মথুৰা উত্তৰপ্ৰদেশৰ অন্যতম বিখ্যাত চহৰ৷ মথুৰা-বৃন্দাবন ভালধৰণে ফুৰিম ভাৱিলে হাতত কমেও আঢ়ৈ দিন সময় ৰখাটো খুবেই জৰুৰী৷ মথুৰা-বৃন্দাবনলৈ ফুৰিবলৈ যোৱাৰ উপযুক্ত সময় অক্টোবৰৰ পৰা মাৰ্চ৷ জন্মাষ্টমী আৰু হোলী ইয়াৰ সকলোতকৈ জনপ্ৰিয় উৎসৱ৷
মথুৰা শ্ৰীকৃষ্ণৰ জন্মস্থান
মথুৰা-বৃন্দাবনৰ প্ৰধান মন্দিৰসমূহ জীৱনকালত এবাৰ দৰ্শন কৰক৷ মথুৰা চহৰত অৱস্থিত কৃষ্ণ জন্মভূমি মন্দিৰেই ভগৱান কৃষ্ণৰ জন্মস্থান৷ ইয়াৰোপৰি কাশীঘাট যমুনা, দ্বাৰকাধীশ মন্দিৰ, কংস কিলা বা কংসৰ দুৰ্গ, মদনমোহন মন্দিৰ, গীতা মন্দিৰ, জামে মছজিদ, গভৰ্ণমেণ্ট মিউজিয়াম, বলভদ্ৰ কুণ্ড, সৰস্বতী কুণ্ড, পোট্ৰা কুণ্ড, শিৱতাল, যমুনা বাগ, গুৰুগোবিন্দ সিঙৰ স্মৃষ্টি বিজৰিত গুৰুদ্বাৰ জৈন সিদ্ধক্ষেত্ৰত চৌৰাছিয়া৷ দ্বাৰকাধীশ মন্দিৰৰ পুৱাৰ মঙ্গলা আৰতি চাবলগীয়া৷
লীলাক্ষেত্ৰ বৃন্দাবন
মথুৰাৰ পৰা মাত্ৰ ১৫ কিঃমিঃ দূৰত্বত যমুনাৰ তীৰত মন্দিৰময় বৃন্দাবন আছিল শ্ৰীকৃষ্ণৰ লীলাক্ষেত্ৰ৷ ইয়াতেই আছে কৃষ্ণৰ লীলাক্ষেত্ৰ বৃন্দাবনৰ নিধিবন মন্দিৰ৷ ইয়াৰোপৰি ইয়াতেই আছে বৃন্দাবনৰ ইছকন মন্দিৰ, প্ৰেম মন্দিৰ, বাঁকে বিহাৰী মন্দিৰ ইত্যাদি৷ দুই দিনৰ ভিতৰত মথুৰা-বৃন্দাবন ভ্ৰমণৰ প্লেন থাকিলে চাই লওক শ্ৰীকৃষ্ণৰ বাল্যলীলাৰ কেন্দ্ৰস্থল গোকুল, মহাবন, বলদেৱ, গোৱৰ্ধন, ৰাধাকুণ্ড, শ্ৰীৰাধাৰ জন্মস্থান বৰ্ষণা৷ নন্দৰজাৰ আৱাসস্থল নন্দগাওঁ, গোপীনাথ মন্দিৰ, গোবিন্দজি মন্দিৰ৷
মথুৰা বৃন্দাবন ভ্ৰমণৰ কিছু পৰামৰ্শ
১. ৰক্ষণশীল পোছাক পিন্ধক৷ ইয়াত বহুতো চোৰ-পকেটমাৰ আছে৷ বৃন্দাবনত বান্দৰৰ উৎপাত ভয়ানক সেয়ে চশমা, ছানগ্লাছ, মোবাইল, পাৰ্ছ খুব সাৱধানে ৰাখক৷ মূল্যবান সামগ্ৰী হোটেল বা থকা স্থানতেই থৈ তলা লগাই যাওক৷ আশেপাশে পৰিবেশক লৈ সচেতন হৈ থাকক৷
২. ইয়াৰ প্ৰতিটো মন্দিৰতেই পুৱা ৬বজাৰ পৰা দুপৰীয়া ১২ বজালৈকে আৰু বিয়লী চাৰে ৪ বজাৰ পৰা নিশা ৯বজা পৰ্যন্ত খোলা থাকে৷
৩. দৰ্শনীয় স্থানৰ ওপৰিও যমুনা নদীত নৌকাবিহাৰৰ অভিজ্ঞতাও সুকীয়া৷ সন্ধিয়াৰ সময়ত যমুনাত চাকি উটোৱাই দিব পাৰে৷
৪. সমগ্ৰ দিনজুৰি চহৰ ফুৰিবৰ বাবে বাহন ভাড়াত পোৱা যায়৷ কম খৰচত ফুৰিব বিচাৰিলে অটো ভাড়া কৰক৷
থকা খোৱাৰ ব্যৱস্থা
মথুৰা আৰু বৃন্দাবনত থকাৰ বাবে বহু হোটেল, হোমষ্টে আৰু ধৰ্মশালা আছে৷ মন্দিৰ এলেকাৰ কাষত মথুৰা-বৃন্দাবনৰ স্থানীয় খাদ্য খাবলৈ পাব৷ এতিয়া গোলগাপ্পা বা ফুচকা, ৰাবড়ি, পেৰা, খাজা, পিঠা, কচুৰি আলুৰ তৰকাৰী, চিলা, লাছি ইত্যাদি জনপ্ৰিয়৷ ইয়াত আপুনি আমিষ খাদ্য নাপাব৷
কেনেকৈ বৃন্দাবনলৈ যাব?
মথুৰাৰ নিকটতম বিমানবন্দৰ হৈছে আগ্ৰা বিমানবন্দৰ৷ মূল চহৰৰ পৰা ইয়াৰ দূৰব্ত প্ৰায় ৬০ কিঃমিঃ৷ নিকটতম ষ্টেচন মথুৰা জংছন৷ দিল্লীৰ পৰা বাছ বা অন্য সৰু বাহনেৰে মথুৰা-বৃন্দাবনলৈ যাব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
