বৰ্তমান সৌন্দৰ্য ধৰি ৰাখিবলৈ বহুতেই ভৰসা কৰে দামী চেলুন ট্ৰিটমেণ্ট, ফেছিয়েল বা কছমেটিক ইনজেকছনৰ ওপৰত৷ কিন্তু বিশেষজ্ঞৰ মতে শৰীৰৰ ভিতৰতেই লুকাই আছে সুন্দৰ ছাল আৰু চুলিৰ প্ৰকৃত ৰহস্য৷ নিয়মিত সঠিক পুষ্টি আৰু ভিটামিন গ্ৰহণ কৰিলে মাত্ৰ ৩০ দিনৰ ভিতৰতেই চকুত লগা পৰিবৰ্তন দেখা যাব৷ আনকি তিনিটা গুৰুত্বপূৰ্ণ ভিটামিন আছে যিসমূহে চাল, চুলি আৰু শৰীৰৰ গঠনত, প্ৰাকৃতিক সৌন্দৰ্য বঢ়োৱাত সহায় কৰে৷
ভিটামিন কে২ঃ ভিটামিন কে ২ক লৈ বেছি আলোচনা নহলেও ই শৰীৰৰ গঠন আৰু ছালৰ সৌন্দৰ্যত গুৰুত্বপূৰ্ণ ভূমিকা লয়৷ বিশেষজ্ঞসকলৰ মতে, এই ভিটামিনে শৰীৰত কেলছিয়ামক সঠিক স্থানলৈ লৈ যোৱাত সহায় কৰে৷ ফলত হাড় মজবুত হয় আৰু মুখৰ গঠন আৰু নিখুত হৈ পৰে৷ এই ভিটামিনে মুখৰ ফোলাভাৱ কমোৱাত সহায় কৰে আৰু চালক মসৃণ কৰি ৰখাত সহায় কৰে৷ বয়সৰ চাপ পৰাৰ পৰা ৰক্ষা পৰে৷ ভিটামিন কে ২ পোৱা যায় কণীৰ কুহুম, চিজ আৰু ফাৰমেণ্টেড খাদ্য৷
বায়োটিনঃ বায়োটিনক বহুতেই কেৱল চুলিৰ ভিটামিন বুলি জনায়৷ কিন্তু বাস্তৱত ই চুলি, চাল আৰু নখ তিনিটাকেই উন্নত কৰাত সহায় কৰে৷ বিশেষজ্ঞৰ মতে বায়োটিনে কেৰটিন উৎপাদন বঢ়ায়, যিয়ে চুলি আৰু ছালৰ বাবে অত্যন্ত জৰুৰী৷ ই চুলি সৰা কমোৱাত সহায় কৰে৷ চুলি আৰু ঘন কৰে৷ নখ ভঙাৰ প্ৰৱণতা কমাই৷ ছাল মসৃণ আৰু স্বাস্থ্যকৰ কৰি তোলে৷ বায়োটিন পোৱা যায় কণী, বাদাম, কল আৰু ওটছৰ দৰে খাদ্যত৷
ভিটামিন এঃ ছালৰ যত্নই ভিটামিন এ বা ৰেটিনলৰ ভূমিকা সকলোতকৈ বেছি৷ ই ছালৰ পুৰণি কোষ আঁতৰাই নতুন কোষ তৈয়াৰত সহায় কৰে৷ ছাল বিশেষজ্ঞৰ মত শৰীৰত ভিটামিন এ নিয়মিত পালে ছাল আৰু উজ্জ্বল আৰু প্ৰাণৱন্ত হৈ উঠে৷ এই ভিটামিনে ব্ৰণ আৰু দাগ কমোৱাত সহায় কৰে, ছাল মসৃণ কৰে, বালিৰেখা পাতল কৰিব পাৰে৷ ভিটামিন এ পোৱা যায় গাজৰ, অমিতা, মিঠা আলু আৰু সেউজ পাচলিত৷
৩০ দিনত কি পৰিবৰ্তনে দেখা দিব পাৰে?
বিশেষজ্ঞৰ মতে ভিটামিন গ্ৰহণৰ ক্ষেত্ৰত মাত্ৰা জানি থোৱাটো খুবেই গুৰুত্বপূৰ্ণ বিষয়৷ অতিৰিক্ত ছাপ্লিমেণ্ট লোৱাৰ পূৰ্বে অৱশ্যেই চিকিৎসক বা পুষ্টিবিদৰ পৰামৰ্শ লোৱা উচিত৷ সৌন্দৰ্য কেৱল বাহিৰৰ সাজ সজ্জাই নহয়৷ ভিতৰৰ পৰাও নিজৰ যত্ন লোৱা উচিত৷ সঠিক খাদ্য, পৰ্যাপ্ত পানী, টোপনি আৰু প্ৰয়োজনীয় ভিটামিন এই চাৰিটা বিষয়ে আপোনাক সুন্দৰ কৰি ৰাখিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
