য’তে ত’তে ফোন চাৰ্জত লগায়? সতৰ্ক নহ’লেই ঘটিব ডাঙৰ বিপদ, কেনেকৈ সাৱধান হ’ব?

মোবাইলটো আমাৰ সৰ্বক্ষণৰ সংগী৷ পুৱাৰ এলাৰ্মৰ পৰা নিশা শুৱালৈকে সকলো সময়তে মোবাইলটো আমাৰ লগতে থাকে৷ মোবাইল এৰি জীৱন এতিয়া অকল্পনীয়৷ মোবাইল চাৰ্জ অলপমান কমি গ’লেই আমাৰ চিন্তা বাঢ়ি যায়৷ মেজাজো বেয়া হৈ পৰে৷ সেয়ে বেছিভাগ সময়ে মোবাইল ফোনত বহুতে চাৰ্জাৰ গুজি থয়৷

সকলো সময়তে মোবাইল চাৰ্জ দিয়া বেটেৰীৰ স্বাস্থ্যৰ বাবে মুঠেও ভাল নহয়৷ এনেকৈ অনবৰত মোবাইল চাৰ্জ দি থাকিলে বেটেৰী নষ্ট হৈ যোৱাৰ সম্ভাৱনা থাকে৷ কেনেকৈ মোবাইলৰ বেটেৰী ভালে ৰাখিব জানক সবিশেষ৷

১. মোবাইলত ২০ শতাংশলৈকে চাৰ্জ কৰিলে মোবাইলটো চাৰ্জত লগাওক৷

২. ৮০শতাংশ চাৰ্জ হৈ গ’লে চাৰ্জাৰ খুলি দিব পাৰে৷

৩. নিশা মোবাইলটো চাৰ্জত লগাই শুই নাযাব৷ ওৰে নিশা অৰ্থাৎ ৭-৮ ঘণ্টা চাৰ্জ দিয়াৰ প্ৰয়োজন নাই৷

৪. মোবাইলৰ বেটেৰী গৰম হৈ গ’লে লগে লগে চাৰ্জাৰৰ প্লাগটো বন্ধ কৰি দিয়ক৷

৫. নতুন ফোন বাৰে বাৰে চাৰ্জ দি থকাটো অনুচিত, এনেকৈ চাৰ্জ দি থাকিলে বেটেৰীৰ ক্ষতি হয়৷

আধুনিক মোবাইলসমূহ চাৰ্জ দিয়াৰ বাবে মোবাইলৰ সৈতে যি ইউ এছ বি যন্ত্ৰ ব্যৱহাৰ কৰা হয় সেয়া চাৰ্জ দিয়াৰ ওপৰিও তথ্য আদান প্ৰদানতো সহায়ক হয়৷ সেয়ে সেই কেবলেৰে তথ্য আদান প্ৰদান হৈ থাকোতেও চাৰ্জ হৈ থাকে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ