকৈ ক্ষতিৰ সন্মুখীন হয় কিডনি৷ এই অংগৰ ৰক্তনলীসমূহ মূলত ক্ষতিৰ মুখত পৰে৷ যাৰ ফলত কিডনিত স্বাভাৱিক ৰক্ত চলাচল বন্ধ হয়৷ আৰু এই দুই নিচাই এই সমস্যা বহু পৰিমাণে বঢ়াই তোলে৷
টোপনি কম হোৱা
সুস্থ থাকিব খুজিলে প্ৰতিদিনে ৭ৰ পৰা ৮ ঘণ্টা টোপনি জৰুৰী৷ ইয়াতকৈ বেছি সময় শুলে অসুবিধা নাই৷ কিন্তু কমকৈ শুলে আপুনি অসুবিধাৰ সন্মুখীন হ’ব পাৰে৷ বহুতেই এই বিষয়টো নাভাৱি কমকৈ শুৱে৷ যাৰ ফলত কিডনিৰ ওপৰত ক্ষতিকৰ প্ৰভাৱ পৰে৷ কেৱল কিডনিৰ ওপৰতেই প্ৰভাৱ পৰে তেনে নহয়, ডায়বেটিছ, প্ৰেছাৰ আৰু ছুগাৰো হ’ব পাৰে৷
পেইনকিলাৰ খোৱা
বিষৰ ঔষধ কেতিয়াও চিকিৎসকৰ পৰামৰ্শ অবিহনে নাখাব৷ এই ভুলেই প্ৰকৃততে শৰীৰৰ অৱস্থা বেয়া কৰি তোলে৷ বিপদ বাঢ়ে কিডনিৰ৷ চিকিৎসকৰ পৰামৰ্শ অবিহনে পেইনকিলাৰ নাখাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
