এইখন চিৰিয়াখানাত বিক্ৰী হৈ আছে বাঘৰ মূত্ৰ, প্ৰতি লিটাৰ ৬০০ টকা, পাছে সত্যতা কি?
বাঘৰ মূত্ৰ কিমান প্ৰয়োজনয়ী ! ইয়াৰ কিবা প্ৰয়োজনীয়তা আছে নে, এই সন্দৰ্ভত কোনো জ্ঞান থাকক বা নাথাকক, এখন চিৰিয়াখানত কিন্তু বিক্ৰী হৈ আছে বাঘৰ মূত্ৰ। তাকো প্ৰতিলিটাৰত ৫০ য়ুআন, যি ভাৰতীয় হিচাপত ৬০০ টকা। এই চিৰিয়াখানা খন অৱশ্যে ভাৰতৰ নহয়, এই চিৰিয়াখানা খন আছে চীনত।
ৰঙা চীনৰেই এখন চিৰিয়াখানাত বটল হিচাপত বিক্ৰী হৈ আছে বাঘৰ মূত্ৰ। যি খবৰে এতিয়া চাৰিওফালে চাঞ্চল্যৰ সৃষ্টি কৰিছে। একন বিশ্বপ্ৰসিদ্ধ চিৰিয়াখানাতেই এইদৰে বিক্ৰী হৈ আছে বাঘৰ মূত্ৰ।
দেশখনৰ দক্ষিণ-পশ্চিম দিশৰ চিছুৱান প্ৰদেশত অৱস্থিত য়ান বিফেগাক্সিয়া নামৰ চিৰিয়াখানাত বহু ৰোগৰ চিকিৎসাৰ কাৰক হিচাপে বিক্ৰীৰ বাবে ৰখা হৈছে। লগতে চিৰিয়াখানা খনৰ ফালৰ পৰা দাবী কৰা হৈছে যে, হোৱাইট ৱাইনৰ সৈতে এই বাঘৰ মূত্ৰ মিহলালে বহু ৰোগ নাশ কৰে।
এই ঘটনা সমগ্ৰ বিশ্ববাসীৰ আগত তেতিয়াহে পোহৰলৈ আহে যেতিয়া এগৰাকী পৰ্যটকে সেই চিৰিয়াখানালৈ ফুৰিবলৈ যাওতে এই দৰে বটলত বাঘৰ মূত্ৰ বিক্ৰী কৰি থকা দেখা পাই আৰু সেই ফটো সামাজিক মাধ্যমত শ্বেয়াৰ কৰি দিয়ে। শ্বেয়াৰ কৰা ফটো অনুসৰি প্ৰতি ২৫০ গ্ৰামৰ বটলৰ মূল্য ৫০ য়ুআন, যাৰ অৰ্থ ভাৰতীয় হিচাপত ৬০০ টকা।
কিন্তু এই ক্ষেত্ৰত কেইবাগৰাকী চিকিৎসকে জানিবলৈ দিয়ে যে, এইদৰে বাঘৰ মূত্ৰ কোনো ৰোগত সহায়ক বুলি কোনো তথ্য নাই। চীনৰ চিকিৎসা খণ্ডতো পূৰ্বে ইয়াৰ ব্যৱহাৰৰ কথা উল্লেখ নাই। লগতে ইয়াৰ কোনো পৰীক্ষাও হোৱা নই , ই স্বাস্থ্যৰ বাবে কিমান উপযোগী সেই বিষয়েও কোনো তথ্য উপলব্ধ নহয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
