ৰাছিয়াত হঠাতে নিৰুদ্দেশ হৈছে এখন হেলিকপ্টাৰ। আজি অৰ্থাৎ শনিবাৰে ৰাছিয়াৰ পূব অঞ্চলৰ পৰা Mi-8 হেলিকপ্টাৰে উৰা মাৰিছিল। কিন্তু গন্তব্য স্থানত উপস্থিত নহ’ল হেলিকপ্টাৰখন। এই হেলিকপ্টাৰত ২২ জনকৈ যাত্রী থকাৰ কথা প্ৰকাশ পাইছে ৰয়টাৰ্ছত৷ হেলিকপ্টাৰখন ক’লৈ গ’ল? হেলিকপ্টাৰখনৰ বৰ্তমান আৰু শেষ স্থান ক’ত আছিল?
জাহাজখনত আছিল ১৯ গৰাকী যাত্ৰী
সংবাদ মাধ্যমৰ খবৰ অনুসৰি হেলিকপ্টাৰখনত ৩ গৰাকী কেবিন ক্ৰু আৰু ১৯ গৰাকী যাত্ৰী আছিল। এই হেলিকপ্টাৰখনে আজি পুৱা ৰাছিয়াৰ পূব অঞ্চল কামচাটকাৰ পৰা উৰা মাৰিছিল। এই হেলিকপ্টাৰখন ভাচকাজেটছ আগ্নেয়গিৰিৰ ওচৰত উৰা দেখা পাইছিল একাংশই। কিন্তু ৪ বজাৰ পিছত হেলিকপ্টাৰখনে সকলোৰে সৈতে যোগাযোগ হেৰুৱাই পেলায়। উদ্ধাৰকাৰী দলে অনুসন্ধান অভিযান আৰম্ভ কৰিছে যদিও এতিয়ালৈকে হেলিকপ্টাৰখনৰ কোনো তথ্য পোৱা নাই।
Mi-8 হেলিকপ্টাৰ
এই Mi-8 হেলিকপ্টাৰখন Vityaz Aero বিমান সংস্থাৰ আছিল। এই বিমান সংস্থাটোৱে ৰাছিয়াৰ দুৰ্গম অঞ্চললৈ পৰ্যটকৰ ভ্ৰমণ কৰোৱাইছিল৷ ১৯৬০ চনত ডিজাইন কৰা মি-৮ হেলিকপ্টাৰখনত ২টা ইঞ্জিন আছে। বহু দেশত এই হেলিকপ্টাৰ ব্যৱহাৰ কৰা হয়। অৱশ্যে মি-৮ হেলিকপ্টাৰ দুৰ্ঘটনাৰ খবৰ প্ৰায়ে পোহৰলৈ আহে।ৰাছিয়াৰ পূব অংশৰ অধিকাংশ অঞ্চল বৰফেৰে আবৃত হৈ আছে। এনে পৰিস্থিতিত বহুতে এই পৰ্যটনস্থলী ভ্ৰমণ কৰি ভাল পায়। সম্ভৱতঃ নিৰুদ্দেশ হোৱা হেলিকপ্টাৰখনো পৰ্যটক লৈয়েই উভতি আহিছিল। কিন্তু বাটতে হেলিকপ্টাৰখন অদৃশ্য হৈ পৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
